1 مەزەتتە 6 بىردەي تەلەحيكايا
2 جەلتوقسان كۇنى 6 تاريحي سەريالداردىڭ تۇساۋى كەسىلدى. ال كورەرمەن نازارىنا 16- شى جەلتوقساننان باستاپ ۇسىنىلدى.
العاش رەت قىزىعىپ، تاريحي سەريالداردى كورە باستادىم. ءوز ويىممەن بولىسكىم كەلەدى.
«احمەت. ۇلت ۇستازى» مەنىڭ جادىمدا وتە جاقسى دەڭگەيدە تۇسىرىلگەن سەريال رەتىندە ەستە قالدى. سول كەزدەگى الاش زيالىلارىنىڭ رۋحتى ەكەنىن كوردىم. جانىندا جۇرگەن ادامدار ساتقىندىق جاساعاندا، ەش اشۋلانباي، سابىرلىق تانىتقان احمەتتى كوردىم. قانشا قيناپ تەرگەۋگە السا دا، جۇرەگى قازاق دەپ سوققانىن كوردىم. قازاقتىڭ ءار بالاسى وقۋ كەرەك دەپ ايانباي ەڭبەك ەتكەن ۇلت ۇستازىن كوردىم.قانشا قۋدالاۋدا جۇرسە دە، جازۋدى توقتاتپاعان جاندى كوردىم. قازاقتىڭ ءوزىنىڭ گازەتى بولۋ كەرەك دەپ ايانباي ەڭبەك ەتكەن الاش زيالىلارىن كوردىم. سابىرلىعىنا ءتانتى بولدىم. ءبىر وكىنىشتىسى، احمەت اتامىزدىڭ 20 جىل بويى جازعان «مادەنيەت تاريحى» ەڭبەگىنىڭ تابىلماعانى. جۇرەككە تيگەنى ۇلت ۇستازىنا ءولىم جازاسى بەرىلگەندىگىندە…
الاش زيالىلارىنىڭ مۇشەسى ءاليحان بوكەيحانوۆتىڭ «ۇلتتىڭ ءسوزى- ۇلى ءىس»دەگەن ءبىر ءسوزى ەستە قالدى.
«مۇقاعالي.بۇل عاسىردان ەمەسپىن»باسقا ادامدار الداعى 2 كۇنىن ويلاعاندا، مۇقاعالي بولسا، 21 عاسىردا مەنىڭ ولەڭىمدى جاستار وقي ما، وزەكتى بولا ما دەپ ۋايىمدادى. ىشكىلىككە سالىنسا دا، جۇرەگى تازا ادام ەكەنى بايقالادى. اشۋشاڭ، قىرسىقتىعى دا بار. وكىنىشتىسى، 4 مىڭعا جۋىق ولەڭدەرىن كورەالماۋشىلىقپەن ورتەپ جىبەرگەندىگىندە. ءتىپتى، كەي ادامدار مۇقاعالي اتامىزدىڭ ولەڭدەرىن ءوز اتتارىنان باسىپ شىعارىپ وتىردى. سويۋزدان ءتارتىبى ءۇشىن قۋىلعاندا، «كوڭىلىم قايتتى دوستان دا دۇشپاننان دا، الداماعان كىم قالدى ءتىرى جاندا؟» دەپ ايتقان سوزدەرىنىڭ استىندا قانشا ماعىنا جاتىر.
سول كەزدەگى باۋىرجان مومىش ۇلىنىڭ «جۇدىرىقتاي جۇرەككە كىر جيناماي، نۇر جيناڭدار» دەگەنى جادىمدا ساقتالىپ قالدى.
«دومالاق انا» دومالاق انانىڭ ەسىمى نۇريلا.ول دانالىقتىڭ، پاراساتتىلىقتىڭ، جاقسىلىق پەن مەيىرىمدىلىكتىڭ سيمۆولىنا اينالىپ «دومالاق انا» دەپ اتالىپ كەتكەن.دومالاق انانىڭ سونداي دانا ادام ەكەندىگى كورسەتىلگەن. بارلىعىن سابىرمەن، بايىپپەن، اقىلمەن شەشەدى. اكەسى مەن اناسىنان ەرتە ايىرىلىپ، اتا- اجەسىنىڭ قولىندا وسكەن. دومالاق انانىڭ دۇنيەمەن قوشتاسار ساتتە ايتقان ءسوزى: «ناداندىق تۇنەك،تەڭەلەم دەسەڭ جاقسىعا، اقىلدىعا جاقىن ءجۇر»
«ساراي سىرى» بوكەي حاننان كەيىنگى جاڭگىر حاننىڭ قالاي باسقارعاندىعى كورسەتىلەدى. ماحامبەت پەن يساتاي باتىرلاردى دا كورىپ قۋانىپ قالدىم. جاڭگىر حان قازاق حالقىنىڭ دامۋىنا سەبەپكەر بولدى. سول كەزدەگى بالالاردىڭ ءبىلىم الۋىنا سەپتىگىن تيگىزدى.ءتىپتى، اۋىل بالالارىن دارىگەر بولسىن دەپ، پەتەربۋرگكە وقۋعى جىبەردى. سارايداعى ىشكى كورىنىسپەن تانىسۋعا بولادى. جاڭگىر حاننىڭ ءۇش ايەلىنىڭ، ياعني حانشالاردىڭ قارىم- قاتىناستارى دا كورسەتىلەدى.ەڭ باستىسى، ءۇش حانشالاردىڭ بالالارى ءبىر- بىرلەرىمەن تاتۋ.
«قانىش. قازىنا»تەلەسەريالدا قانىش ساتبايەۆتىڭ ءومىرى مەن ەڭبەك جولى كورسەتىلەدى.بىزگە بەيمالىم قىرلارى دا اشىق باياندالادى.نەگىزگى كورسەتىلەتىن ماسەلە- قازاقتاردىڭ دوستىعى، ساياسي قاتىناستارى جانە ساتقىندىعى. قانىش اتامىز تۋرالى سان قيلى وقيعالاردى كەڭىنەن كورە الدىم. ونىڭ گەولوگ- عالىم ەكەنى بارىمىزگە ءمالىم دەپ ويلايمىن.
«تاشەنيەۆ. تايتالاس»بۇل سەريال ساياتساتكەر جۇمابەك تاشەنيەۆكە ارنالادى. كەڭەس وداعى كەزىندەگى نيكيتا حرۋششيەۆتىڭ جەر ءبولۋ ماسەلەسىنە قارسى تۇرا بىلگەن جالعىز جان.
قىزىققا تولى ەلىمىزدىڭ تاريحىن باياندايتىن سەريالدار سىزدەرگە دە ۇنايدى دەگەن نيەتتەمىن.
فاتيما مىرزابەك
You Might Also Like
-
مەكتەپ وقۋشىلارى، كوللەدج تۇلەكتەرى اراسىندا كاسىپتىك باعدار بەرۋ ەنگىزىلەدى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى.
