InfoHub Logo

Kúndelikti kúıbeń tirshilikten bir sátke bolsyn jeńildeý maqsatynda kópshiligimiz kók jáshiktiń kórine qamalyp qalatynymyz bar.Túrli qyzyqty baǵdarlamalar men teleserıaldardy kórgende ýaqyttyń qalaı zymyrap ótkenin de ańǵarmaı qalasyń.Quddy esirtkige táýeldi adam qusap,teledıdarǵa qalaı táýeldi bolyp qalǵanymyzdy ózimizde bilmeı jatamyz.Iá,qyzyǵy qyzyq shyǵar.Áıtse de,teledıdar jańalyqtyń jarshysy ekendigin esten shyǵarmaǵandyǵymyz abzal.Dúkennen ózimizge kerek zatty alǵan sekildi,kók jáshiktiń tek paıdaly jaǵyn ǵana alýymyz qajet.Áıtpese,qaıdaǵy joq jarnamalar men paıdasynan zıany kóp baǵdarlamalar zyǵyrdanyńdy qaınatady.Búginde teledıdar búkil álemniń,búkil adamzattyń kúndelikti bir bóligine aınaldy.Kishkentaı balaqaılardan,eńkeıgen qartqa deıin teledıdardan kóz almaı qajetin taýyp,tamashalaıdy.Árbir úıdiń tórinen oıyp turyp oryn alatyn kógildir ekrannyń beınesi jarq-jurq etken sáýlelerimen dúıim jurtty qyzyqtyrary anyq.Biraq,sol qyzyqqa (qumar oıynǵa qumartqan aǵalarymyz sekildi) áıteýir alyp-ushyp qumartamyzda turamyz.Ol ne páleket deseńshi!?

Teledıdar jan azyqtyń túpki qazyǵy. Ult bolyp uıysqan sátten,ulttyq rýhty boıymyzǵa dáripteýdiń oryna qashyrtyp jatqandaı syńaıly. Áıteýir kógildir ekrannyń jyltyraǵyna sanamyzdy ýlatyp,ulttyq ádet-ǵurypymyzdan aıyrylyp qalmasaq eken deımin.

Qazir qaı kanaldy ashsańda ekiniń biri úndi men túriktiń telehıkaıalaryna lyq toly.Sondaǵy berer tárbıesi mahabbattan baz keshken ǵashyqtardyń qaıǵyly oqıǵalary.Al,jarnamalardy aıtsań tipten uıat.Kirerge tesik tappaı qalasyń keı kezderi.Qaıdaǵy joq bolmashy zattarǵa sheıin maqtaýyn asyryp,jamanyn jasyryp jarnamalaıdy.Uly sózde uıat joq demekshi,erkektiń jaǵasyna jarmasqan qyzdar men jartylaı jalańashtanǵan sylqymdardyń quıtyrqy  áreketteri qanyńdy qaraıtady.Erikkennniń ermegine aınalǵan shoý-baǵdarlamalar sany da az emes.Máselen, «Evrazıa» arnasyndaǵy «Qalaýlym» baǵdarlamasyna kúnige aq ıt kirip,kók ıt shyǵady.Jalǵyzdyqtan jabyrqaǵan júrekterdi,qalaýlysymen qaýyshtyramyz deıtin bul joba ábden júıkeni qaraıtyp bitti.Óz jubyn ómirden izdeýdiń ornyna kóptiń aldynda mazaq bolǵan qatysýshylarǵa tisińdi qaıraısyń.Sondaǵy kórermenderge berer tárbıesi qandaı?Úlkenge-qurmet,kishige-izet tanytpaı,arazdastyrýǵa baýlý ma?Álde,órimdeı jas kezinen bolashaq jar izdeýge úıretý me?Nede bolsa berer tálim-tárbıesi joq,ar-uıatty aıaqqa taptaıtyn shoý bul!Mundaı shoýlar tek «Qalaýlym» baǵdarlamasymen shektelip qana qoımaıdy.Olar kózge kórinbeıtin mıkrobtar tárizdi óte kóp.Osyndaı mán-maǵynasy joq kıno men túrli baǵdarlamalardan óskeleń urpaǵymyz qandaı ónege almaq!? Osy bastan bala tárbıesinde óreskel kıno men baǵdarlamalarǵa tyıym salyp,salıqaly  urpaq tárbıeleý jolynda tynymsyz eńbek etip,jaqsylyqqa baýlıyq.Osy maqalamdy qorytyndylaı kele aıtarym: «El bolam desek,ekranymyzdy túzeıik!»

 

---