ماڭگىلىك ەل
ماڭگىلىك ەلدىڭ ماڭگىلىك نىشاندارى
تاۋەلسىزدىك...ماڭگىلىك ەل...ۇلان-عايىر اتىراپ، ماڭعاز دالا، وسى ءبىر شەتى مەن شەگى ۇلاسىپ جاتقان، قىرانىم كوگىمدە قۇلاشىن كەڭ جازار بايتاق ولكە... تاريح ديىرمەنىن اينالدىرىپ كورەر بولساق، ازاتتىقتىڭ اق تاڭىن اڭساپ، قانشا قان مەن تەر توگىلدى، قانشاما ەڭبەك اتقارىلدى؟! قايتپاس قايسار حالقىم تاۋەلسىزدىك جولىندا ايانباي كۇرەستى.قازاق حالقى ەلدىڭ ەلدىگىن ساقتاپ قالۋ ماقساتىندا ماڭگىلىككە ۇمتىلدى.سونىڭ ناتيجەسىندە وتكەن قيىن-قىستاۋ كۇننىڭ جەڭىسى مەن بۇگىنگى بەيبىت كۇننىڭ بەلگىسى دەپ مەملەكەتتىك رامىزدەرىمدى ايتا الامىن.
ەگەممەندىككە قول جەتكىزگەن سوڭ، قازاقستان رەسپۋبليكاسىنىڭ مەملەكەتتىك تۋى مەن ەلتاڭباسى ايشىقتالدى. كوگىمىزدە ماڭگى جەلبىرەيتىن اسپان تۇستەس كوك تۋىمىز-بەيبىت ءومىردىڭ نىشانى. قالىقتاي ۇشقان قىران-ەركىندىكتى اڭساعان قازاق ەلىنىڭ سيمۆولى. شۇعىلاسىن شاشقان التىن كۇن مەن ويۋ-ورنەگى تالاي بەلەستى باعىندىرعان ءومىر ورنەگىنەن كورىنىس بەرىپ تۇرعانداي. قازاق ەلىنىڭ داڭقىن اسقاقتاتار، مارتەبەسىن كوتەرەر كوك تۋىمىز تورتكۇل دۇنيەنىڭ توىندە جەلبىرەۋىن قالايمىن. ەلتاڭبادا بەينەلەنگەن ەلىمىزدىڭ بوستاندىعىن ايقىندايتىن التىن قاناتتى قوس پىراق، بيىكتىكتى كوزدەگەن جۇلدىز، مولشىلىقتى تانىتار التىن ءدان، بىرنەشە ۇلتتىڭ ورتاق مەكەنىنە اينالعان قازاق ەلىنىڭ بىرلىگىن بەينەلەر بيىك شاڭىراق-وسىنىڭ بارلىعى تۇعىرلى قازاقستاننىڭ مارتەبەسىن اسقاقتاتادى. شىڭىراقتىڭ وڭ جاعى مەن سول جاعىندا قاناتتى تۇلپار ورنالاسقان. تۇلپار – دالا ءدۇلدiلi، جەڭiسكە دەگەن جاسىماس جiگەردiڭ ، قاجىماس قايراتتىڭ، تاۋەلسiزدiككە، بوستاندىققا ۇمتىلعان قۇلشىنىستىڭ بەينەسi، ۇشقىر ارماننىڭ، اسىل مۇراتتىڭ، جاقسىلىققا قۇشتارلىقتىڭ كەيپi. اتالعان نىشانداردىڭ ۇندەستىگىن تانىپ، ۇيلەسىمىن تابۋ اسقان شەبەرلىك پەن تاپقىرلىق دەپ بىلەمىن. ماڭگىلىك ەلدى اڭساعان قازاق “اتويلاپ” ۇران سالدى. وتكەن كۇندە اتا-بابالارىمىز “الاش” دەپ، ەل نامىسىن كوتەرىپ ۇران ەتسە، بۇگىنگى تاڭدا ەل ەرتەڭىنىڭ جۇرەك ءدۇرسىلى “مەنىڭ ەلىم” دەپ سوعادى. سول ءبىر ءدۇرسىلدى سەزىنۋ ءۇشىن الاقانىمىزدىڭ جۇرەك تۇسىنا قويىلۋى جانە ءانۇرانعا دەگەن ەرەكشە قۇرمەت ءور نامىستى حالىقتىڭ رۋحىن ودان ءارى كوتەرىپ، ماحابباتىن وياتىپ، ەل ەرتەڭى ءۇشىن جاۋاپكەرشىلىكتى سەزىندىرەدى. وسى ءبىر اۋەزدى اۋەن ءارقايسىمىزدىڭ جۇرەك ءلۇپىلىمىزدى ارتتىرىپ، پاتريوتتىق سەزىمگە بولەيتىن ءار قازاقتىڭ ماڭگىلىك بويتۇمارى دەپ بىلەمىن. سەبەبى حالىقتىڭ تاريحى، بايلىعى مەن ەركىندىگى، اتا-بابالارىمىزدىڭ اڭساعان ارمانى، تالاي باتىرلارىمىز بىلەكتىڭ كۇشى، نايزانىڭ ۇشىمەن قورعاعان، جان الىسىپ، جان بەرىسىپ جەتكەن اسىل مۇراتى، ءبارى ء-بارى وسى انۇرانىمىزبەن شىرقالادى. نەگىزى نىق قالانعان ەلدىڭ كەتىگىن تاۋىپ، كىرپىشى بولىپ قالانۋ جولىندا “گ ۇلى بولىپ ەگىلۋ، جىرى بولىپ توگىلۋ”ء-بىزدىڭ ماقساتىمىز!
وتكەن كۇننىڭ نەگىزگى ماقساتى بولىپ، بۇگىنگى تاڭدا اسىل مۇرامىزعا اينالعان مەملەكەتتىك رامىزدەردى قۇرمەتتەۋ- ءبىزدىڭ بورىشىمىز. ازاتتىقتىڭ اق تاڭى استىندا سان جەڭىستىڭ جەمىسى بولىپ قورىنەر ماڭگىلىك نىشاندارى- مىزدى كوزدىڭ قاراشىعىنداي قورعاپ، ساقتاۋىمىز كەرەك. تۇعىرى بيىك، تاۋەلسىزدىگى بەرىك قازاقستاننىڭ تۋى كوك اسپاندا جەلبىرەپ، ءانۇران ءۇنى شارتاراپقا قالىقتاعاي!
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
مادەنيەتوۆا.ب،ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1 كۋرس ستۋدەنتى
You Might Also Like
-
قازاقستان پرەزيدەنتى قاسىم-جومارت توقايەۆ 2021 جىلدى تاۋەلسىزدىكتىڭ 30 جىلدىعى رەتىندە جاريالادى.
-
بيىلعى، 2021 جىل ەلىمىزدىڭ تاۋەلسىزدىگىنە 30 جىل تولادى. بۇل ءبىزدىڭ اتا-بابالارىمىز ارمانداعان ماڭىزدى كۇن. تاريح ءۇشىن 30 جىل بۇل تەز ءوتىپ كەتەتىن ۋاقىت بولسا، كوپتەگەن حالىقتار ءۇشىن بۇل قيىندىقتار...
