Ilá Ilın jetim balanyń bolashaq bilimi úshin aqsha tólep qoıdy
Aýyr atlet Ilá Ilın Astanadaǵy balalar úıinde tárbıelenip jatqan 13 jastaǵy Vladımır Mıgýnovtyń atyna bilim alý depozıtin ashyp berdi.
Aıta keteıik, buǵan deıin Londondaǵy Olımpıada oıyndarynyń chempıony, boksshy Serik Sápıev pen Rıo Olımpıadasynyń kúmis júldegeri Vasılıı Levıt te jetim balalardyń atyna ataýly bilim depozıtin ashqan bolatyn.
Bilim jáne ǵylym mınıstrligine qarasty «Qarjy ortalyǵynyń» baspasóz qyzmetinen habarlaǵandaı, Ilá Ilın jetim balalardyń atyna ataýly bilim depozıtin ashýǵa bolady degen aqparatty estı sala, qaıyrymdy is jasaýǵa asyqqan.
«Ilá Ilın Vladımır esimdi balamen birden til tabysyp ketti. Sondyqtan da, tańdaýy osy balaǵa túsken shyǵar. Bilim depozıtin ashýǵa kerekti qujattardy toltyryp, depozıtke alǵashqy jarnany salǵannan keıin, Ilın endi osy balamen únemi baılanysyp turatynyn aıtty»,-dep habarlap otyr «Qarjy ortalyǵynyń» baspasóz qyzmetinen.
«Vladımırge qolymnan kelgenshe kómek kórsetip otyramyn. Endi men seniń bolashyq bilimińe ǵana jaýapty emespin, sonymen qatar, saǵan úlgi bolyp, ómirde durys jol silteýim kerek. Saǵan qolymnan kelgenshe kómek kórsetýge tyrysamyn», - dedi Ilá Vladımırmen áńgime barysynda.
Óz kezeginde, Vladımır Mıgýnov aýyr atlet Ilá Ilınǵa jaqsy oqımyn degen ýádesin berdi.
Aıta keteıik, memlekettik bilim berý jınaqtaý júıesi - bul jańa qarjylyq qural. Osy quraldyń arqasynda Qazaqstannyń kez kelgen azamaty bilim berý depozıtin asha alady.
You Might Also Like
-
2016 jyly elimizdiń bilim salasy - eń kóp reformany bastan keshirgen salalardyń biri, al jyl basynda ǵana taǵaıyndalǵan mınıstr Erlan Saǵadıev úkimettegi eń reformashyl mınıstr boldy desek, qatelespe...
-
26 jeltoqsanda «Joǵary oqý ornynyń úzdik oqytýshysy» ataǵyn berý jónindegi Respýblıkalyq konkýrstyq komısıanyń otyrysy ótti, dep QR BǴM-niń baspasóz qyzmetinen habarlady.
