InfoHub Logo

Berishtiń basty adamdary Isataıdy ertip hanǵa barady. Han olardyń jumysyn suraıdy. Barǵan basshy adamdar Balqy bıdiń ornyna Isataıdy bı etip taǵaıyndaýyn suraıdy. Han Isataıǵa qarap turyp synaıdy. Sodan keıin barǵan berishtiń basshylaryna:

— Jigitteriń syrty qysqa, baýyry jazyq, júrgish bolǵandaı eken», — degende, Isataı turyp:

— Júrgish bolsam, qyzmetiń jyldam biter, ashýly bolsam, kóńilim kelse, kúldiremin, kóńilim kelmese, búldiremin, — depti.

Sonda han turyp:

— Ár hannyń tusynda bir surqyltaı bolady deıtin edi, meniń zamanymdaǵy surqyltaı osy bolmaǵaı edi, — dep aıtady da, — halyq basshylary alyp kelgen soń, munda bolsyn!» — dep alyp qalady. Sodan keıin Isataı jumysqa aralasyp júredi. Bir kúnderde han besin namazyn oqıyn dep meshitke júrgende, Isataı ústine qara qulyn terisinen tikken jarǵaǵy bar, basyna qara buıra bórki bar oramnyń ekinshi betimen hannan ozyp meshitke qaraı júre beripti. Han Isataıdyń munysyn kótere almaı:

— Myna Isataıdyń qara tazyǵa uqsap sylaqtap júrisin-aı! — deıdi. Sonda Isataı turyp:

— Han! Aldyńdy sylaqtaǵan qara tazyń bolsa, artyńda on eki tóbetiń bolsa, saǵan qasqyr shappas, — depti. Isataıdyń bul sózindegi «on eki tóbetiń» degeni hannyń qasyndaǵy on eki bıdi aıtqany.

Han únemi qarsy kele bergen soń Isataıdy jumystan qaldyryp, bosatyp jiberedi. Túrli jerde aıtqan qarsy sózderi úshin toqsan atan aıyp tarttyrady. Sonan keıin aralary ashylyp, aýa kóterilip ketedi.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---