جايلى ايماقتان شىعۋ ءۇشىن 3 سەبەپ
ءار ادام ءومىرىن جايلى ءارى ىڭعايلى ەتكىسى كەلەدى. كەڭ ءۇي، جاڭا اۆتوكولىك، جۇمساق توسەك، جىلدام ىستەيتىن كومپيۋتەر. وركەنيەتتىڭ بۇل يگىلىگىنەن باس تارتۋ اقىماقتىق بولار ەدى.
الايدا بارىنە قول جەتكىزدىم، ءومىرىم – جۇماق دەيتىندەر ۋاقىت وتە كەلە مۇنداي جايلى ءومىردىڭ وزىندىك قاۋىپتىلىگى بار ەكەنىن تۇسىنە باستايدى. قاي جاعىنان ءقاۋىپتى جانە ودان نەگە الشاق بولۋىمىز كەرەك؟
ىڭعايلى، جايلى ءومىردىڭ ەش جاماندىعى جوقتاي كورىنەدى. ءسىز ءوزىڭىزدى جايلى سەزىنەسىز، تاۋەكەلگە بارۋدىڭ ەش قاجەتى جوق، جۇمىسىڭىز ءجۇرىپ جاتىر، ەشتەڭەنى وزگەرتۋدىڭ قاجەتى جوقتاي كورىنەدى. دەگەنمەن ءسىز ءوزىڭىزدى تولىققاندى باقىتتى سەزىنبەيتىن شىعارسىز، نەمەسە 100% قاناعاتتانبايتىن شىعارسىز، سولاي ەمەس پە؟ سولاي.
كوبىنە جايلى ايماق ادامنىڭ ءوز-وزىن الداۋىنان، يلليۋزياسىنان تۋىندايدى. بۇگىنگى جاعدايىڭىزعا ۇزدىك بالاما جوق دەپ ويلايسىز، وسى جاعدايدى جاساۋ ءۇشىن تىم كوپ ەڭبەك ەتتىڭىز، بىردەڭە وزگەرتۋگە تىم كەش دەيسىز. ءسىز ىڭعايلى بولسا دا، ءبىر جەرگە توقتايسىز دا، ومىرىڭىزدەگى تاماشا مۇمكىندىكتەرگە جوق دەيسىز. جايلى ايماق جولىڭىزدىڭ سوڭعى ايالداماسىنا اينالادى. نەگە ولاي بولادى؟
ءسىز جۇمساق بولا باستايسىز
جىلى ۆانناعا كىرگەن اداممەن بىرنەشە مينۋتتىڭ ىشىندە نە بولادى؟ ونىڭ بويىن جىلۋلىق بيلەپ، ءوزىن جايلى سەزىنە باستايدى. ال مۇنداي كۇيدى ۇزاققا سوزاتىن بولسا شە؟ دۇرىس، ول دەگراداسياعا ۇشىرايدى. بۇلشىق ەتتەرى ءپىشىنىن جوعالتىپ، ءبىراز ۋاقىتتان كەيىن ول جۇگىرۋ تۇرماق، ءبىر ورىندا تۇرا المايتىن بولادى.
ءبىراق بۇل دەنەگە عانا قاتىستى ەمەس. ميىمىزبەن دە ءدال وسى پروسەسس قايتالانادى. قيىن تاپسىرمالاردى ورىنداۋعا قاجەتسىزدىك ويلاۋ قابىلەتىن، ءبىلىم الۋ قابىلەتىن تومەندەتىپ، شەشىم قابىلداي الماۋعا اكەلەدى. ءسىز كۇندەلىكتى ءبىر ايماقتا ءجۇرىپ-تۇراتىن جانە ءبىر عانا تاپسىرمالاردى ورىنداپ جۇرەتىن قۋىرشاققا اينالاسىز. سونىڭ اراسىندا، ءومىرىڭىزدىڭ قاي كەزەڭى ءسىز ءۇشىن ونىمدىرەك جانە شىعارماشىلىققا تولى بولدى؟ ول ۋاقىتتى جايلى شاق دەپ ايتا المايتىنىڭىزعا سەنىمدىمىز. بىرەۋلەر ۇيقىسىز وتكەن ستۋدەنتتىك شاقتارىن ەسىنە الادى، باسقالار شىتىرمانعا تولى وقيعالار مەن ساياحاتتارىن، ال ۇشىنشىلەرى – ءبارىن باسىنان باستاۋ كەرەك بولعان قيلى كەزەڭدى.
