InfoHub Logo

Ata-anasynyń Zeńgi babaǵa azan shaqyryp qoıǵan aty — Aıqoja eken. Týmysynan qap-qara kisi bolǵan soń halyq ony Zeńgi ata dep atap ketipti. Onyń tórt atasyn bilmegen jan tákbirge kúmándar bolady. Iaǵnı ol adam tákbir aıtýdy durys bilmeıdi dep esepteledi. Zeńginiń ákesi — Tasqoja, atasy — Málekqoja, babasy — Mansurqoja (Mansur ata), arǵy babasy — Arystan bap.

Zeńgi ata baqtashy bolyp eldiń padasyn jıyp baqqan kórinedi. Onyń óz menshiginde de qara maly kóp bolypty. Baba sıyrdyń tuqymyn molaıtyp, top-tobymen jaıyp, kóbeıtken eken. Sol kezde bir qyńyrlaý kisi:

— Sıyrdy ylǵı Zeńgi jaıa bere me? Biz de baǵaıyq. Elden biz de nápaqa alyp paıdalanaıyq. Nege ózgege bermeısińder? — dep, el basshysyna shaǵym jasapty. Ámiraldar alqasynyń keńesinde Zeńgi baba álgi qyńyrǵa:

— Maqul, sen baq, — dep padany beripti. Ol adam sıyrdy jaıǵannan keıin bir apta ótpeı-aq oqalaq paıda bolypty. Sodan qara malǵa oqalaq tıip, byt-shyt bop qashyp, padaǵa qyńyr kisi ıe bola almaı qalypty.

— Qoı, bolmas, munyń kıesi bar eken. Baǵa almaımyn, — dep, Zeńginiń ózine qaıtaryp bergen kórinedi.

Arystan baptyń tórtinshi urpaǵy Zeńgi ejelgi Shash, qazirgi Tashkent qalasyna taıaý zerde oryn teýip, sol arany jaı etipti. Ol tańerteńgi ýaqytta shyǵyp, padany aıdap, aldyn qaıyrmaı, erkinshe jiberip; «osh, osh!» — dep sonaý qyrǵyzdyń jerinen bir-aq qaıyryp ákeledi eken. Osh qalasynyń ataýy sodan paıda bolsa kerek.

Maldyń ár túliginiń óz táńirisi, saqtaýshysy bar dep túsingen halyq uǵymynda Zeńgi baba sıyrdyń piri retinde saqtalyp qalǵan.

---