InfoHub Logo

مەن ماحامبەتتىڭ ەرلىگىنە قايران قالامىن.ويتكەنى، قالام مەن قىلىشتى وزىنە سەرىك ەتكەن ەرەكشە، ءبىرتۋار تۇلعا.ماحامبەتتىڭ ولەڭدەرى ادامدارعا رۋح پەن جىگەر بەرەدى.ءار ولەڭىنەن قايسارلىق پەن ەر ازاماتتىق ەرلىكتى كورە الامىز."ماحامبەت-ابايعا دەيىنگى اقىنداردىڭ اقىنى، ابىلايدان كەيىنگى باتىرلاردىڭ باتىرى، ماحامبەتتىڭ ەسىمى-ومىردەگى قاسىرەتتىڭ سيمۆولى.ماحامبەت ولەڭى قايتالانباس، قۇدىرەتتى.شىعارمالارى تاپ-تازا قورعاسىننان قۇيىلعان اپ-اۋىر اسىل ءسوز، باسقا جەر بەتىندەگى ەلدىڭ ولەڭ-جىرىندا جوق" دەپ قابدولوۆ ءوزىنىڭ سىني پىكىرىن ايقىن دالەلدەگەن.

ماحامبەت ولەڭدەرىندە حالقىمىزدىڭ وزىندىك بولمىسى، قايسارلىعى قازاق حالقىنىڭ رۋحىن كوتەرەدى.مىسالى، "باعانالى تەرەك" ولەڭىن الساق.ءاربىر بۋىنى مەن بۋناعى، ءاربىر تارماعى مەن شۋماعى قايسارلىقتى ايقىنداپ كورسەتەدى.يساتاي ولگەننەن كەيىن، كۇرەس ارقىلى جەتەمىز دەگەن ماقساتى ورىندالماي، كوتەرىلىس جەڭىلگەن سوڭ پاتشا ساياساتى حالىقتى بۇرىنعىدان بەتەر ەزىپ، ەل باسىنا اۋىرتپالىقتى كۇشەيتە ءتۇستى.ول وسى ولەڭى ارقىلى تەك قانا قاراعايداي ءوز قامىن ويلايتىن ادام دۇنيەگە كەلگەنشە، ەمەندەي ەلىنىڭ قامىن جاسايتىن، ەلىنە كومەك قولىن سوزاتىن ادامنىڭ ومىرگە كەلگەنى، ءومىر ءسۇرىپ جۇرگەنى ارتىق دەپ نىق باسىپ اششى شىندىقتى ايتادى.وسى شىعارما ارقىلى كەلەر ۇرپاققا ۇلگى-ونەگە بولسىن دەپ جازىپ قالدىرعان.داۋىلپاز اقىننىڭ وسى ولەڭىنەن حالىق كەگىن الاتىن، تەڭدىكتى سۇرايتىن ۇلدى ارمانداعانىن كورۋگە بولادى.بۇل مىنا ولەڭ شۋماقتارىندا كورسەتىلگەن:

"حاننان قىرىق تۋعانشا،

قارادان ءبىر-اق تۋسايشى،

حالىقتىڭ كەگىن قۋسايشى.

ارتىمىزدان بىزدەردىڭ،

اقىرىپ تەڭدىك سۇرارعا".

مىنە، ماحامبەت اقىننىڭ وسىنداي رۋحتى، وتكىر جىرلارى مەن ولەڭدەرى حالىقتىڭ رۋحاني ازىعى، ۇرپاققا مۇرا بولىپ قالدى.

تۇرعانبەك ءبيبىفاتيما