InfoHub Logo

Halyqtyq azamattyq qorǵanysy — beıbit ýaqytta jáne soǵys kezinde elimizdiń, halqy men halyq sharýashylyǵyn dushpannyń jappaı zaqymdaýshy jáne basqa shabýyl jasaý qarýlarynan qorǵaý úshin, sońdaı-aq zaqym oshaqtarynda, apatty sý tasqyny aımaqtarynda, stıhıalyq apattar, iri avarıalar men apattar kezinde qutqarý jáne shuǵyl avarıalyq-qalpyna keltirý jumystaryn júrgizý úshin júzege asyrylatyn jalpy memlekettik qorǵanys sharalary júıesiniń quramdas bóligi. Azamattyq qorǵanys róli óziniń mindetteriniń kúrdeliligimen, ár alýandyǵymen erekshelenedi, ol bul mindetterdi agresor raketalyq-ádrolyq soǵys ashqan kezde júzege asyrady. Qazirgi zamandaǵy shabýyl jasaý quraldarynyń sheksiz múmkindigi men ıadrolyq qarýdyń orasan zor apatty sıpaty elimizdiń búkil halqyn ony qorǵaýdy qamtamasyz etýge baǵyttalǵan sharalarǵa barynsha belsendi týrde qatysýǵa jumyldyrýdy qajet etedi.

Halyqty qorǵaý, adamdardyń ómirin saqtaý — bul azamattyq qorǵanystyń gýmmanıstik maqsaty. Azamattyq qorǵanysty jetildirip, damytý — búkil halyqtyq is jáne árbir azamattyń boryshy. Azamattyq qorǵanys oryndaıtyn mindetterin mańyzdylyq sıpatyna qaraı shartty túrde úsh topqa bólýge bolady:

— I-halyqty jappaı zaqymdaýshy qarýdan qorǵaý der kezinde qorǵaý ǵımarattaryn daıyndaý, halyqty jeke qorǵanys quraldarymen qamtamasyz etý, halyqty taratyp ornalastyrý jáne kóshirý jumysyn uıymdastyrý men júrgizý, halyqqa qorǵanys ádisteri men quraldaryn oqytyp úıretý;

— II-soǵys kezinde halyq sharýashylyǵy obektileriniń turaqty jumys isteýin arttyrý;

— III-dushpannyń jappaı zaqymdaýshy qarýdy qoldaný zardaptaryn joıý — zaqym oshaǵynda qutqarý jáne shuǵyl avarıalyq-qalpyna keltirý jumystaryn júrgizý.

Bul mindetterdi oıdaǵydaı júzege asyrý komandalyq-basshy quramdarmen áskerı emes jasaqtardyń, sondaı-aq búkil halyqtyń jappaı zaqymdaýshy qarýlardan qorǵaný daıarlyǵyna baılanysty bolady.

---