پاۆلودارلىق ۇستاز موبيلدi قوسىمشالاردى ءازiرلەۋدىڭ قازاقشا نۇسقاسىن ويلاپ تاپتى
پاۆلوداردا № 19 جالپى ورتا ءبىلىم بەرەتىن مەكتەپتىڭ ينفورماتيكا ءپانى ءمۇعالىمى الماس سەرىكبايەۆ بالالارعا تاجىريبەلىك جۇمىستاردى ورىنداۋدى جەڭىلدەتىن موبيلدىك قوسىمشانىڭ قازاق تىلىندەگى نۇسقاسىن قۇراستىرىپ شىقتى، دەپ حابارلايدى pavlodarnews.kz.
«بۇل جوبا ۇيالى تەلەفوندار ارقىلى 3 D فورماتىندا ءتۇرلى لوگيكالىق تاپسىرمالار مەن جاتتىعۋلاردى ورىنداۋعا مۇمكىندىك بەرەدى. Android-Delphi XE 5 باعدارلاماسى ارقىلى وقۋشىلار سۋرەتتەر مەن سانداردى قويعاننان كەيىن تەلەفوندارىندا ورناتادى. اندرويد تورتتەن جوعارى بولۋى كەرەك. سونداي-اق، ءتۇرلى اننيماسيالاردى قۇراستىرىپ، پىشىندەردىڭ گرادۋستارى مەن بۇرىشتارىن تابۋعا بولادى. بۇگىندە ۇيالى تەلەفونداردا 10 شاقتى جۇمىس جاسالدى. فيزيكا، ماتەماتيكا، ينفورماتيكا جانە باسقا دا پاندەر بويىنشا قولدانۋعا بولادى»، - دەيدى الماس سەرىكبايەۆ. ۇستازدىڭ ايتۋىنشا، ءموبيلدى قوسىمشا ۇستازدارعا كورنەكى قۇرالداردى 3 D فورماتىندا كورسەتە وتىرىپ، وقۋشىنىڭ ساباققا دەگەن قىزىعۋشىلىعىن وياتادى. بۇدان باسقا، ول وقۋشىلارىمەن بىرگە جۇك تاسىمالدايتىن روبوت قۇراستىرعان.
ايتا كەتەرلىگى، الماس سەرىكبايەۆ جاس باعدارلاما جاساۋشىلار مەن دەربەس كومپيۋتەر پايدالانۋشىلارىنىڭ V رەسپۋبليكالىق «التىن ديسك» بايقاۋىندا «جاڭاشىل ۇستاز» اتالىمىن جەڭىپ العان. سونداي-اق ول «دارىندى بالالارعا - تالانتتى ۇستاز» حالىقارالىق بايقاۋىنىڭ ءۇشىنشى ورىن يەگەرى، رەسپۋبليكالىق «ۇزدىك اۆتورلىق باعدارلاما» بايقاۋىنىڭ جەڭىمپازى.
You Might Also Like
-
ق. ياسساۋي اتىنداعى №123 مەكتەپ-گيمنازيانىڭ 5 «ءا» سىنىپ وقۋشىسى: كوپتىلەۋوۆ نۇرعالىم جەتەكشىسى: جۇمابايەۆا مەيىرگۇل
