InfoHub Logo

Xiaomi jańa Mi5 flagmanyn usyndy da, basqa smartfondardyń jarnamasyn bir sermep joq qyldy. Qazirgi tańda múmkindigi mol, sapasy jaqsy, baǵasy arzan smartfon osy bolyp otyr.

Barselonada ótken MWC 2016 kórmesinde Xiaomi jańa flagman ónimin — kópten kútilgen Xiaomi Mi5 smartfonyn tanystyrdy. Osy joly kompanıa LG menSamsung-tyń aldyn orap ketkenimen qoımaı, óz-ózinen de artyq túsken sıaqty. Sapasy men baǵasy qatynasy jóninen – ónimdiligi men qurastyrý sapasyn aıtar bolsaq - Mi5-ke básekeles bolar smartfon áli joq, jaqyn arada paıda bola qoıýy da ekitalaı.

Jańa smartfonnyń 5,15-dúım jáne jarqyndyǵy 600 nıt Full HD dıpsleıi bar. Mundaı dıagonal 5.5 dúımǵa qaraǵanda yńǵaılyraq ekenin aıta ketý kerek. Ekrany oleofob jabyndy áınekpen qorǵalǵan. Eń jaǵymdy jańalyq - Mi5-te Adreno 530 grafıkalyq shapshańdatqyshy bar eń jańa Snapdragon 820 prosesory (1,8 jáne 2,15 GGs jıilikti nusqalary bar) qoldanylǵan: bul krıstal «tas» aldyńǵyda 810 nómirli sheshimge qaraǵanda 100% shapshańyraq.

Sonymen qatar, jańa smartfonda LPDDR4 jad ornatylǵan, bul smartfondarda buryn qoldanylyp kelgen LPDDR3 qaraǵanda jad ónimdiligin 100% arttyrady. Qazir Xiaomi Mi5 smartfonynyń úsh nusqasy shyqty dep jarıalandy. Bazalyq nusqa 3 GB jedel jáne 32 GB  turaqty jadpen jabdyqtalǵan, orta baǵadaǵysyndaǵy – sáıkesinshe — 4 GB jáne 64 GB. Ozyq úlgisinde 4 GB jáne 128 GB jad ornatylǵan. Aıtqandaı, mundaǵy flesh-jad ta qalyptan tys: jańa Xiaomismartfonynda derekter jetkizý jyldamdyǵy 450 MB/s UFS 2.0 modýlder paıdalanylǵan. Jańa standart smartfondardyń kópshiliginde qoldanylatyn eMMC 5.0 standartynan 87% shapshańyraq.

Jańa qurylǵynyń ishki qurylysynyń myqtylyǵy qazirgi qoldanystaǵy kez kelgen smartfonmen bástese alady. Mysaly, Mi5 negizgi kamerasy fazalyq avtofokýsy jáne sýretti turaqtandyrǵyshy bar  16-megapıkseldi Sony IMX298 modýlimen jasaqtalǵan. Aldyńǵy kamerada 4-megapıkseldi modýl qoldanylǵan. 3 000 mA·s eseptelgen akýmýlátory  Quick Charge 3.0 jyldam qýattaný tehnologıasyna sáıkes keledi.

Dızaın jáne qoldaný yńǵaılylyǵy jaǵynan da Xiaomi alda keledi: apparattyń «Basty ekranǵa» qaıtý batyrmasyna saýsaq tańbasyn skanerleıtin qurylǵy ornatylǵan. Smartfonnyń aldy da, arty da áınekpen qorǵalǵan. Qańqasy metaldan jasalǵan. Kóz úırengen  microUSB ornyna jańa qurylǵynyń negizgi ári jalǵyz symdy ınterfeısi – USB Type-C porty.Qazir tanymaldyǵy azaıǵan, sonda da qajettiligi kemimegen NFC-modýl de ornatylǵan. Al symsyz ınterfeıster tolyq quramda kiriktirilgen: smartfon derekter jetkizý jyldamdyǵy 600 Mbıt/s jetetin 4G LTE-A jańa standartyn jáne VoLTE daýys telefonıasyn qoldaıdy. 

Kompanıa smartfondy úsh túrli túste shyǵarýdy josparlap otyr: aq, qara jáne altyn tústes. Altyn tústes nusqasynyń artqy qaqpaǵynda eksklúzıv tekstýra bolady. Xiaomi Mi5 ólshemderi óte yńǵaıly: 144,55 × 69,2 × 7,25 mm (qalyptan tys ekran dıagonali de osy úshin jasalǵan), al salmaǵy bar-joǵy 129 gram. Óndirýshiniń derekterine súıensek, osy keremet Antutu-da 140 myń totyqus jınap, naryqta sózsiz kósh bastar keledi.

Osy kórsetkishterine shaqqanda, gadjettiń baǵasy kúlkili kórinedi (shyn máninde tym jaqsy baǵa). Prosesor jıiligi 1,8 GGs, jedel jady 3 GB, al turaqty jady 32 GB nusqasy Qytaı naryǵynda 300 dollar turady. Oǵan qaraǵanda qýattyraq, jedel jady dál sondaı, al prosesor jıiligi 2,15 GGsjáne turaqty jady 64 GB nusqasy 50 dollarǵa qymbatyraq. Artqy qaqpaǵy keramıkadan jasalǵan, jıiligi 2,15 GGs, jedel jady 4 GB deıin ulǵaıtylǵan, ishki derek saqtaǵyshy 128 GB ozyq nusqasynyń baǵasy – shamamen 415 dollar.

Mundaı nátıjemen jańa smartfon etalon iPhone 6-men básekelese alady. Áıteýir, Antutu testeri, baǵasy jáne kamerasyna júrgizilgen testter Qytaıda shyqqan smartfonnyń bar jaǵynan basym túsetinin kórsetip otyr. Xiaomi óz elinen shyqqan básekelesi — Meizu Pro5 smartfonyn da — testter boıynsha da, ishki qurylysy boıynsha da (eń aldymen, kamerasynyń optıkalyq turaqtandyrǵyshymen jáne nedáýir qýatty prosesorymen) basyp ozdy.

Samsung S7 jáne LG jańa flagmanymen salystyrýdy bul maqaladan tys qaldyrǵymyz keledi. Oqyrmandardyń da pikirin tyńdasaq deımiz. Qaısy jeńedi dep oılaısyzdar?

---