ادامگەرشىلىك جانە ءبىلىم
ادامشىلىق قوسىلىپ،
بولعان دۇرىس ءبىلىمدى.
وزگەلەرگە اركەز ۇناپ،
جەتەلەيسىڭ ءوزىڭدى.
دۇنيە ەسىگىن اشقان ءاربىر پەندە قيىنشىلىعى مەن قىزىعى مول ومىردە ءار ءتۇرلى جاعدايلارعا جولىعادى. كۇيبەلەڭ ءومىردى كەشۋ بارىسىندا بويىنداعى اسىل قاسيەتتەرى مەن مىنەزدەرى تاعدىردىڭ سىنىنا قاراي تولىعىپ نەمەسە ازايىپ وتىرادى. ادامگەرشىلىك جانە ءبىلىم تۇرعىسىنان كەيبىر ادامداردان «ادامدا ءبىلىمى بولماي-اق قويسىن، ەڭ باستىسى ادامگەرشىلىگى بولسا جەتىپ ارتىلادى» دەگەن سوزدەردى ەستىپ جاتامىز. سونىمەن قاتار بۇل ويعا دا قارسى شىعاتىن جانداردى دا كەزدەستىرەمىز. «ەڭ ءبىرىنشى ءبىلىمدى بولۋ كەرەك، ايتپەسە بولمايدى» دەيتىندەردىڭ ويى دا قاتە ەمەس. قاسيەتتى قۇران كىتاپتا دا بۇل ەكى اسىل قاسيەت تۋرالى تۇشىمدى دا ناقتى دايەكتەر كەلتىرىلگەن. قازىرگى زاماندا ءبىلىمسىزدىڭ كۇنى قاراڭ. جۇمىسىڭ بولمايدى. جۇمىسىڭ بولماعان سوڭ، كۇنكورىس قامىن دا شەشۋ قيىن. ءبىلىمىڭ بولماي تەك ادامگەرشىلىك قاسيەتتى بەرىك ۇستانساڭ دا، ايتەۋىر ءبىر نارسەنىڭ جەتىسپەيتىنى انىق ءبىلىنىپ تۇرادى. ماعىنالارى تەرەڭ وسى ەكى قاسيەتتى دەنەمىزدەگى مي مەن جۇرەك دەپ الساق، قالاي بولار ەدى؟ جۇرەكتەگى تۇنىپ تۇرعان ادامگەرشىلىگىڭ قارايسا، ميداعى سارقىلماس ءبىلىمىڭ دە جۇرەكتىڭ ىڭعايىنا قاراي تاۋسىلا باستايدى. كەرىسىنشە بولۋى دا مۇمكىن. سول سەبەپتى ءاربىر جاننىڭ بويىندا كەز كەلگەن ۋاقىتتا ادامشىلىق تا، بىلىمدىلىك تە تابىلۋى كەرەك. بويىندا وسى ەكى قاسيەتى بىر-بىرىمەن ۇشتاسقان پەندەنى «تولىققاندى» دەپ ايتا الامىز دەپ ويلايمىن. قوس مىنەزدىڭ ءبىرىنسىز ءومىر ءسۇرىپ جاتىرعاندار دا جەتەرلىك. كۇندەلىكتى جولىقتىرىپ تا جاتىرمىز. ولاردىڭ ومىرلەرى، ارينە جامان ەمەس. الايدا ادامگەرشىلىك پەن بىلىمدىلىكتى جانىنا سەرىك ەتىپ، قاتار ۇستانعان ادام عانا الدىنان كەزىككەن قيىندىققا ەش مويىماي توتەپ بەرە الارى ءسوزسىز. ەگەر كىشكەنتايىنان بالانىڭ بويىنا وسى ەكى اسىلدى بىرگە دارىتساق، كەلەشەكتە مىقتى مامان، يماندى جۇرەك يەسىنە كۋا بولاتىنىمىز داۋسىز.
سۋيۋنشكالييەۆا داناگۋل حامزييەۆنا
باتىس قازاقستان وبلىسى
كازتالوۆ اۋدانى
قاراوزەن مەكتەپ-ليسەيى جانىنداعى
ايگولەك شاعىن ورتالىعىنىڭ تاربيەشىسى
You Might Also Like
-
تاۋەلسىزدىك دەگەندە، ءبىزدىڭ كوز الدىمىزعا ەڭ الدىمەن اتا-ابالارىمىز تۇسەدى. تاۋەلسىزدىك ءۇشىن كۇرەسكەن ءبىزدىڭ اتا-بابالارىمىزدىڭ ورنى ەرەكشە. سوناۋ كەزدەگى «اقتابان شۇبىرىندى، القاكول سۇلاما&r...
-
نەيروندىق جەلىلەر ءسىز بەن بىزگە قىزمەت ەتە باستاعالى قاشان؟ دەسە دە ولار جونىندە كوپ بىلە بەرمەيتىنىمىز شىندىق. بۇل وتە كەڭ تاقىرىپ. بۇگىندە نەيروندىق جەلىلەر قولدانىسى كەڭىنەن تارالۋدا. مىسالى، ول...
