InfoHub Logo

Qyz balanyń tárbıesi-halyqtyń qymbat baılyǵy. Iá, qyzdyń tárbıesi-ulttyń tárbıesi degen taǵy bar.Ótkenge kóz júgirtsek,qyz balasy qashan da ınabattylyǵymen,ádeptiligimen,ózindik uıańdyǵymen daralanǵan.Jalpaq tilmen aıtqanda,tal boıynda bir min joq,kirshiksiz taza jandar.Úlbiregen úkisi,sándi sáýkelesi,órilgen qos burymy,syńǵyrlaǵan sholpysy,tobyqtan tómen túsken qarapaıym kóılegi qandaı deseńshi!!!Iá, kórseń kóz toımaıtyn erekshe tylsym kúshtiń ıeleri bular!Biraq,qazirgi qyzdarǵa qarasań burynǵynyń ıisi de sezilmeıdi.Qundylyǵyn joıǵan qazaq qyzyn kórgende barmaq tistep,ishteı kúıinesiń.Zaman ózgerdi eken dep,ótkendi umytý úlken qylmys.Urpaǵymyzdyń usaqtalǵany osy shyǵar sirá!Kezindegi súbeli sózderin súıegine qondyryp,áýezdi ánimen áldılene bilgen jandardyń,búgingi zamanynyń qyrat-qyrat belesterinen tujyrym túıistire almaıtyn jastarymyz.Jibi túzý,basynan sóz asyrmaıtyn,sóılegen sózi mirdiń oǵyndaı,órisi keń batyr analarymyzdyń qý sıraq,sózi túıeden túskendeı,tas júrek urpaǵymyz.Altyn qolymen ıgi jaqsy is qylatyn jandardyń,óz qolyn ózderi jaman iske aparatyn  áperbaqandarymyz.Tabıǵı sulýlyǵymen daralanǵan qyzdardyń,óz júzderin ózderi soldyryp,betine 5 tonna dalabyn jaǵatyn sylqymdarymyz.Kúndiz-túni as úıden shyqpaıtyn hanshaıymdardyń,kúndiz  qydyrýdan qoly tımeı,túnde túngi klýbtyń tórinen tabylatyn jarǵanattarymyz.Árkez jaýlyǵymen oranyp,shashyn erdiń kózine túsirmeıtin ardaqtylarymyzdyń,oramaldy juma men orazada áreń taǵatyn ımansyzdarymyz.Qos burymyn qulpyrtyp óretin arýlarymyzdyń,shashyn jaımasa júre almaıtyn aýrýlarymyz.Toqsan aýyz sózdiń tobyqtaı túıini,kezindegi qazaq qyzdarynyń tyrnaǵyna da tatymaıtyn,uly dana halqymyzdyń usaqtalyp bara jatqan bólshegi syndymyz.

Qazirgi qazaq qyzdary teginnen tegin olja bolyp,kim kóringenniń mazaǵyna aınalyp jatyr.Búgingi kúni qarakóz qyzdarymyzdyń ózge el azamattarymen otaý qurýy keńinen etek jaıýda.Sonda,qazaqta ór minezdi,aýzyn ashsa júregi kórinetin batyr azamattarymyzdyń joq bolǵany ma dep kúıinesiń ishteı.Túrli qoqystar men ájethanalardan tabylǵan kishkene shaqalaq sábılerdi estiseń tipti deneń titirkenip,tula boıyń muzdap ketedi.Al,jaýapsyz ananyń jasaǵan qylmysynan bar zardapty kishkentaı baldyrǵannyń kóretini qabyrǵańdy qaıystyrady.Onymen qoımaı,zıandy zattarǵa áýestigi,júris-turysy,kıgen kıimderiniń ózi júıkeńe áser etip,qytyǵyńa tıedi.

Qyz balanyń jaqsy bolyp ósýine onyń ortasy men birge júrgen dos-jarandarynyń áseri mol.Qazaqtyń «Qyz ósse,qyzy jaqynmen aýyldas bol», «Qyzǵa qyryq úıden tyıym» degen naqyl sózderi sol ómir tájirıbesinen alynǵan.Qyzdyń jaman bolýy otbasydaǵy tárbıeden.Al, tárbıe otbasynan bastalatyndyǵy taıǵa tańba basqandaı anyq baıqalady.Qazirgi tańda qazaq otbasyndaǵy qyz bala tárbıesi oń jolǵa qoıylýy kerek.Ul shejireniń baılyǵy bolsa,qyz memleketimizdiń baılyǵy.Sondyqtan da,keleshekte ulttyq salt-dástúrlermen tárbıelengen qyzdar el qorǵaıtyn ultjandy urpaqty tárbıeleı alatynyna senim bildiremin.

El bolam deseń besigińdi túze deıdi qazaq halqy!Qazirgi zamanda bul sózdi  «el bolam deseń,besigińdi terbeter qyzyńdy túze» dep ózgertkim keledi....

---