الەمدە سوڭعى ۋاقىتتارى بولعان عالامدىق وزگەرىستەر: قوعامعا اسەر ەتۋ تۇرلەرى، سەبەپ-سالدارلىق بايلانىستار مەن قاتىناستار
اۋەلى، بۇرىننان بەرگى اۋقىمدى تاقىرىپتاردى قاراستىرا باستايىق. بۇل قالاداعى كولىك ءجۇرىسى مەن زاۋىت-فابريكالار. مۇنىڭ قانداي پايداسى بار؟ كولىككە كەلەتىن بولساق، كولىكپەن ءجۇرۋ الدەقايدا تەز، ءارى ءتيىمدى. زاۋىت-فابريكالاردىڭ دا جۇمىسى از ەمەس. ولار دا كوپتەگەن قولمەن ىستەلىنەتىن جۇمىستى ازايتادى، ءوندىرىس جاعدايىن تيىمدەتىپ، تەزدەتەدى. الايدا، قارا ءتۇتىننىڭ تابيعات پەن ادام دەنساۋلىعىنا ناشار جاعىنان اسەر ەتەتىنى بارلىعىنا ءبالىم. سوعان وراي، بۇگىنگى تاڭدا بۇل ماسەلە كەڭىنەن قاراستىرىلىپ، ەلەكتروكولىكتەر جاساۋ قولعا الىنۋدا. مۇنىڭ ءوزى بولاشاقتا جاقسى سەپتىگىن تيگىزەدى دەگەن ۇمىتتەمىن.
تاعى دا ءبىر ماسەلە، قوقىستىڭ وزەن-كولدەرگە تاستالۋى. ءبىرىنشى كەزەكتە، ەكولوگيامىزدىڭ ناشارلاۋىنا سەبەپشى بولاتىن جاعداي. بۇل ءبىزدىڭ بۇگىنگى تاقىرىپقا ساي ەمەس بولىپ كورىنگەنىمەن، مەنىڭ ەستۋىمشە، كەيبىر كومپانيالار وسىنى ەسكەرە وتىرىپ، ءوز تاۋارلارىن سۋدا ەرىپ كەتەتىندەي ەتىپ جاساۋدا. قالاي قىزىق ەستىلسە دە، بۇل راس. وسىنداي قاراپايىم جاعدايلاردىڭ اۋقىمدى تۇردە نازارعا الىنۋى وتە جاعىمدى. مۇنداي قادام – الداعى پروگرەسس پەن ەۆوليۋسيانىڭ بەلگىسى.
ەندىگى كەزەكتە، ەڭ شۋلى، بۇگىنگى كۇننىڭ وزەكتى ماسەلەسى – بۇل كوروناۆيرۋس اۋرۋى. مەنىڭ ويىمشا، سوڭعى ۋاقىتتا بولىپ جاتقان عالامدىق وزگەرىستەردىڭ باستاماسى وسىنىڭ تەرەڭ توڭىرەگىندە جاتىر. سەبەبى، بۇل جاعداي باس كوتەرگەلى، بۇكىل جەر بەتىنە ۇلكەن سوققى ءتيدى، قوعامنىڭ الاي-دۇلەيى شىقتى. كوپتەگەن بيزنەس-كومپانيالار، زاۋىت-فابريكالار، مۇراجايلار، مەكتەپتەر جانە ت.ب. وزدەرىنىڭ جۇمىسىن توقتاتتى. حالىقتىڭ تەڭ جارتىسى جۇقپالى اۋرۋعا شالدىعىپ قانا قويماي، كوپتەگەنى جۇمىسسىز قالدى. بالالار ءبىلىمدى قاشىقتىقتا العانىمەن، ونىڭ ءوزىنىڭ كوپتەگەن قيىنشىلىقتار مەن تۇسىنىسپەۋشىلىكتى تۋعىزىپ وتىر. سوعان قاراماستان، كەيبىر ادامدار مەن فيرمالار، كومپانيالار وسى جاعدايدى قولدانا وتىرىپ، بيزنەس جاساپ، ميلليونەر اتانۋدا. مىسالعا، قازىرگى قاشىقتىقتا وقىتۋعا بايلانىستى، كوبىسى قولدانا باستاعان «ZOOM» پلاتفورماسىنىڭ باسشىسى ەريك يۋان، وسى جاعداياتقا بايلانىستى ميللياردەر اتاندى.
قورىتىندىلاي كەلە، الەمدەگى دۇنيە ءبىر ورىندا تۇرمايدى، ول ءارقاشان، اركەزدە جاڭا وزگەرىستەرگە تاپ بولىپ وتىرادى دەگىم كەلەدى. “كەزدەيسوقتىقتار كەزدەيسوق ەمەس” دەگەندەي، ءار بولىپ جاتقان وزگەرىستەردىڭ وزىندىك پايداسى مەن زاقىمى دا بولادى. ايتىپ وتكەندەي، قوعامعا ءبىر جاعىنان جاقسى اسەر ەتسە، ەكىنشى جاعىنان كەرىسىنشە اسەر ەتۋى مۇمكىن. سەبەبى، ءومىردىڭ ءمانى – اق پەن قارانىڭ ۇيلەسۋىندە، مۇنسىز ءومىر – ءومىر ەمەس. نە بولسا دا، بولاشاقتا بىرگە كۇش قوسىپ، قيىن جاعدايلاردى تەزدەتىپ جەڭىپ شىعۋعا شىن جۇرەكتەن تىلەكتەسپىن!
You Might Also Like
-
ارداقتاعان اسىل ۇرپاق – زەرگەرلى، ۇستالى، ءماندى جۋرنالدىڭ رەتىندە ءمان تاۋىپ وتىر. اسىلىندا، ءاربىر باسىلىمنىڭ وزىندىك ەرەكشەلىگى، نارلىلىگى، وقىرماننىڭ ىشكى جان دۇنيەسىنىڭ اقتارلى ايقىن كورىنى...
-
قارىم-قاتىناس دەگەنىمىز نە؟ ەڭ الدىمەن وسى سۇراققا جاۋاپ بەرىپ كورەيىك. قارىم-قاتىناس – ادامدار اراسىندا بايلانىس ورناتاتىن كۇردەلى پروسەسس؛ ەكى نەمەسە ودان دا كوپ ادامداردىڭ اراسىنداعى...
