InfoHub Logo

2021 جىلدان باستاپ قازاقستاندا جوعارى وقۋ ورىندارىنىڭ مەملەكەتتىك ۇلگىدەگى ەمەس جەكە ۇلگىدەگى ديپلوم بەرۋى تۋرالى نورما كۇشىنە ەنەدى. بۇل جايىندا ق ر ءبىلىم جانە عىلىم ءمينيسترى اسحات ايماعامبەتوۆ پەداگوگيكالىق جوعارى وقۋ ورىندارىنىڭ ستۋدەنتتەرىمەن كەزدەسۋىندە ايتتى.

ۆەدومستۆو باسپا ءسوز قىزمەتىنىڭ مالىمەتىنشە، مينيستر جيىنعا قاتىسۋشىلاردىڭ ساۋالدارىنا جاۋاپ بەرىپ، پەداگوگيكالىق جوعارى وقۋ ورىندارىنىڭ ستۋدەنتتەرىن مەكتەپتەرگە جۇمىس ىستەۋگە شاقىردى.

كەزدەسۋ اشىق ديالوگ فورماتىندا ءوتتى. كەزدەسۋ بارىسىندا اسحات ايماعامبەتوۆ ءبىلىم سالاسى ءۇشىن ماڭىزدىلىعى وراسان زور ەكى قۇجاتتىڭ قابىلدانعانىن اتاپ ءوتتى. ولار - 2020-2025 جىلدارعا ارنالعان ءبىلىم مەن عىلىمدى دامىتۋدىڭ جاڭا مەملەكەتتىك باعدارلاماسى مەن «پەداگوگ مارتەبەسى تۋرالى» ق ر زاڭى. مينيستر پەداگوگيكالىق قىزمەتكەرلەردىڭ جۇمىس جاعدايىن جاقسارتۋ جانە بارلىق دەڭگەيدە ءبىلىم ساپاسىن ارتتىرۋمەن جاڭارتىلعان ءبىلىم باعدارلاماسىنىڭ ارتىقشىلىقتارى توڭىرەگىندە مينيسترلىكپەن اتقارىلىپ جاتقان جۇمىستار تۋرالى ايتىپ بەردى.

«ق ر «پەداگوگ مارتەبەسى تۋرالى« زاڭى پەداگوگتىڭ ماتەريالدىق قامتاماسىز ەتىلۋىنە، كوتەرمەلەۋگە جانە الەۋمەتتىك كەپىلدىكتەرگە قاتىستى قۇقىقتارىن قاراستىرادى. پەداگوگتىڭ وقىتۋ مەن تاربيەلەۋدىڭ اۆتورلىق ادىستەرىن ازىرلەۋ جانە قولدانۋ، وقۋ قۇرالدارىن تاڭداۋ، اقپاراتتىق رەسۋرستاردى تەگىن پايدالانۋ، بىلىكتىلىكتى ارتتىرۋ جانە تاعىلىمدامادان ءوتۋ نىساندارىن تاڭداۋ بولىگىندە كاسىپتىك قۇقىقتارى كەڭەيتىلەدى. مەكتەپ مۇعالىمدەرىنىڭ ساپالى قۇرامىن ارتتىرۋ ءۇشىن ماگيستر دارەجەسى بار تۇلعالار ءۇشىن 10 اەك كولەمىندە قوسىمشا اقى قاراستىرىلعان. سونىمەن قاتار، داپتەر تەكسەرۋمەن سىنىپ جەتەكشىلىك ءۇشىن 2 ەسە اقى، تالىمگەرلىك پەن پەداگوگيكالىق شەبەرلىككە ارنالعان قوسىمشا اقىلار كوزدەلگەن»، - دەدى اسحات ايماعامبەتوۆ.

ايتا كەتكەن ءجون، پەداگوگيكالىق شەبەرلىكتىڭ بىلىكتىلىگى ءۇشىن قوسىمشا اقى بارلىق پەداگوگتار ءۇشىن لاۋازىمدىق جالاقىدان 30-دان 50 پايىزعا دەيىنگى مولشەردە بەلگىلەنەدى.

مينيستر پەداگوگتاردى وزىنە ءتان ەمەس جۇمىسقا تارتۋعا تىيىم سالۋ جانە ەسەپتىلىكتى ازايتۋ تۋرالى ەگجەي-تەگجەيلى ايتىپ بەردى.

ءبىلىم جانە عىلىم مينيسترلىگىنىڭ باسشىسى 2021 جىلدان باستاپ جوعارى وقۋ ورىندارىنىڭ مەملەكەتتىك ۇلگىدەگى ەمەس، جەكە ۇلگىدەگى (اسكەري جانە ارنايى وقۋ ورىندارىن قوسپاعاندا) ديپلوم بەرۋى تۋرالى نورما كۇشىنە ەنەتىنىن ايتتى. بۇل جوعارى وقۋ ورىندارى اراسىنداعى باسەكەلەستىكتى ارتتىرىپ، ۇسىنىلاتىن ءبىلىم بەرۋ قىزمەتتەرىنىڭ ساپاسىنا قاتىستى جاۋاپكەرشىلىكتىڭ ءوسۋىن قامتاماسىز ەتپەك. ا.

ايماعامبەتوۆتىڭ ايتۋىنشا، ەندى جۇمىس بەرۋشىلەر ديپلومعا ەمەس، تۇلەكتىڭ قۇزىرەتتەرىنە كوبىرەك كوڭىل بولەدى. جۇمىسقا ورنالاستىرۋ كەزىندە جوعارى وقۋ ورنىنىڭ بەدەلى مەن ءيميدجى باستى ءرول اتقاراتىن بولادى.

«ستۋدەنتتەر مەن ولاردىڭ اتا-انالارىن جوو تاڭداۋدا مۇقيات بولۋعا شاقىرامىز. سونىمەن قاتار، كەلەسى اسپەكتىلەرگە نازار اۋدارۋدى ۇسىنۋ قاجەت: الەمنىڭ ۇزدىك جوعارى وقۋ ورىندارى رەيتينگىندە جوو-نىڭ پوزيسياسى - QS جانە «اتامەكەن« ۇكپ رەيتينگىندە ءبىلىم بەرۋ باعدارلامالارى؛ جوو مارتەبەسى مەن اكادەميالىق بەدەلى؛ ۇسىنىلاتىن ءبىلىم بەرۋ قىزمەتتەرىنىڭ ساپاسى»، - دەدى ا. ايماعامبەتوۆ.

---