InfoHub Logo

Ana tili
Sabaqtyń taqyryby: Isa Baızaqov «Altaı aıasynda»
Sabaqtyń maqsaty: 1. Altaı jeriniń sulý tabıǵatyn oqýshylarǵa aqyn óleńi arqyly tanytý.
2. Tabıǵatty qyzyqtap, ony qorǵaýǵa ári ádemilikti, ásemdikti sezine bilýge úırete otyryp, oqýshylardyń estetıkalyq talǵamyn arttyrý.
3. Óleńdegi qıyn sózder, sóz tirkesteri men kórkem sózderdiń maǵynasyn meńgerte otyryp, balalardyń tildik qoryn damytý, oqý tehnıkasyn jetildirý.
Sabaqtyń túri: aralas sabaq.
Sabaqtyń ádisi: toptyq jumys, tirek sóz tirkesteri, shyǵarmashylyq jumys,
óz betimen jumys.
Sabaqtyń kórnekiligi: Qazaqstan tabıǵatynyń sulý kórinisin beıneleıtin sýretter, toptyq jumystarǵa paraqshalar, qıyn sózder jazylǵan paraqsha, oqýshylardyń referattary.
Pánaralyq baılanys: dúnıetaný.

Sabaqtyń júrisi:
I. Qyzyǵýshylyqty oıatý.
Ótken sabaqty tirek sóz tirkesteri arqyly pysyqtaý. S. Seıfýllın «Aqsaq kıik». a) Kıiktiń sulýlyǵy.
á) Oq tıgen kıik.
b) Kıik atqan adamǵa kózqarasyń.

II. Maǵynany tanytý.
a) Avtormen tanysý. Isa Baızaqov(1900 - 1946 jyldar) Pavlodar bolysy, Ertis aýdany, «Úlgili» kolhozynda dúnıege keldi. Ol – aqyn, ánshi, kompozıtor. Ákesi Baızaq, sheshesi Ǵazıza saýyqshyl, ónerpaz adamdar bolǵan. Isa toǵyz jasqa kelgende sheshesi qaıtys bolyp, óleńshi, áńgimeshi ájesi Janbalanyń baýyrynda ósedi. Jastaıynan sýyryp salma aqyndyq, ánshilik, dombyrashylyq ónerimen kózge tústi. Onyń «Qoıshynyń ertegisi», «Kavkaz», «Aqbópe» t. b. shyǵarmalary bar.
(Oqýshylar daıyndaǵan referattary boıynsha qysqasha áńgimeleıdi).

á) Toptyq jumys. Dúnıetaný sabaǵynan taýlar jóninde ne bilemiz, sony qaǵaz betine túsireıik.
Taýlar
● I top
- bulaq aǵady
- bıik jáne alasa
- óte ádemi
● II top
- paıdaly qazbalar kóp
- sýy salqyn
- Alataý, Altaı
● III top
- túrli ańdar mekendeıdi
- taý jynystary kóp
- túrleri kóp

b) Sózdik jumysy.
Aıasynda – qushaǵynda
Órshil – bıikke qumar
Kúıik – muń, qaıǵy
Saıyn – keń, keń jazyq.
v) Óleńdi muǵalimniń oqýy.
g) Suraq - jaýap ádisimen óleńniń mazmunyn ashý.
d) Oqýshylardyń ishteı jáne kezek - kezek daýystap oqýy.
e) Suraqtarǵa jaýap berý, tapsyrmalardy oryndaý.
j) Dáptermen jumys.
Óleńniń unaǵan shýmaǵyn kóshirip jazý.

III. Oı tolǵaý. Toptyq jumys.

I top: a) Altaı kórinisiniń áseri: kóńilge kúı oralady, aıasyna alady, sulýdaı torǵyn kıgen bult.
á) Qosymsha kenderi: qorǵasyn, tıtan, magnıı.

II top: a) Altaı taýynyń ásemdigi: jibekteı bult jete almaǵan, bulttan ózge qona almaǵan.
á) Ken baılyǵy: kúmis, altyn, myrysh.

III top: a) Altaıdyń ushar basy: aqsha qary aq kúmisteı, aıǵa shaǵylyp.
á) Ańdary: qulan, buǵy, maral, kıik, qabylan, aıý, kıik, elik, eshki.
Tabıǵatty qorǵaý: ony aıalaý, ósimdikterdi kesip - syndyrmaý, kók shópti orynsyz taptamaý, qustardyń, ańdardyń, ósip - ónýine qıanat jasamaý, uıa jasap qamqorlaý t. b.
IV. Úıge tapsyrma; Óleńniń mazmunyn qara sózben áńgimelep berý.
V. Oqýshylardy baǵalaý.