ايقاپ» جۋرنالىنىڭ شىعارۋشىسى جانە ونىڭ رەداكتورى تانىمال جازۋشى، بەلگىلى جۋرناليست مۇحامەدجان سەرالين
زەرتتەۋشى-عالىمدار م. سەراليندى قازاق جۋرناليستيكاسىنىڭ نەگىزىن سالۋشىلاردىڭ ءبىرى دەپ ەسەپتەيدى. وعان دالەل م. سەراليننىڭ قازاق حالقىنىڭ اۋىز ادەبيەتىن زەرتتەي وتىرىپ، ءوزىنىڭ دە ولەڭدەر جازا باستاۋىندا. ورىس، پارسى، تاتار تىلدەرىن جەتىك مەڭگەرە وتىرىپ، «توپجارعان» جانە «گۇلھاشيما» پوەمالارىن جازىپ، كوپشىلىككە تانىمال بولادى. «ايقاپ» جۋرنا- لىندا م. سەرالين الدىمەن قولعا العان، كوپ جازعان نەگىزگى، ماڭىزدى تاقىرىپ — جەر ماسەلەسى، وتىرىقشى بولۋ، ەگىن كاسىبىمەن اينالاسۋ، قالا سالۋ ماسەلەلەرى بولدى. بۇل ماسەلەلەر جونىندە م. سەرالين ءوزىنىڭ «جەر ماسەلەسى»، «ەسكى جىر»، «قازاق حالقىنىڭ مۇقتاجدىعى» دەگەن ماقالالارىن جازىپ، ونى «ايقاپ» جۋرنالىنىڭ بەتتەرىندە جاريالايدى. مۇحامەدجان سەرالين تەك جۋرنال شىعارىپ قانا قويماي، ەل اراسىنداعى اعارتۋ ماسەلەسىنە دە كوڭىل بولەدى. جۋرنال جابىلىپ قالعاننان كەيىن ول 1919–1920 جج. «ۇشقىن» گازەتىندە دە قىزمەت اتقارادى.
1913 ج. شىققان «قازاق» گازەتى ەل اراسىنا رەسمي تۇردە ۇلتتىق يدەيانى ناسيحاتتاۋدا ۇلكەن قىزمەت اتقاردى. قازاق تاريحىنداعى ەڭ العاشقى ءىرى قوعامدىق ۇيىم — ۇلتتىق-دەموكراتيالىق «الاش» پارتياسىنىڭ ۇيىمداسۋىنا ۇيىتقى بولعان دا وسى «قازاق» گازەتى. گازەتتىڭ № 1 سانىندا «اتالى جۇرتىمىزدىڭ، اۋداندى ۇلتىمىزدىڭ ارۋاقتى اتى دەپ، گازەتىمىزدىڭ ەسىمىن «قازاق» قويدىق. ۇلت ءۇشىن دەگەن ءىستىڭ ۇلعايۋىنا كۇشىن قوسىپ، كومەكتەسىپ، قىزمەت ەتۋ قازاق بالاسىنا مىندەت. حالىققا قىزمەت ەتەمىن دەسەڭدەر، ازاماتتار، تۋرا جولدىڭ ءبىرى وسى. جول ۇزاق، عۇمىر قىسقا، قولدان كەلگەنىن عۇمىر جەتكەنىنشە ىستەپ كەتەلىك...»، — دەپ ءوز وقىرماندارىنا وي تاستاۋىندا ۇلكەن فيلوسوفيالىق ءمان بار.
You Might Also Like
-
بۇل كۇنگە جەتۋىمىزدىڭ ءوزى ۇلكەن تاريح. قانشاما قايعى-قاسىرەت، تاعدىر-تاۋقىمەتتى باستان كەشكەن حالقىمىز جاڭا زاماندى ەڭسەرىپ، جەتىستىكتەردى باعىندىرۋ ۇستىندە.
-
فيلوسوفيا جانە ساياساتتانۋ فاكۋلتەتىنىڭ پروفەسسورى، دوسەنت جاناتايەۆ دانات جاناتاي ۇلى قاراساي ءنۇربيبى ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيسترانتى
