InfoHub Logo

Hanym Jáńgirge: «On eki bıdi ustap neǵylasyń, jalǵyz Isataıdy usta! Kúnderdiń kúni bolǵanda bas qorǵar bolar», — depti.

Han Jáńgir Isataıdy ózine tartý maqsatymen dos bolý nıetinde Isataıdy ertip, tórt bıimen ań aýlaýǵa shyǵypty. Isataı hanǵa onyń qasyna ergen tórt bıine qosylmastan, aldynan ozady da otyrady. Hannyń tórt bıi turyp hanǵa: «Shyqqanymyzǵa biraz ýaqyt boldy, Isataı nege birge júrmeıdi? Bizdi mensinbeı me, álde sizdi mensinbeı me? Qoıan qaqqan qara tazydaı sylaqtap aldymyzda ozady da otyrady», — depti. Han Isataıdy shaqyryp alyp:

— Sen kimdi mensinbeısiń, qoıan qaqqan qara tazydaı sylaqtap aldymyzda ozasyń da otyrasyń? — depti. Isataı turyp:

— Aspannan Qudaı tússe de, jerden Shynaı (jaǵymsyz obraz bolsa kerek) shyqsa da, aldy-artymnan óńsheń qaratóbet halyq dáýletine toıyp alyp, yrsyldap úrip turǵanda, birge júre almaımyn, — dep sart uryp keıin burylyp jónine ketipti.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---