InfoHub Logo

Qatelesemin degen qorqynysh jetistikke aparar jolda kóp adam úshin úlken kedergi. Oqytýshy ári jattyqtyrýshy Andreı Iakomaskın jas jazýshyǵa qorqynyshty umytyp, álem aldynda tanymal bolýǵa kómektesken aq paraq ádisi jaıly aıtyp berdi.

Amerıkalyq jazýshy Elbert Habbard bylaı dep jazady:

Ómirińizde jol berýińiz múmkin eń úlken qatelik – qatelik jasaımyn dep árdaıym qorqý.

Daryndy adamdardyń oqıǵasyn tyńdaı kele kóp jaǵdaıda kóptegen qatelikterden keıin jasalǵan tujyrymdardan qurylǵanyn árdaıym ishimnen qaıtalap júremin. Qatelese alýdyń qanshalyqty mańyzdy ekenin túsinemiz, sebebi dál osy qasıet aldaǵy ýaqytta danalyqqa jeteleıdi.

Zamanaýı jazýshy ári R. L. Morgan atyndaǵy Memlekettik ýnıversıtetiniń jas profesory M. K. Asante qatelik aldyndaǵy qorqynyshty túısinýdiń keremetteı jolyn ashty.

Fıladelfıanyń balama mektebinde oqyp júrgen jasóspirimniń aldyna aǵylshyn tiliniń muǵalimi aq paraq qoıyp, bylaı depti:

— Jaz.

— Ne jazamyn? – dep suraıdy ol.

— Qalaǵanyńdy.

Bul qarapaıym jaýap onyń ómirin ózgertip jibergen.

Osy jaǵdaıdy eske ala otyryp, Asante bylaı dep jazady: «Men aq qaǵazǵa qarap otyrdym, jarqyrap turǵan aq muhıt, onda múmkindik bar edi. Onyń tazalyǵy bar oqıǵamdy jazýǵa shaqyryp turdy. Biraq jaza almadym. Qoryqtym, toqtap qaldym. Aıtqym kelgen oqıǵalar boldy, biraq qolymdy qozǵalta almadym, sózderim muz astynda qalyp qoıǵan sý sıaqty qatty da qaldy».

Osy kezde muǵalimi oǵan eń mańyzdy sózderdi aıtady:

Bastaý úshin uly bolýdyń qajeti joq, biraq uly bolý úshin bastaý qajet.

Sol kezde ol aq paraqtyń ózi jáne qatelesýden, túsiniksiz bolýdan qorqatyn árbir adam ekenin túsindi.

Asante ataqty bola túskennen keıin pensılvanıalyq túrmege baryp, abaqtydaǵylarmen jazý óneri boıynsha semınar ótkizedi. Sol jaqta ol óz ómirin tolyqtaı ózgertip jibergisi keletin jastardy kezdestiredi.

Shyǵyp kele jatyp, ol semınarǵa qatysýshylardyń biri Djordannyń kamerasynda matrasy joq ekenin biledi.

— Mende bar, biraq men onyń ústinde uıyqtamaımyn, - dep túsindiredi Djordan.

— Endi neniń ústinde uıyqtap júrsiń?

— Edende, temir qańqanyń ústinde. Tek matrasta emes. Túsinesiz be, - dep jalǵady ol sózin, - men mundaıdyń ústinde uıyqtaı almaımyn. Tym yńǵaıly, mundaı jerde komforttyń bolǵanyn qalamaımyn.

Djordan yńǵaıly matrastyń ústinde uıyqtasa, qateliktiń saldaryn túzeýge bolmaıdy degen oımen kelisýi ispetti edi. Sóıtip, ol alǵa qoıǵan maqsattaryna jetý úshin bul jaǵdaıdan shyǵa almas edi.

Asante Djordanǵa aq qaǵaz beredi.

Barlyǵymyz taza aq paraqtaımyz, jańa jetistikter týraly jazbalardyń jazyla bastalǵanyn qalaıtyn. Oqıǵańyzdy kún saıyn jazyńyz. Esińizde bolsyn: taza aq paraqtyń aldyndaǵy qorqynysh qarapaıym oqıǵany uly týyndyǵa aınaldyrady.

Sáttilik!

---