InfoHub Logo

Sámen ózine áldekim syıǵa tartqan kitapty qolyna alyp, samarqaý kóz salyp otyr. Kenet kózi «Hrýshevti taqyrǵa otyrǵyzǵan» degen taqyrypqa túse ketkeni.

Sol kezde munyń: «Hrýshevi kim? Aty álemge áıgili «júgerishi» Hrýshev pe, joq álde eki aýyldyń birinde araqtan basy artylmaı júrgen ishkishterdiń biri me?»- degen oı ıektegen. «KSRO prezıdenti...»  degen joldardy oqyǵanda, munyń aýyldaǵy araq keshke záredeıde qatysy joq ekenin áńgime «júgershi» Hrýshev týraly ekenine shúbási qalmady. 

Ras, aragidik áldekimderdiń esteliginde aty atalyp qalǵany bolmasa, qazaq ádebıetinde ázirshe Hrýshev týraly qalam tartýshy joqtyń qasy.

Áńgime avtory sol kemshiliktiń ornyn toltyrmaq boldy ma eken?

Tek KSRO–da Hrýshev el basqarǵan jyldarda prezıdent degen atymen bolmaǵanyn el tarıhyn bilmeıtin bul ne qylǵan jýrnalıs?

Álde ertegi me?..

Olaı deýge bizdiń óńirdegi birden-bir taýly aımaqtyń sol jerde shyǵatyn únparaqtyń, tipti basylym bastyǵynyń aty-jóni men muńdalap tur. Ol az deseńiz, Hrýshevti aldap soǵyp, taqyrǵa otyrǵyzýshy da sol basylym bastyǵy.

Áńgime arqaýy: Tyń ólkesin quryp, qazaqtyń aýzyn aq nanǵa tıgizgen Hrýshev kúnderdiń kúninde sol qazaqtardyń munyń atyn álemge jaıǵan júgerini qalaı ósirip- baptap jatqanyn óz kózimen kórip, tanyspaq bolyp, sol tustaǵy Selınogradqa at basyn tireıdi. Onyń saparynyń maqsatyn bilgen tusta laýazymdy bılik ıeleri shoshyp ketse kerek. Óıtkeni jelkildep ósip turǵan egistik alqap joq edi.

Basshylardyń  biri  yǵyp, biri buǵyp qalsa kerek. Sodan bizdiń taýly aımaqqa Hrýshev  ózi jalǵyz ushady. Sol kezde taýly aımaqty ashsa alaqandarynda, jumsa judyryqtarynda ustap, jatqyzyp, turǵyzyp, júrgizip turǵan joǵarydaǵylardyń qas-qabaǵyn baǵyp, olar «ıil» dese, ıilip, olar «búgil» dese, búgilip otyrǵan taýly aımaq basshylary bılik ıeleriniń áreketterine sekem alyp selt etken.

Hrýshev jol basshylyqqa aýdandyq únparaqtyń  redaktory  Ótirik Ońbaǵarovty ushaqqa  jelkelegendeı jetektep kelip mingizip jiberedi.

Taýly -tasty aımaqqa qunarly qara topyraq qaıdan kelsin? Júgeri kókteı solǵan. Sodan Ótirik Ońbaǵarulynyń esine arpa egilgen alqaptyń kópke deıin kókpeńbek bolyp turatyny túse ketse kerek. «Júgeri egilgen alqap áne-mine»  dep qus qanaty talatyn bıiktikte ushyp kele jatqan samolótten arpa egilgen aımaqty kórsete beripti, kórsete beripti...

Anaý basyn ızep: «Jaqsy, jaqsy, aıtarlyqtaı»,- deýden jalyqpaǵan syńaıly.

-Sizdiń aýdan júgeriden mol ónim alǵaly  tur,- degen.

Buǵan masattanǵan redaktor ushqyshtardan:  «Sál tómenirek ushýǵa bolmas pa eken?»- dep surasa kerek.

-Onsyz da qarǵys atqyr qara tastyń qaısyna soǵylyp, kúl-parshamyz... Muny estigen Hrýshevtiń  eki kózi sharasynan shyǵyp: «Dereý bıikke kóterilińder, qaıtamyz!»- depti.

Sóıtip, bizdiń Aldar Kóseden asyp týǵan aǵamyz Hrýshevti taqyrǵa otyrǵyzǵan eken.

– Apyr-aı, á?!..

Bir qaraǵanda, áńgime avtory qazaqtyń eli men jeriniń Hrýshevte ketken kegin qaıtaryp, ıt terisin basyna qaptaǵan syńaıly. Tek  ótiriktiń quryǵy bir-aq tutam.

Ol – bir.

Ekinshiden, saıasattan da, tarıhtan da beıhabar, eń bastysy, jazý óneri túsine de kirmeıtin qaryndasymyzdyń aıǵa atylǵan arystandaı oısyz áreketindeı qazirgi qazaq jýrnalısıkasynda júrgen  shala - pula, menmen, talantsyz da talǵamsyz keıbir jýrnalıserdiń múshkil hali osylaı kete barsa, ne bolmaq?..

Kóńilge túıne túıtkil tastaıdy eken...            

---