InfoHub Logo

تاۋەلسىزدىك دەگەندە، ءبىزدىڭ كوز الدىمىزعا ەڭ الدىمەن اتا-ابالارىمىز تۇسەدى. تاۋەلسىزدىك ءۇشىن كۇرەسكەن ءبىزدىڭ اتا-بابالارىمىزدىڭ ورنى ەرەكشە. سوناۋ كەزدەگى «اقتابان شۇبىرىندى، القاكول سۇلاما» شايقاسى، جوڭعارلارمەن، قالماقتارمەن شايقاسى، ۇلت-ازاتتىق كوتەرىلىس، ەكىنشى دۇنيەجۇزىلىك سوعىس، جەلتوقسان وقيعاسى مۇنىڭ ءبارى دە بولاشاق ەل ءۇشىن بولعان قاندى وقيعالار بولاتىن. مۇنىڭ ءبارى قازىرگى كۇنى تاريح بەتتەرىندە قالدى. تۇعىرلى تاۋەلسىزدىگىمىزگە – 25 جىل تولدى. قازاق حالقى 1991 جىلى 16-جەلتوقساندا ءوز الدىنا دەربەس، تاۋەلسىز مەملەكەت بولدى. مىنە سودان بەرى 25 جىل ءوتتى. تاۋەلسىزدىك العان جىلى تۋىلعان ءسابي 25-كە تولدى. وسى 25 جىل ىشىندە قازاقستاندى بارلىق ەلدەر تانىدى. «قازاقستان» دەگەن مەملەكەتتىڭ بارىن ءبىلدى. بۇرىن ءبىز كسرو-ى مەملەكەتتەرىنىڭ ءبىرى عانا ەدىك. ول كەزدە ءبىزدى ەشكىم تانىمايتىن. سەبەبى، 70 جىل بويى رەسەي مەملەكەتى ءبىزدى بيلەپ-توستەپ كەلدى. رەسەي مەملەكەتىنە باعىنىشتى ەدىك. ال قازىرگى كۇنى ءبىز ەشكىمگە باعىنبايمىز. نەگە دەسەڭىز دەربەس تاۋەلسىز مەملەكەتپىز. ارينە، 70 جىل بۇعاۋدان بۇرىن دا، قازاقتىڭ باتىرلارى ءوز جەرى، ەلى ءۇشىن قانىن توككەن، جانىن قيعان. ودان بەرگى ەڭ سوڭعى قان توگىلىپ، جان تاپسىرعان «جەلتوقسان جاستارىن» ناعىز پاتريوت باتىرلار دەپ ايتۋىمىزعا بولادى. ولار دا بەكەردەن-بەكەر الاڭعا شىققان جوق. قاقاعان قىستا، جالاڭ باس، جالاڭ اياق جاۋعا قارسى شىقتى. قارسى شىققان جاستاردىڭ بارلىعى دەرلىك اباقتىعا جابىلدى. سول اتا-بابالارىمىزدىڭ، جەلتوقسانشىلاردىڭ ارقاسىندا تاۋەلسىز ەل بولدىق. تاۋەلسىز ەلىمىزدى ساقتاۋ، قۇرمەتتەۋ ءبىزدىڭ باستى بورىشىمىز. ەلىمىزدىڭ باسىنان نە وتپەدى اشارشىلىق تا، سوعىس تا، ازاپ تا ءوتتى. تەگى مىقتى، رۋحى مىقتى قازاق حالقى سونىڭ بارىنە توتەپ بەردى. مەن وسىنداي تاۋەلسىز ەلدە تۋىلىپ، تاۋەلسىز ەلدە ءومىر ءسۇرىپ جاتقانىما قۋانامىن. ءاردايىمدا مەنىڭ ەلىمدە بەيبىت زامان بولسا ەكەن. ەشكىمگە باعىنباي، ماڭگى تاۋەلسىز ەل بولايىق دەگىم كەلەدى.

الماتى قالاسى، المالى اۋدانى
م.دۋلاتوۆ اتىنداعى
№136 مەكتەپ-گيمنازياسىنىڭ
باستاۋىش سىنىپ ءمۇعالىمى
كاريمكۋلوۆا گۇلباقىت

---