InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى ىرگەتاسىن سوناۋ 1934 جىلى كيروۆ اتىنداعى ۋنيۆەرسيتەت بولىپ قالاعان ەدى. سول كەزەڭدە قۇرامىندا تەك ەكى عانا بيولوگيا جانە فيزيكا-ماتەماتيكا فاكۋلتتەرى كىرگەن ۋنيۆەرسيتەت بۇگىندە الەمنىڭ ەڭ ۇزدىك 200 جوعارى وقۋ ورىندارىنىڭ قاتارىنا ەنىپ وتىر. قازاقستاندىق ۋنيۆەرسيتەت QS جاھاندىق رەيتينگىسىندە 165-ورىنعا كوتەرىلدى. قازۇۋ الەمدىڭك عىلىم مەن ءبىلىم ايدىنىندا ەركىن جۇزەتىن كوشباسشى ۋنيۆەرسيتەت ەكەنىن دالەلدەدى. ءال-فارابي اتىنداعى قازۇۋ-قازاقستان جوعارى وقۋ ورىندارىنىڭ باس رەيتينگىسىنىڭ كوشباسشىسى، ەل تاريحىندا تۇڭعىش رەت "ساپا سالاسىنداعى جەتىستىكتەرى ءۇشىن" قازاقستان رەسپۋبليكاسى پرەزيدەنتى سىيلىعىنىڭ لاۋرەاتى، ءونىم جانە قىزمەت كورسەتۋ ساپاسى سالاسىنداعى جەتىستىكتەرى ءۇشىن تاۋەلسىز مەملەكەتتەر دوستاستىعى سىيلىعىنىڭ ديپلومانتى. بۇل ۋنيۆەرسيتەت حالىقارالىق ۋنيۆەرسيتەتتەر قاۋىمداستىعىنىڭ مۇشەسى جانە ەۋرازيالىق ۋنيۆەرسيتەتتەر قاۋىمداستىعىنىڭ تەڭ قۇرىلتايشىسى بولا وتىرىپ، قازاقستان مەن ورتالىق ازيا ەلدەرىنىڭ جوعارى وقۋ ورىندارى اراسىندا ءبىرىنشى بولىپ قول قويدى. بولونيا ۋنيۆەرسيتەتتەرىنىڭ ۇلى حارتياسىنا، يسو 9000:2000 حالىقارالىق ستاندارتتار تالاپتارىنا ساپا مەنەدجمەنتى جۇيەسىنىڭ (سمج) سايكەستىگىنە حالىقارالىق سەرتيفيكاتتاۋدان ءساتتى ءوتتى جانە IQNET حالىقارالىق سەرتيفيكاتتاۋ جۇيەسى – ءىرى الەمدىك سەرتيفيكاتتاۋ ورتالىقتارىنىڭ كۋالىكتەرىن الدى. ۋنيۆەرسيتەت جوعارى بىلىكتى مامانداردى دايارلاۋعا، الەمدىك ءبىلىم بەرۋ كەڭىستىگىنە ودان ءارى ىقپالداسۋعا، ىرگەلى جانە قولدانبالى زەرتتەۋلەردى دامىتۋعا، ولاردى وندىرىسكە ەنگىزۋگە باعىتتالعان وراسان زور ءبىلىم بەرۋ، عىلىمي، رۋحاني-تاربيەلىك، يننوۆاسيالىق جانە وندىرىستىك الەۋەتكە يە

ءال-فارابي اتىنداعى قازاق ۇلتتىق ۋنيۆەرسيتەتى-بۇل باي ءداستۇرى، كوپ جىلدىق وقۋ جانە عىلىمي جۇمىس تاجىريبەسى بار جوعارى وقۋ ورنى. ءال-فارابي اتىنداعى قازاق ۇلتتىق ۋنيۆەرسيتەتى – مەملەكەتتىك اتتەستاتتاۋدان ءبىرىنشى بولىپ وتكەن جانە بارلىق ماماندىقتار مەن دەڭگەيلەر بويىنشا ءبىلىم بەرۋ قىزمەتىن جۇزەگە اسىرۋ قۇقىعىن راستاعان قازاقستان رەسپۋبليكاسىنىڭ جوعارى ءبىلىم بەرۋ جۇيەسىنىڭ جەتەكشى مەكەمەسى. قازۇۋ مەنىڭ بالا كۇنگى ارمانىم. الاتاۋدىڭ باۋرايىندا كەرمەتتەي عيمارتتارىمەن كوز تارتاتىن مەكەنگە ءاردايىم وقىسامعوي، سول قاسيەتتى مەكەندە ۇلكەن ومىرگە اياق باسسام عوي دەپ ارمانداۋشى ەدىم. شۇكىر، ارماندار ورىندالادى.

