ادام ءومىرىنىڭ ءمانى
ادام ءومىرىنىڭ ءمانى - لوگيكالىق ەمەس، فيلوسوفيالىق ۇعىم. جەر بەتىندەگى كەز كەلگەن ادام بىرەگەي تۇلعا. ال تۇلعا رەتىندە ادامنىڭ مىنەزى مەن دۇنيەتانىمىن قالىپتاستىراتىن وزىنە عانا ءتان قاسيەتتەر جيىنتىعى بار. تەمپەرامەنتكە، تاربيەگە جانە تۇقىم قۋالايتىن فاكتورلارعا بايلانىستى ومىرلىك قۇندىلىقتار مەن ادامنىڭ بەلگىلى ءبىر ماسەلەلەرگە كوزقاراسى قالىپتاسادى. ۋاقىت وتە كەلە ادام بويىندا قالىپتاسقان مىنەزدەرگە ساي ادامداردىڭ ومىرگە دەگەن كوزقاراستارى وزگەرەدى. ءجاسوسپىرىم كەزىندە ادام ءومىرىنىڭ ءمانىن دوستارىمەن كوڭىل كوتەرۋدەن كورەتىن بولسا، ال ەرەسەك جاسقا قاراي ونىڭ قۇندىلىقتارى تۇبەگەيلى وزگەرۋى مۇمكىن جانە ول ءومىر ءمانىن وتباسىلىق باقىتتان، جايلىلىق پەن تىنىشتىقتان كورە باستايدى. سونداي-اق، ادام ءومىرىنىڭ ءمانىن جوعالتاتىن كەزدەر دە بولادى. بۇل ءار ادامنىڭ ومىرىندە كەزدەسەتىن قيىن كەزەڭ. الايدا، ادام ءومىرىنىڭ ءمانىن قانشالىقتى جوعالتقانىمەن، بۇكىل ومىرىنە جاڭا ءمان ىزدەۋ ءۇشىن ويلانۋى كەرەك. سەبەبى. ءومىرىنىڭ ءمانى جوق ادام - رۋحاني ءولى ادام. ءومىردىڭ ءمانىن جوعالتۋ ادامنىڭ ءومىرىن ماعىناسىز جانە پايداسىز ەتەدى. مۇنداي ومىردە ادام باقىتتى بولا المايدى.
ادام ءومىرىنىڭ ءمانى نەدە دەگەن سۇراققا بىرنەشە جاۋاپتار بەرۋگە بولادى. كەي ادامدار ءومىردىڭ ءمانىن بايلىق پەن داڭقتان كورسە، باسقا ادام ءومىر ءمانىن سۇيىكتى ءىسى مەن ءحوببيىنسىز ەلەستەتە المايدى، ال كەي ادامدار جاقىندارى ءۇشىن ءومىر سۇرەدى. الەمدەگى تىرشىلىك يەلەرىنىڭ بارىندە بەلگىلى ءبىر قاجەتتىلىكتەر بار. ولار: تاماق، ۇيقى، بايلانىس، ماحاببات. كەيبىر جاندار ءۇشىن ءومىردىڭ ءمانى وسى قاجەتتىلىكتەردى قاناعاتتاندىرۋعا دەگەن تالپىنىستاردان تۋىنداپ جاتادى. مۇمكىندىگىنشە ءومىردىڭ ءمانى جايىندا كوبىرەك ويلانعان ابزال، جالپى، ءومىر ءمانى تۋرالى ويلاۋدىڭ دا پايداسى زور. بۇل ءوزىڭدى تۇسىنۋگە، الدىڭا ناقتى ماقساتتار قويۋعا جانە ولارعا جەتۋ جولىندا بار كۇش-جىگەرىڭدى اياماي جۇمساۋعا كومەكتەسەدى. ءار ادامنىڭ ءوز ءومىرىنىڭ سوڭىنا دەيىن ءومىردىڭ ءمانىن ىزدەيتىنى ءمالىم. ونىڭ ماقساتى ءومىر ءمانىن تابۋدا جاتقان بولار. ءومىردىڭ ءمانىن تابۋ ارقىلى ادامزات ماڭگىلىك باقىتقا قول جەتكىزۋى دە عاجاپ ەمەس.
ۋ م. دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى ج. ن. الياسقار ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1-كۋرس ستۋدەنتى
You Might Also Like
-
الماتىدان الىس كەتكەن ادامدى قالانىڭ قايتالانباس اق جاۋىنى، كورگەن كوزدى ىنتىقتىرار ارۋ قىزدارى جانە ءدامى ءتىل ۇيىرەر الماسى ساعىندىراتىنى اقيقات. الماتى مەن الما... ەگىز ۇعىم. شاھاردىڭ اتاۋىنىڭ دا ...
-
بۇگىنگى جاستار بويىنان شورتانباي قاناي ۇلىنىڭ “زار زامان” ولەڭىندەگى اقىن سىناعان ۇل مەن قىز قىلىعى كەزدەسە مە؟
