InfoHub Logo

Bilim berý júıesinde kóptegen ózgerister bolýda, biraq jalǵyz ózgermes dúnıe, ustaz – oqýshylar aldynda bilim berýdiń naǵyz sheberi. Naǵyz sheber óziniń kúshti jaqtaryna senedi, bilim berý júıesiniń alǵa jyljýyna at salysady jáne ony oqýshylaryna úıretedi. Búgingi tańda qoǵam muǵalimge jańa talaptar qoıady. Búgingi tańda memleket halyqaralyq standarttarǵa sáıkes keletin bilim sapasynyń aldyńǵy qataryna shyǵý úshin qoldan kelgenniń bárin jasaýda. Ustaz mártebesin kóterý úshin júıeli bastamalar júzege asyrylýda, onyń óte qıyn jáne jaýapty jumys úshin eńbek aqysyn kóterýde. Qazaqstan Respýblıkasynyń tuńǵysh Prezıdenti Nursultan Ábishuly Nazarbaev bir sózinde «Adamdaǵy eń jaqsy nárse – ustazdan» degen edi. Tuńǵysh memleket basshysynyń mundaı joǵary senimi bizge ustazdarǵa úlken jaýapkershilik júkteıdi jáne oıymyzda «Men zamanaýı ustaz bolý úshin ne istedim?» degen suraq týyndatady.

Oqýshy úshin barlyǵy mektep tabaldyryǵynan bastalady, al mektep ustazdan bastaý alady. Bilim júıesine qandaı ózgerister engizilse de, qandaı qural – jabdyqtar qoldanysqa kirse de, ustaz mekteptiń ózgermes qazyǵy.

Kúnde tańerteń men ózime suraq qoıamyn: búgingi jańa kún ne ákeledi? Biz ustazdar barlyǵyna daıyn bolýymyz kerek: naýqas bala, ashýlanǵan ata – ana, synyptaǵy janjal, oqýshylardyń qýanyshy men renishi, jetistikteri. Keıde oqýshylar janyma únsiz kelip turǵannyń ózinde, olardyń aldyndaǵy úlken jaýapkershiligimdi sezinemin.

Zamanaýı ustaz qandaı bolý kerek? Ol – kóp bilimdi jáne keń júrekti adam. Ustaz balalar psıhologıasyn jetik meńgerip, balanyń árbir jaǵdaıyn túsinip, qıyn sátte bala júreginen oryn alýy kerek. Jáne ár oqýshynyń ata – anasymen tyǵyz baılanysta bolyp, kez – kelgen máseleni ońynan sheshe bilýi qajet. Ózara túsinistik pen yntymaqtastyqqa deıin, muǵalim     ata – anany jáne oqýshyny zerttep, ortaq oıǵa kelýi kerek jáne til tabysa alýy qajet.

Meniń zamanaýı ustaz bolýdaǵy úsh ustanymym, olar: oqýshylarǵa degen súıispenshilik jáne olardyń múmkindikterine sheksiz sený, jumys isteýdiń tıimdi ádisterin únemi izdeý, balalarmen jáne olardyń ata – analarymen yntymaqtastyq. Jumys atqarý barysyndaǵy taǵy bir basty ustanymym «sýyq qabaq tanytpaı, únemi kúlimdeý», olaı bolmasa balalarmen jumys jasaý múmkin bolmaıdy. Ustaz bala júregine jol tabý úshin, ony ózine tartyp, únemi jylý shashyp, oqýshy ózine senim arta alatyndaı tulǵa bolýy kerek.

Qazirgi damyǵan zamanda oqýshyǵa soǵan saı bilim berip, básekege qabiletti, ómir súrýde óz bilimin tıimdi qoldana alatyndaı, jeke maman ıesi, jeke tulǵa bolyp qalyptasýyn qamtamasyz etý ustazdardyń basty mindeti dep bilemin. Elimizdiń eń asyl qazynasy óskeleń urpaqty damyta tárbıeleýde, jańashyl zamanaýı ustaz retinde óz úlesimdi qosyp jatqanyma qýanamyn.

Aqtóbe obylysy Hromtaý aýdany

«Abaı negizgi mektebi» KMM-niń

dene shynyqtyrý pániniń muǵalimi

Molshylyq Kenjebek Molshylyquly

---