مەكتەپ وقۋشىلارى، كوللەدج تۇلەكتەرى اراسىندا كاسىپتىك باعدار بەرۋ ەنگىزىلەدى
مەكتەپ وقۋشىلارى، كوللەدج تۇلەكتەرى اراسىندا كاسىپتىك باعدار بەرۋ ەنگىزىلەدى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى.
ونىڭ اتاپ وتۋىنشە، حالىقتىڭ تابىسىن ارتتىرۋ باعدارلاماسىن ىسكە اسىرۋ اياسىندا كەڭ اۋقىمدى جۇمىسپەن قامتۋدى دامىتۋ ارقىلى حالىقتىڭ تابىسىن ارتتىرۋ باعىتىندا 41 ءىس-شارا ىسكە اسىرىلادى. جاڭا جۇمىس ورىندارىن قۇرۋعا باعىتتالعان ءىس-شارالار جاستاردى جۇمىسقا ورنالاستىرۋ بويىنشا «العاشقى جۇمىس ورنى»، «تۇلەكتەرگە ارنالعان جاستار پراكتيكاسى» جوبالارىن، سونداي-اق وسال توپقا جاتاتىن جەكەلەگەن ادامداردى جۇمىسقا ورنالاستىرۋ تەتىگىن ىسكە اسىرۋدى قامتيدى.
«مەكتەپ وقۋشىلارى، كوللەدج تۇلەكتەرى اراسىندا كاسىپتىك باعدار بەرۋدى ەنگىزۋ، حالىقتى، نەگىزىنەن جاستاردى جاپپاي دايارلاۋ، قايتا دايارلاۋ، بىلىكتىلىگىن ارتتىرۋ «فابريكالارىن» قۇرۋ جونىندەگى ءىس-شارالار بىلىكتىلىك پەن داعدىنى ارتتىرۋعا باعىتتالعان»، - دەدى الىبەك قۋانتىروۆ.
ءمينيستردىڭ ايتۋىنشا، شاعىن جانە ورتا بيزنەستى دامىتۋدى ىنتالاندىرۋ كاسىپكەرلەردى قولداۋدىڭ وڭىرلىك باعدارلاماسى اياسىندا كرەديتتەر/ميكرونەسيەلەر بويىنشا جەرگىلىكتى بيۋدجەتتەردەن سۋبسيديالار بەرۋ، مونو-، شاعىن قالالار مەن اۋىلدىق ەلدى مەكەندەردە جەڭىلدىكپەن ميكروكرەديت بەرۋدى جانە جاڭا كەپىلدىك بەرۋ قۇرالىن ەنگىزۋ ارقىلى جۇزەگە اسىرىلاتىن بولادى.
You Might Also Like
-
2 جەلتوقسان كۇنى 6 تاريحي سەريالداردىڭ تۇساۋى كەسىلدى. ال كورەرمەن نازارىنا 16- شى جەلتوقساننان باستاپ ۇسىنىلدى.
