اگرارلىق ۋنيۆەرسيتتەردىڭ تۇلەكتەرى مىندەتتى تۇردە اۋىلدا جۇمىس ىستەيدى - القا ءماجىلىسى
ەندى اۋىل شارۋاشىلىعى ماماندىقتارى بويىنشا ءبىلىم العاندار مىندەتتى تۇردە اۋىلداعى جۇمىستارعا باعىتتالۋى مۇمكىن. بۇل تۋرالى ق ر اۋىل شارۋاشىلىعى مينيسترلىگىنىڭ كەڭەيتىلگەن القا ماجىلىسىندە ءمالىم بولدى.
«اۋىلدىق كۆوتانىڭ مەملەكەتتىك تاپسىرىسى اياسىندا اۋىل شارۋاشىلىعى ماماندىقتارى بويىنشا وقيتىنداردىڭ ۇلەسىن 30-دان 70 پايىزعا دەيىن ۇلعايتۋ قاجەت»، - دەپ توقتالدى اۋىل شارۋاشىلىعى ءبىرىنشى ۆيسە-مينيسترى ارمان ەۆنييەۆ.
وسى ورايدا ول قازىرگى كەزدەگى قالالىق جاستار اگرارلىق ماماندىقتار بويىنشا ءبىلىم السا دا، كەيىننەن شاھاردا جۇمىس ىستەۋگە قالۋعا بارىنشا تىرىساتىنىن اتاپ ءوتتى.
«اۋىلعا بارعىلارى كەلمەيدى. ەندى بۇل جاعدايدى وزگەرتۋ كەرەك. اۋىل شارۋاشىلىعى ماماندىقتارى بويىنشا 70 پايىز گرانتتاردى اگرارلىق جوو-لاردا ورنالاستىرۋ ۇسىنىلادى»، - دەدى ءبىرىنشى ۆيسە-مينيستر.
بۇدان بولەك ول ارنايى ورتا ءبىلىم بويىنشا اكىمدىكتەردىڭ مەمتاپسىرىستارىن قايتا قاراستىرۋدى ۇسىندى.
«بۇل باعىتتا دا ۇيلەسپەۋشىلىك بايقالۋدا. اۋىل شارۋاشىلىعى ماماندىقتارى بويىنشا گرانتپەن ءبىلىم العان تۇلەكتەردىڭ اۋىلدىق جەردە ءۇش جىلدىق مىندەتتى جۇمىسىن وتەۋىن ەنگىزۋ جوسپارلانعان»، - دەدى ارمان ەۆنييەۆ.
قازاقارات
You Might Also Like
-
دۇكەندەگى مايونەزدىڭ زياندى جاقتارى تۋرالى كوپتەگەن ماقالالاردان كەيىن، بۇل تۇزدىقتى سالاۋاتتى ءومىر سالتىن ۇستاناتىن ادامنىڭ قاس جاۋى دەپ قابىلداۋ وڭاي. ساتىپ الىناتىن مايونەزدىڭ ءوندىرىس تەحنولوگيا...
-
بالا مىندەتتى تۇردە ءوز-وزىن جوعارى باعالاي الۋى كەرەك. ايتپەسە، ول وزىنە سەنىمسىز، باقىتسىز تۇلعا بولىپ ءوسىپ شىعادى. ءوزىن-وزى باعالاۋ تۋرالى تۇسىنىكتى جاقسى بىلمەيتىن اتا-انالاردىڭ ءوزى وسىلاي ويلاي...
