InfoHub Logo

Mýzyka 2 synyp
Halyq mýzykasynyń konserti
Sabaqtyń maqsaty: Oqýshynyń jas ereksheligi men múmkindigin eskere otyryp, onyń rýhanı - adamgershilik qaǵıdalary men shyǵarmashylyq qabiletin ashý.
Sabaqtyń mindeti:
Bilimdilik: Oqýshylardy ata - babamyzdyń asyl murasy – halqymyzdyń erteden kele jatqan kóne mýzykalyq aspaptarymen, kúıshi – sazgerlermen, túrli óner ujymdarymen tanystyrý.
Damytýshylyq: Ártúrli ádis – tásilder negizinde olardyń mýzykalyq qabilettiligin, mýzykalyq jan-jaqtylyǵyn qalyptastyrý.
Tárbıelik: Oqýshylardy óz Otanynyń naǵyz azamaty bolýǵa baýlyp,
onyń ulttyq sanasy men kózqarasyn oıatý.
Sabaqtyń túri: Jınaqtaı otyryp qorytyndylaý.
Ádis – tásilderi: Baıandaý, suraq – jaýap, taldaý, oı túıindeý.
Sabaqtyń pánaralyq baılanysy: Tarıh, Óner.
Kórnekilikteri: Interaktıvti taqta, saz aspaptarynyń sýretteri, baıan.

Sabaqtyń barysy:
1. Uıymdastyrý kezeńderi.
a. Oqýshylarmen sálemdesip, synypty túgendeý.
b. Q. R. Memlekettik ánuranyn oryndaý.
2. Ótken materıaldardy qaıtalap, ánderdi eske túsirý.
Biz ótken sabaqtarda «Halyq mýzykasy» taqyrybyn kezeń – kezeńge bólip ótkemiz. Búgingi sabaqta sol taqyrypty bekitý maqsatynda jalǵastyramyz. Sabaǵymyzdy Jambyl atamyzdyń «Án men kúı – halyq úni. Onyń shyndyǵy, onyń oıy men sezimi» degen qanatty sózimen bastaımyz. Endeshe ádettegideı memlekettik ánurandy oryndap, sabaqty ármen qaraı jalǵastyrý.
1. Mýzyka aspaptarynyń atyn atap tabý.
2. Eń úlken mýzyka aspabyn ataý.
3. Qazaqtyń halyq kompozıtorlaryn sýretke qarap tanyp, tabý.
4. Ansámblderdi ajyratyp berý./ dýet, trıo, kvartet, kvıntet t. b./
Q. Ybyraıulynyń áni men sózine jazylǵan «Apa, týǵan kúnińmen!» atty ánin synyp bolyp oryndaý.

Jańa sabaq: Halyq mýzykasynyń konserti.
Óner ujymdary jaıly túsinikteme berip, slaıd túrinde Qazaqstannyń óner ujymdarymen tanystyryp, osy óner ujymdarynyń oryndaýlarynda mýzyka tyńdatý.
1. Qazaqtyń memlekettik sımfonıalyq orkestri.
2. «Otyrar sazy» fólklorlyq - etnografıalyq orkestri.
3. Qurmanǵazy atyndaǵy ulttyq halyq aspaptar orkestri.
4. B. Baıqadamov atyndaǵy hor kapelasy.
5. Jeke balalar hory.
6. Jeke áıelder hory. t. t.
Mýzyka tyńdaý barysynda oqýshylar bir mezgilde ándi, kúıdi, marsh mýzykalaryn, jáı jáne kúrdeli mýzykalardy ajyratyp, mýzykanyń kóńil kúıine dál baǵasyn berip otyrdy.

Sabaqty qorytyndylaý:
1. Jańa sabaqty pysyqtaý.
a. Dırıjer dep kimdi aıtamyz?.
b. Orkestr quramynda qandaı aspaptar bar?.
v. Orkestr quramynda qansha adam bolady?.
g. Hor degenimiz ne?

«Uıqasyn tap» oıynyn oınatý.
Oıynnyń sharty: Eki jol óleń oqımyn, sońǵy sózi jasyrylady. Sender óleńniń uıqasyna qaraı jasyryn sózdi tabasyńdar. Bul sóz ózderiń ótken aspaptardyń aty.

1. İship bolyp qymyzdy,
Tartty Ábish /sybyzǵy/

2. Túste, erteń, keshke de,
Oınaımyn men /sherterde/

3. Tonyma orap ketip em,
Buzylmapty /jetigen/

4. Bosqa otyrmaı ysqyryp,
Tartsaıshy sen /úskirik/

5. Áýenge kim qumartpas,
Berse yrǵaq /tuıaqtas/

6. Jan serigim ol myna,
Dedi Aımara /dombyra/

7. Aýyl jurty sabyldy,
Soǵyp edim /dabyldy/

2. Oqýshy bilimin baǵalaý.
3. Úıge tapsyrma berý.
«Apa, týǵan kúnińmen!» atty Q. Ybyraıulynyń ánin jattap kelý.
4. Q. R. Memlekettik ánuranymen sabaqty qorytyndylaý.