InfoHub Logo

Aqtóbe obylysy, Hromtaý aýdany, Abaı aýyly
Abaı negizgi mektebi
8 synyp oqýshysy Kapızov Azat

Qazirgi aqparattyq tehnologıanyń mınýt saıyn qaryshtap damyǵan zamanynda ınformatıka pániniń ǵylymdar arasynda alar orny erekshe. Informatıka – EVM arqyly aqparatty jınaqtaý, saqtaý, túrlendirý, tasymaldaý jáne ony paıdalaný zańdylyqtary men tásilderin zertteıtin ǵylymı pán. Informatıkany oqýdyń mańyzdylyǵy bul ǵylymnyń tek EVM-di paıdalaný múmkindikteri men olardyń jumys isteý prınsıpterin túsindirip qana qoımaı, qoǵamdyq ómirde jáne adamdar arasynda aqparatty keńinen qoldaný zańdary men tásilderi týraly málimetter beretindigi bolyp tabylady.

Qazirgi kezde jańa EVM-der kúnbe – kún paıda bolyp, olardyń damý prosesi úzdiksiz ǵylymı – tehnıkalyq proseske aınalyp otyr. Sonymen qatar, aqparatty óńdeý, jınaý jáne berý tásilderi de kúnnen – kúnge damyp keledi. Osy sebepterge baılanysty ınformatıka jıi ózgeriske ushyraıtyn ǵylymı pán bolyp sanalady.

Informatıkanyń negizgi obektisi, ıaǵnı onyń shıkizaty men beretin ónimi ınformasıa bolyp sanalady. Sondyqtan ınformasıa uǵymy ınformatıkamen EVM-de jumys isteýdiń eń túbegeıli ataýlarynyń biri.

Bul kúnde EVM ınformasıa óńdeýdiń eń negizgi quraly bolyp sanalady.    70-jyldarda elektronıkanyń damýy kompúterdiń jańa túrin jeke paıdalanylatyn derbes kompúterdi kóptep shyǵarýǵa jol ashty. Olar qazirde mektepterde, ýnıversıtetterde, baspahanalarda, kásiporyndarda keńinen qoldanylady. Mundaı kompúterdi oqýda, jumysta t.b. kóptegen maqsatta qoldanýǵa bolady. Osy kompúterlerdi óndiris pen jobalaý isinde, ǵylymı zertteý isteri men paıdalaný bilim berýde mıllıondaǵan adamdardyń jumystarynyń mazmuny men oryndalýyn túbegeıli ózgertti deýge bolady. Bul atap otyrǵandarym ınformatıkanyń tek kishkentaı bir bóligi ǵana. Informatıkanyń berer múmkindikteri sheksiz, shetsiz.

Informatıka páni – bolashaqtyń páni degim keledi. Zamanmen birge kún saıyn damý ústinde. Men bolashaqta programmıst mamany bolǵym keledi. Qazirgi tańda mektepte oqyp júrgen ınformatıka pánine degen qyzyǵýshylyǵymda sol sebepten. Informatıka pánin zerttep, onyń damýyna mende óz úlesimdi qosqym keledi.

---