ءسىز ومىرلىك ماقساتتارىڭىزدان باس تارتاسىز
ءار ادامنىڭ، جارايدى، ادامداردىڭ كوبىنىڭ جۇرەك تۇبىندە ومىردە قول جەتكىزگىسى كەلەتىن ماقساتى بولادى. ءبىر قىزىعى، ادەتتە ول ماقساتتار قول جەتىمسىز جانە قيالي بولمايدى. ءبىراق ءبارىبىر بىزگە بىردەڭە كەدەرگى بولادى. ءبىز ماقساتىمىزدى كەيىنگە شەگەرە بەرەمىز، ال اينالاڭىزدا جايلى ايماقتىڭ وركەندەي بەرۋىنەن ول ءتىپتى قول جەتىمسىز بولىپ قالادى. سەبەبى ءبىر ۋاقىتقا جىلى ۆاننادان شىعىپ، دالاعا شىعۋ قيىن عوي.
ءسىز ءوزىڭىزدى تاني الماي كەتۋىڭىز مۇمكىن
ادامنىڭ بەتى قيىندىققا ۇرىنعانىندا اشىلادى دەگەن پىكىر بار. ءسىز ءومىر بويى جايلى ورتادا ءومىر ءسۇرىپ، قولىڭىزدان شىن مانىندە نە كەلەتىنىن بىلمەي ءوتۋىڭىز دە مۇمكىن. ءسىز شىنىمەن باتىل ءارى ونەرتاپقىش بولا الاسىز با؟ ءسىز شىنىمەن قايسارلىق تانىتىپ، شىدامدى بولا الاسىز با، الدە سوندايمىن دەپ ويلايسىز با؟ جايلى ايماقتان شىعىپ، تىم قۇرىعاندا ءوزىڭىز ءۇشىن، شىن مانىندە قانداي ادام ەكەنىڭىزدى جانە مۇمكىندىكتەرىڭىزدىڭ شەگى قاي جەردە ەكەنىن تۇسىنەتىن ۋاقىت كەلدى. ناتيجەسى ءسىزدى تاڭعالدىرماي قويمايدى.
ەرتە مە، كەش پە جايلى ايماق كەز كەلگەن ادام ءۇشىن ونىڭ دامۋىن تەجەيتىن جانە ءومىردى سەزىمنىڭ وتكىرلىگىنەن ايىراتىن فاكتورعا اينالادى. ءومىرىڭىزدىڭ ەڭ قىزىقتى ساتتەرىن ەسىڭىزگە الىڭىزشى. ولاردىڭ كوبى ادەتتەگى ومىردەن تىس ارەكەتتەردى جاساۋ كەزىندە بولعان شىعار؟ جايلى ايماقتان شىققان كەزىڭىزدە بولدى. ەندى وسىنى نەگە قايتالاپ كورمەسكە؟
You Might Also Like
-
بەلگىلى اكتەر داۋرەن سەرعازين بولسا، «بارلىق نارسە قورشاعان ورتاعا بايلانىستى، ال ورتانى ادام ءوزى تاڭدايدى»، -دەپ قىسقا قايىردى. ال ءسىز قالاي ويلايسىز؟ ورتانىڭ اسەرىنەن وزگەرگەن كەزى...
-
1. بالاڭىزدىڭ ەمتيحاندا الاتىن بالل سانىنا اسا الاڭداماڭىز، جانە ەمتيحاننان كەيىن بالاعا سىن تاقپاڭىز. بالاعا بالل سانى ونىڭ مۇمكىندىكتەرىنىڭ ەڭ جەتىلگەن ولشەمى ەمەس ەكەندىگى تۋرالى پىكىر ۇيالاتۋعا ...
