InfoHub Logo

ق. ياسساۋي اتىنداعى №123 مەكتەپ-گيمنازيانىڭ
5 «ءا» سىنىپ وقۋشىسى: كوپتىلەۋوۆ نۇرعالىم
جەتەكشىسى: جۇمابايەۆا مەيىرگۇل

 

ۇستازىم مەنىڭ، ۇستازىم،

وزىڭمەن وتكەن قىس-جازىم،

قالدىرعان ءىزىڭ ماڭگىلىك،

جادىمدا تۇرار جاڭعىرىپ،

ۇستازىم مەنىڭ، ۇستازىم-دەپ ءابىلاحات ەسپايەۆ اتامىز جىرلاپ كەتكەن. قانداي ادام بولماسىن، ۇستازدان ءىلىم-بىلىم، تالىم-تاربيە الادى. ۇستاز - ءبىزدىڭ ەكىنشى انامىز. ءوز اناڭدى قالاي جاقسى كورسەڭ، ۇستازىڭدى دا سولاي جاقسى كورۋ كەرەك. «ۇستاز - ءوز ۋاقىتىن ايامايتىن، وزگەلەردى ايالايتىن جاندار». شاكىرت تاربيەلەۋدەگى ۇستازدىڭ الار ورنى ەرەكشە. ويتكەنى، ۇستاز ءاربىر بالانىڭ بويىنداعى قابىلەتىن اشىپ، ومىرگە بەيىمدەيدى. ۇستاز - بولاشاعى زور شاكىرتتەردى تاربيەلەيتىن ۇلكەن تۇلعا. «ۇستازى جاقسىنىڭ، ۇستامى جاقسى»، - دەپ دانا حالقىمىز بەكەر ايتپاعان. «ۇستاز» - انامنان كەيىنگى ەرەكشە قۇرمەتپەن باعالايتىن ادامىمنىڭ ءبىرى. مەنىڭ سىنىپ جەتەكشىم – قۇرالاي اپاي. مەن ول كىسىنى ەرەكشە سيلايمىن، ايتقانىن تىڭدايمىن. قۇرالاي اپاي ءارى قاتال، ءارى ادامگەرشىلىگى مول جان. ولاي دەيتىن سەبەبىم، اپاي ءار بالاعا ەرەكشە قامقورلىق كورسەتەدى. ءاردايىم دا ءبىزدىڭ قاسىمىزدان تابىلادى. سونىمەن بىرگە، باسقا ساباقتاردان بەرەتىن ۇستازداردى دا قۇرمەتتەيمىن. ۇستازدار بىزگە بار بىلگەنىن ۇيرەتەدى، كومەكتەسەدى. انام ۇنەمى ماعان ۇستازدارىڭدى سىيلا، ايتقاندارىن بۇلجىتپاي ورىندا دەپ ايتىپ وتىرادى. بارلىق ۇستازدارعا تەك جاقسىلىق، شىعارماشىلىق تابىس تىلەيمىن.

---