2016-جىلى قازۇۋ-دىڭ مەحانيكا-ماتەماتيكا فاكۋلتەتىنىڭ اۆتوماتتاندىرۋ جانە باسقارۋ دەپ اتالاتىن جاڭا عانا اشىلعان، جاس ماماندىعىنا بالمۇزداق بولىپ ءتۇستىم. سول ۋاقىتتار اقپاراتتىق تەحنولوگيالىق باعىتتاعى ماماندىقتار ماتەماتيكالىق ماماندىقتاردان جەكە ءبولىنىپ جاتقان تۇسى بولاتىن. كوپ ۇزاماي-اق 2017 جىلى جەكە دارا اقپاراتتىق تەحنولوگيالىق فاكۋلتەتى بولىپ ىرگەتاسى قالاندى. «سيفرلىك قازاقستان –جاڭعىرۋعا باستايتىن جول» دەپ ەلباسى ن.ءا.نازاربايەۆ ايتپاقشى، تەحنولوگيالار قارىشتاپ دامىپ جاتقان ۋاقىتتا، قازۇۋ-دا وسى ۇدەرىسكە ءوز ۇلەسىن قوسۋدى ءجون كوردى. فاكۋلتەتىمىزدە ءبىلىم الۋشى تۇلەكتەرگە بارلىق جاعداي جاسالعان. كومپيۋتەرلىك كابينەتتەر، لابوراتوريالار مەن وسى باعىتتا ءوز ءىسىمدى اشامىن دەگەن جاس ماماندارعا بيزنەس ورتالىعىدا ءوز قىزمەتىن ۇسىنادى. زامانعا ساي سوڭعى تەحنولوگيالارمەن جابدىقتالعان جەردە وقۋ دا، سونىمەن قاتار تاجىريبەڭدى ارتتىرۋ دا ەرەكشە سەزىم سىيلايدى.

ۋنيۆەرسيتەت بىرلەسكەن حالىقارالىق وقۋ باعدارلامالارىن ىسكە اسىرۋ، ستۋدەنتتەردىڭ تاجىريبە الماسۋى جانە تاعىلىمدامالار وتكىزۋ بويىنشا الەمنىڭ 418 ءىرى حالىقارالىق جوعارى وقۋ ورىندارىمەن ىنتىماقتاستىق جاسايدى. جىل سايىن شەتەلدىك وقۋ ورىندارىندا وقيمىن نەمەسە تاجىريبە الماسامىن دەپ نيەت بىلدىرگەن تالاپكەرلەر قازۇۋ كەرەمەتتەي مۇمكىندىكتەر ۇسىنادى. جانە قازاقستاننىڭ بەلدى ۋنيۆەرسيتەتتەرىمەن دە تىعىز بايلانىس جاساپ، ەلىمىزدىڭ ءبىلىم-عىلىم دەڭگەيىن كوتەرۋگە كۇش سالۋدا.

ءال-فارابي اتىنداعى قازاق ۇلتتىق ۋنيۆەرسيتەتى ءالى دە الار اسۋى بيىك، جەتەر جەتىستىگى وراسان ۋنيۆەرسيتەت. جىل سايىن ەلىمىزدىڭ مۇددەسى ءۇشىن جۇمىس جاسايتىن مامانداردى شىعارىپ وتىرعان اسىل وردا.

اۆتور: ا.ج.جانابەكوۆا، قازۇۋ-دىڭ اقپاراتتىق تەحنولوگيالار فاكۋلتەتىنىڭ جاساندى ينتەللەكت جانە Big DATA كافەدراسىنىڭ 1-كۋرس ماگيسترانتى. جەتەكشى: اعا وقىتۋشى ۋرازگالييەۆا سۆەتلانا امانجولوۆنا.

---