الاش جۇرتى مويىنداعان الىپ تۇلعا
مۋزىكا – جۇرەك ءتىلى، ول – سەزىمدەر مەن كوڭىل-كۇي الەمى. ول دىبىستار ارقىلى بەينەلەنگەن جان سارايى.
ا.ن.سەروۆ
مۋزىكا جان تىنىشتىعىن ورناتىپ،ادامدى ءلاززات سەزىمگە بولەندىرەدى. ول جان-دۇنيەمىزدى وزگە ءبىر الەمگە جەتەلەپ، سەزىم پەرنەلەرىن ءدال باسادى. اسەم اۋەن وي-قيالىمىزعا قانات ءبىتىرىپ، كوڭىل سارايىنا نۇرىن توگەدى.ولمەيتىن ونەرىمەن تانىمال بولعان،ءىزىن قالدىرعان الىپ تۇلعا، بەلگىلى ءانشى، اكتەر، كومپوزيتور تۇرسىنعازى راحيموۆ 1951 جىلى 15 قازاندا سەمەي وبلىسى اياگوز اۋدانى مالتىكول اۋىلىندا دۇنيەگە كەلدى. الماتى قالاسىنىن رەسپۋبليكالىق ەسترادا ستۋدياسىنىڭ جۇسىپبەك ەلەبەكوۆتىڭ كلاسىن بىتىرگەن. انگە عاشىق جۇرەگىمەن ءبىزدى عاشىق قىلدىرعان-تۇرسىنعازى اعا.
ءار ءاننىڭ ءوز تاعدىرى، ءوز داۋىسىنىڭ بوياۋى، جۇرەك ءلۇپىلى بولادى. ءيىسى قازاق جۇرتىنىڭ قان تامىرىنداي بۇلكىلدەگەن سول ءبىر نۇرلى ايشىقتىڭ ىشىندە سازگەردىڭ دە ءوز ءۇنى بار. ونىڭ اندەرىنىڭ جول تابۋىنا سەبەپكەر بولعان ادام – مۇقاعالي ماقاتايەۆ.الىپ تۇلعا 50-گە جۋىق ءاننىڭ اۆتورى. اندەرىنىڭ كوبى اقيىق اقىن مۇقاعالي ماقاتايەۆتىڭ سوزدەرىندە جازىلعان. ءبىرقاتار ولەڭدەرى انگە قوسىلدى، سونىڭ ىشىندە «داريعا، دومبىرامدى بەرشى ماعان»، «وتىزدان اسىپ بارامىن»، «مەن سەنى ساعىنعاندا»، «ساناۋلى كۇن، ساناۋلى اي، ساناۋلى جىل». سونداي-اق ايگىلى اقىندار ءقادىر-مىرزا-الي، فاريزا وڭعارسىنوۆا، سونىمەن قاتار جەرگىلىكتى اقىندار ت. ابدىحاكيموۆ، ا. ساپىشيەۆ، ا. يبرايەۆ ولەڭدەرىنە جازعان اندەرى ايگىلى بولدى. 1994 جىلى «ءسابي بولعىم كەلەدى» اتتى اندەر جيناعى شىقتى. ول قازاقستان ۇلتتىق مادەنيەتىنىڭ وركەندەۋىنە كوپ ۇلەس قوستى. قازاقستاننىڭ ەڭبەك سىڭىرگەن مادەنيەت قىزمەتكەرى، «ساز سەرىلەرى»، كۇلاش بايسەيىتوۆا، ەستاي اتىنداعى اقىندار مەن انشىلەر سايىسىنىڭ ءبىرىنشى سىيلىعىنىڭ لاۋرەاتى. م. ماقاتايەۆ اتىنداعى سىيلىقتىڭ يەگەرى. تۇرسىنعازى راحيموۆ دومبىرامەن ءان سالۋ مەكتەبىنە جەتەكشىلىك ەتتى. "ونەر ولكەسىندە" اتتى سازدى-قوناقجاي كلۋبىنىڭ ءتوراعاسى.
شىعىستىڭ شىنارى،قازاق باردا ءسىزدىڭ ءانىڭىز ولمەيدى!
اسپاندياروۆا گۇلىم ءنۇرلان قىزى، ءال فارابي اتىنداعى قازاق ۇلتتىق ۋنيۆەرسيتەتى فيلولوگيا جانە الەم تىلدەرى فاكۋلتەتىنىڭ 1-كۋرس ستۋدەنتى.
جەتەكشىسى ف.قوزىباقوۆا، ءال-فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا، ەتنولوگيا فاكۋلتەتىنىڭ قازاقستان تاريحى كافەدراسىنىڭ پروفەسسورى
You Might Also Like
-
تاڭەرتەڭ مازاسىز ۇيقىدان ويانعان ول. ءوزىنىڭ توسەكتە جاتىپ قۇبىجىق جاندىككە اينالىپ كەتكەنىن اڭعاردى.
-
كەمەلەر جۇزدىرگەن شاعىلتىپ جەلكەنىن ايعا، تاۋ تولقىن توسىڭدە تەربەلگەن ەركە كۇن قايدا؟ قايدا سول داۋرەنىڭ تاعدىردان كۇش-قۋات سەزگەن، شاعالا كوكتەمنىڭ دۇركىرەپ ۇشتى ما كوزدەن؟
