InfoHub Logo

Qurmetti saıt qoldanýshylary!
Bilimdiler portaly 2015 - 2016 oqý jylyn qorytyndylaý úshin «Úzdik ustaz» báıgesin uıymdastyrǵaly otyr.
Maqsaty: Qazaqstannyń barlyq aımaǵynan eń úzdik ustazdardy anyqtaý jáne baǵalaý bolyp tabylady.
Báıgege tek ashyq sabaqtyń jospary qatystyrylady. Eger, buryn engizgen ashyq sabaǵyńyz bolsa, jumys úlgige saı qurylǵan bolsa, qatystyrýǵa bolady. Jańadan jumys jiberýge de bolady.

Báıgeniń sharty: Ustaz óz páni boıynsha ashyq sabaq engizýi tıis. Tek bir ǵana sabaq jiberýge quqyly. Báıgege qatysý quny 3000 teńge. Sabaq saıtqa jarıalanǵan soń rekvızıtter jiberiledi!

Báıgeniń erejesi:
Sabaq jospary eki betten kem bolmaýy qajet. Taqyrybyńyzdy tolyq ashýǵa tyrysyńyz, oıyn elementterin, sózjumbaq, maqal - mátel, bolsa quba - qup. Slaıdy bolýy mindetti emes. Kembrıdj tásilindegi qysqa merzimdi josparlar jaramaıdy!
Jumys Word - ta saýatty terilip. 14 shrıftte bolýy kerek. Sabaq úlgige saı bolýyn qadaǵalańyz!

Sabaq úlgisi: Júkteý

Sabaq josparyn bilimdiler@yandex. ru pochtasyna jiberý qajet (vord nusqasyn prıkrepıt etip).
Báıgege qatysý úshin tómendegi úlgidegideı aty-jónińizdi, sabaǵyńyzdyń taqyrybyn tolyq jazyp bizge jiberińiz! Sabaq saıtqa jarıalanǵan soń rekvızıtter jiberiledi.

Aqmola oblysy, Shortandy aýdany,
Tóle bı kenti, №70 orta mekteptiń
bastaýysh páni muǵalimi
Ábsultan Uldaı Shyntemirqyzy
Qatysatyn kategorıa: bastaýysh synyp
1.Jazbasha qosý jáne azaıtý

Báıgeniń baǵalanýy: Ár sabaqqa baǵalaý komısıasy óz balyn qoıady jáne oǵan daýys berý baly qosylyp nátıje shyǵady. Baǵalaý komısıasyn saıt ujymy ózi anyqtap, jasaqtaıdy. Biz, portal tarapynan báıgeniń meılinshe ashyq jáne ádil ótýine atsalysamyz. Sonymen iske sát ustazdar!

Barlyq qatysýshylar - sertıfıkatpen jáne saıt atynan alǵys hatpen marapattalady. Úzdikter - dıplommen, sertıfıkat jáne alǵys hatpen marapattalady. Eń úzdikteri - aqshalaı syılyq alady. Barlyq oryn alǵan ustazdardyń báıge sońynda sýretteri saıtqa jarıalanady.
Báıge ótkiziletin ýaqyty 10. 02. 2016 – 31. 04. 2016, saıt arqyly daýys berý 01. 05. 2016 – 14. 05. 2016 aralyǵynda.
Báıge qorytyndysy jáne úzdikterdi anyqtaý 15 - 20 mamyr aralyǵynda belgili bolady.

Beriletin oryndar ár kategorıada 7 orynnan (ár nomınasıa boıynsha)
Bas báıge: 1 oryn
Birinshi oryn: 1 oryn
Ekinshi oryn: 2 oryn
Úshinshi oryn: 3 oryn
Oryn alý muǵalimderdiń qatysý belsendigine tikeleı baılanysty bolady jáne oryn sany qysqarýy nemese kóbeıtilýi múmkin.

Báıge tómendegi pánder boıynsha úzdikterdi anyqtaıdy:
1. Qazaq tili men ádebıeti pániniń úzdik ustazy
2. Orys tili men ádebıeti pániniń úzdik ustazy
3. Aǵylshyn tili pániniń úzdik ustazy
4. Matematıka (algebra, geometrıa) pániniń úzdik ustazy
5. Fızıka pániniń úzdik ustazy
6. Informatıka pániniń úzdik ustazy
7. Hımıa pániniń úzdik ustazy
8. Bıologıa pániniń úzdik ustazy
9. Tarıh pániniń úzdik ustazy
10. Geografıa pániniń úzdik ustazy
11. Tehnologıa pániniń úzdik ustazy
12. Mýzyka pániniń úzdik ustazy
13. Sýret jáne syzý pániniń úzdik ustazy
14. Bastaýysh synyp pániniń úzdik ustazy
15. Balabaqsha úzdik tárbıeshisi
16. Dene shynyqtyrý pániniń úzdik ustazy