InfoHub Logo

      Rýhanı keshte, ortalyq «Shynasyl» - meshitiniń naıb ımamy Toqtaǵulov Azat qurmetti aýdan turǵyndary men mereke qonaqtaryna Paıǵambarymyz (ﷺ) -nyń jáne dúnıeden ótken barsha musylmandardyń rýhyna quran baǵyshtap, aýdanymyzdaǵy shákirtteriniń oryndaýynda  Paıǵambarymyz (ﷺ) - nyń «Marhaba» - Máýlit jyryn oqyp, paıǵambarymyzdyń ónegeli ómirin ulyqtaǵan shaǵyn beıne rolıgi kórsetildi

Ásem bezerlengen sahynada tórinde: Mekke shahary 571 jyl. Hashmıdter áýletinde pil jyly Rabıǵ Ál-Áýýál aıy 12-shi juldyzy dúısenbi kúni tańsárisinde eki dúnıe sárýári bolǵan Muhammed (ﷺ) – niń dúnıe kelgende Ámına anamyz «Torsyqtaı ul bosandy»-dep atasy Ábdi Mútálipke súıinshilegen áıelder únine jamaǵat janary kóz tikti.

Ámına anamyzdyń tolǵaǵy kezinde shárbattaı sýsyn usynyp, kóz aldynda Sham shahary nurlana, qulaǵyna bir daýys, eskertýshi, jol bastaýshy, sońǵy elshi keldi degendeı ún qatýy men alǵashynda qoryqqandaı bolyp, bir aq kepter ıyǵyna qonyp, qanatymen sıpap, kóz aldynda túsiniksiz jaǵdaılar bolyp jatqanynda, «Qoryqpa Ámına! Sen baqytty áıelsiń» degen ádemi daýys kelýi, bári-bári júıeli kórinis tapqan.

On uldyń ishinde, eń súıkimdisi Abdýlla dúnıeden ótkennen keıingi dúnıege kedgen nemeresine: Aspan men Jerde de maqtaýly bolsyn  dep,  «Seniń atyń Muhammed!»-dep azan shaqyryp at qoıyp, «Qaǵbaǵa» - aparyp, qýanyshyn elden súıinshileýge ketken jerinen kórinistiń birinshi bólimi támám bolyp, sahyna jaryǵy sál óship qosylǵan sátte:

Taqta otyrysqan Evreı halqynyń patshasy men oqymystylaryna shabarmandardyń Táýrattaǵy Musaǵa kelgen habarda sońǵy paıǵambardyń dúnıege kelýimen tún men tańǵa deıin tabıǵı qubylystar ózgerýimen tuspa-tus kelýi ásem kórinis tapqan. Tipten otqa tabynatyn Parsylardyń záýlim saraılary uzyn baǵanalary men munaralary jerge qulap, ǵıbadathanasyndaǵy qansha jyldan beri janyp turǵan oty sónýi men, Tegeranda Sáýe kóli bir kúnde tartylyp, sazǵa gúlder shyǵyp ketýi, Hrıstıandardyń jınalyp tez arada májilis quryp, İnjilde aıtylǵan qutqarýshy keldi dep jar salýy.

Týylǵan sábıdiń eki jaýyryny arasynda móri bar bolýy men nyq senimmen İnjildegi paıǵambar osy degende, «Shirkin-aı! Ol bizdiń Evreı halqynan shyqsa eken»-dep arman etýi, «Qap biz qurydyq! Bılik pen paıǵambarlyq bizdiń qoldan ketti. Arabtardyń juldyzy janypty. Meniń ómirim jetse, sol elshiniń dinin qabyldap, ómirimniń sońyna deıin ulyqtap óter edim»-degen kúıinishin janyndaǵy jantaıshaqtanyń «Biz ony óltirsek, Qudaı bizdiń ultymyzdan elshi jiberer»-degen úmiti de tys qary qalmaǵan.

