اعاعا تىلەك
بيىگىنە شىعىپ تالاي اسقاردىڭ،
ءوز سالاڭدى ادالدىقپەن باسقاردىڭ.
ۇل-قىزىڭدى سۇڭقار قۇستاي تۇلەتىپ،
جولىن اشتىڭ سوڭىڭا ەرگەن جاستاردىڭ.
كەلە جاتقان اسقار تاۋدى ساعالاپ،
سەكىلدىسىڭ ءتورت تۇياعى تاعالى ات.
ۇرپاقتارىڭ ۇلىق تۇتىت ءوزىڭدى،
وتباسىڭا سايا بولسىن ساعادات.
*** *** *** ***
پەيىلىڭ كەڭ ەشقاشاندا جۇتاماس،
قوناق كەلسە ءتورىڭدى ۇسىن، قۇشاق اش.
باۋىرلارىڭ – جال قۇيرىعىڭ، قاناتىڭ،
قاناتى جوق قىران كوككە ۇشا الماس.
*** *** *** ***
تاڭ كۇلىپ، جۇلدىز جانىپ پەيىلىڭە،
حالىقتىڭ كىردىڭ، ءسىرا، سەنىمىنە.
بۇل كۇنى سالاۋاتتى جىگىت كورەم،
باسىلعان جاستىق شاقتىڭ جەلىگى دە.
جەڭگەمىز ءجۇر كوشىڭدى ورگە سۇيرەپ،
كەلەدى تىرلىگىڭنىڭ كەرۋەنى بوپ.
جانىڭدا قۇلىندارىڭ شاپقىلاپ ءجۇر،
ويلاعىن ءبىر قۇدايدىڭ بەرگەنى دەپ.
*** *** *** ***
جان اعا، ءومىرىڭنىڭ ورىندەسىڭ،
قارىنداس كوڭىلىڭنىڭ تورىندەسىڭ.
سىلدىراپ اققايناردان اققان بۇلاق
تاعدىردىڭ سىندارىندا جەڭىلمەسىن.
كەلەمىز قيالاردان كۇن كەشىپ تە،
باۋىرلىق بال سەزىممەن ۇندەسىپ تە.
تەربەتكەن انامىزدان اينالايىن،
.... ۇل .... قىزدى ءبىر بەسىكتە.
جاقسى اعا كۇندە شۋاق جاعار جانعا،
مەرەيىم ءوسىپ تۇرار اعام باردا.
جاسىڭنان جاقسىلىققا قۇشتار ەدىڭ،
كەلەسىڭ جارىق سىيلاپ ادامدارعا.
اعاعا اق تىلەگىم اقتارىلسىن،
اكەگە تۇرپاتىڭمەن تارتقان ۇلسىڭ.
قاراساي بابا رۋحى قولداپ اركەز،
ورداڭا قىدىر قونىپ، ب ا ق دارىسىن.
شاشامىن جان نۇرىمدى جارقىلداتىپ،
تىلەيمىن ساعان اركەز جارقىن باقىت.
اعاعا ارناپ باۋىر ماحابباتىن،
جۇرەمىن جۇرەگىمدى مەن تۋلاتىپ.
ءاردايىم الاتاۋداي اڭساپ جۇرەم،
اتىڭدى اسقاقتاتىپ ءان ساپ جۇرەم.
جانىڭا تيتتەي كىرشىك تۇسپەسىن دەپ،
جان اعا، پەرىشتەڭدەي قورشاپ جۇرەم.
انارىڭ – ايالداعان اسىل جارىڭ،
ۇلدارىڭ – ۇلان اسۋ، جاسىل باعىڭ.
قايدا دەپ قارىنداسىم ىزدەگەندە،
مەن دە اركەز، اسىل اعا، قاسىڭدامىن!
اعا، ءسىزدى ويلاسام، شاتتانامىن،
تەربەلەدى تولقىنداي ب ا ق تالابىم.
جۇرەگىمدە ءوزىڭ دەپ ويانادى
تاستاي قاتىپ ۇيىقتاپ جاتقان ءانىم.
شۇكىر دەيمىن وزىڭدەي جان بارىنا،
جاقسىلىقتى تىلەيمىن جالبارىنا.
سىزدەي اعا بار بولسا – بىزدەي ءىنى
الاڭداماي قارايدى الدارىنا.
*** *** *** ***
شاقىرىپ اسقاق ارمان، دۋلى دۇرمەك،
جۇرەسىز جۇرەكتەردەن جىلۋ ىزدەپ.
الاتاۋ – ارقا سۇيەر اعامىزسىز،
جالعايتىن جولىڭىزدى ءىنىڭىز كوپ.
ىزەتتى قالپىنان ەش وزگەرمەگەن،
يناباتتى، كولدەنەڭ سوزگە ەرمەگەن.
جاقسىلىق جاسادىم دەپ داندايسىماس،
بارىندە پاراساتپەن بەزبەندەگەن.
ءمارت جۇرەك اسپەتتەگەن سىرلاسىن ءار،
قوزعالماس تاۋ قوزعالسا تۇلعاسى بار.
وزىڭدەي كورىپ جۇرتتىڭ بارلىعىن دا،
جاساۋعا ءبىر جاقسىلىق كۇندە اسىعار.
داۋىرىعىپ بوستان بوسقا ىسىنبەگەن،
وزگەگە كولەڭكەسىن تۇسىرمەگەن.
ادامسىز شەن-شەكپەنگە قىزىقپاعان،
ءار ءسوزىڭ دالەلدەنگەن ىسىڭمەنەن.
بۇكىل جۇرت مارتتىگىڭدى قىلعان اڭىز،
التىنمەن جازىلىپتى جىلناماڭىز.
قۇرمەتتەپ، حان كوتەرىپ توبەمىزگە،
اعاجان، وزىڭىزدەن ۇلگى الامىز.
*** *** *** ***
دوسقا ادال، وتباسىنىڭ قورعانى،
شىن باقىتتى باعالاعان قولداعى.
ءبىر ءوزىڭدى ماقتان ەتىپ جۇرەمىز،
شاتتىق تىلەپ ءار كۇنىڭە الداعى.
*** *** *** ***
You Might Also Like
-
1850 جىلداردىڭ باسىندا قۇرمانعازى كۇي ارقىلى قوشتاسىپ (امان بول، شەشەم، امان بول)، تاعى دا جايىق وزەنىنىڭ سول جاق بەتىنە قاراي كەتەدى. (بىرەۋلەردىڭ ايتۋىنشا، قۇرمانعازى يگىلىكتىڭ قىزى اۋەستى الىپ ك...
-
جالەل اۋىلىنا جالعاس وتىراتىن ءبىر بايدىڭ جىلقىسىنان ەكى اتتى ۇستاپ الىپ، ءبىرىن ءمىنىپ، ءبىرىن جەتەلەپ، قۇرمانعازى اۋەستى الىپ كەتكەن سولداتتاردى قۋادى. كورگەن كىسىلەردىڭ ايتۋىنشا قۇرمانعازى توتەلەيدى...