Sahyna perdesi: O, Alla! Seniń qudiretińe kúmán keltire almaspyn. Evreı ulty óz basshysyna qulaq salmaıdy. Búkil dindi biriktiretin sońǵy elshi kelgenin biz bildik. Osy paıǵambarǵa kim senip ıman keltirse olar baqytty jandar. Al, eger ony kimde-kim teriske shyǵaratyn bolsa, aqıqatqa qarsy júrgendeı. Men halqymdy osy týra jolda júrýine shaqyramyn. Ýa rabbym! Sen bizdi keshir!-degen sózimen jabylydy. Odan ári kórinis jelisi esh qan tógisti unatpaıtyn. Kerisinshe, kúlli adamzatty ózine baýrap, baýyrdaı sezinetin Muhammed (ﷺ) – ge Mekke múshrıkteri Mádına musylmandarynyń tynyshtyǵyn buzyp,  «Hýdaıbıa» - degen jerde musylmandarmen Mekke múshrıkteri 10-jyldaı soǵyspaımyz dep ýaǵdalasqan ýádeni kóp uzamaı Mekke múshrıkteri astyrtyn buzyp, musylmandarǵa jaqtasqan, eshkimge zıany joq adamdardyń  20-ǵa jýyǵyn óltirip ketýimen órbidi.

Bul habar paıǵambarymyzǵa (Allanyń ıgiligi men sálemi bolsyn) jetkende:

Qatty ýaıymǵa túsip. «Senderdi, ózimdi qorǵaǵandaı qorǵaımyn»-dedi de, Paıǵambar (Allanyń ıgiligi men sálemi bolsyn) sahabalaryna jolǵa daıyndalýdy buıyrýy. Bul habar Mekke múshrıkteriniń záre quttary qashyryp. Mekke múshrıkteri kóshege jınalyp, ne isterin bilmeı del-sal bolyp oǵan etken qıanattaryn sóz etip, kirip kelgen shaqta: Jo-joq. Sizder qoryqpańyzdar Muhammed (Allanyń ıgiligi men sálemi bolsyn) sizderdi keshirip jibergen. Úılerińizge beıbit taraı berińizder Búgin qan tógý joq, tek keshirim. Búgin quldyq joq. Azatsyzdar. Tarqańyzdar!!! - degende jıylǵan kópshilik qýanyshpen: «Alladan basqa Táńir joq, Muhammed onyń elshisi. Biz sosyn siz jaqta bolamyz. Ol bir shyndyǵynda keshirýshi? Alla uly»-degen madaǵymen aıaqtaldy. Osy «Jambyl aýdany ákimdiginiń mádenıet úıi» - tıatrynyń aktórlary men aktrısalary somdaýymen ótken kórinis, súıikti paıǵambaryn saǵynǵan úmbetterine  Muhammed Mustafa (Allanyń oǵan ıgiligimen sálemi bolsyn) saǵynýǵa, eń laıyq – jan ekendigi men onyń meıirimin, onyń jylylyǵyn, onyń qamqorlyǵyn, sezindirip, Musylman baýyrlardyń onyń tulǵasyn jadynda jańǵyrtqan, oǵan salaýattar men sálemder joldanǵan, «Hosh keldiń - Máýlit»  - atty rýhanı kesh paıǵambar ónegesimen jamaǵattyń ımanyn arttyra bilgendeı....

Kesh sońy kelgen jamaǵattar men qonaqtarǵa as berilip, Máýlitti ótkizýge demeýshilik etkenderge alǵys hattar tabystaldy. Rýhanı keshten túsken qarajatqa ata-ananyń qamqorlyǵynsyz qalǵan  jas óspirimderdi baýyryna basqan Padısha Bekesheva apamyzǵa  meshit pen jamaǵat atynan júz myń teńge berildi. Jaratýshy Iemiz barshamyzdy jaqsylyqta, saýapty isterde, el ıgiligi jolyndaǵy jumystarda, berekeli basqosýlarda jolyqtyrǵaı! Eki dúnıede de júzimiz jarqyn, muratymyz asyl, duǵamyz qabyl bolǵaı!

 

---