InfoHub Logo

ارداقتاعان اسىل ۇرپاق – زەرگەرلى، ۇستالى، ءماندى جۋرنالدىڭ رەتىندە ءمان تاۋىپ وتىر. اسىلىندا، ءاربىر باسىلىمنىڭ وزىندىك ەرەكشەلىگى، نارلىلىگى، وقىرماننىڭ ىشكى جان دۇنيەسىنىڭ اقتارلى ايقىن كورىنىسىن سۋرەتتەر تاپقىرلىعى بولادى. باعزى قالىپتان «جەردەگى» ەمەس، ودان بيىك، تىلسىم كۇشكە، عارىشقا قول سوزىپ، جارقىراعان «جۇلدىزدىڭ» ۇستاعان تۇعىرى ايقىن، تۋىندىلارى تۇنىق، بولاشاعى جارقىن.

اسىلىندە، باسىلىمنىڭ سىرت – كەلبەتى، اتاۋى، قاپتاۋى ويعا قونىمدى، زامانعا ساي، جەكە ستيلدە جاسالىنعان، ەندىگى، جۋرنالدىڭ ىشكى الەمىنە ءبىر كوز جۇگىرتىپ، تۋىندىلارىنا وزىندىك وي قوسىپ، جان بىتىرسەك، نۇر ۇستىنە نۇر بولار ەدى. جۋرنالدىڭ باس قاپتالىندا كوزىمە ءتۇسىپ، تاقىرىبىمەن باۋراپ العان ، «پوەزيا» ايدارىنان مىنا ءبىر ماقالانى تالداۋدى ءجون كورىپ وتىرمىن: «نەسىپبەك ايت ۇلى: مەن-داعى – ءبىر بەلگىمىن عاسىرداعى»، - دەگەن. ەلدىك پەن ەرلىك جىرشىسى، شىعارمالارىنىڭ التىن وزەگى -  تاۋەلسىزدىك، بىرلىك، بەيبىت ساحناسىندا ورىن العان نەسىپبەك ايت ۇلىنىڭ ولەڭ – جىرلارىنىڭ ءمان – مازمۇنى بەيبىت زاماننىڭ اڭسار مۇڭ اقيقاتى بولعاندىقتان، وزەكتىلىگى عاسىرلار بويى جاندانار. «قاي زامان؟» اتتى ولەڭ جيناعى قالىڭ وقىرمان قاۋىمىنا ۇسىنىلعان ەكەن، ولەڭنىڭ مازمۇنىندا اقىننىڭ جان – ايقايى، زاماننىڭ ەمەس، مەملەكەت باسشىسى مەن قاراماعىنداعى «حالىقتىڭ قازىناسىن» ءىلىپ – اكەتەر «قارماقتاردىڭ» قاۋقالاپ تۇرعاندىعىن اشىنا جازادى، قاپالانعان كورىنىس بەينەسى كوز الدىڭا ەلەستەيدى. «قازاقستان – الىپ بالىق، ءشىرىپ جاتقان باسىنان» ،-دەپ كورسەتكەن جولىنان اقىننىڭ اقيقاتتى تۋ ۇستاپ، تايسالماي شىندىقتى جازعانىن كورىپ، اقىنعا دەگەن قۇرمەتىمىز ەسەلەنە تۇسەدى. «شىندىق -  كوپ، اقيقات – جالقى».

جالپى، جۇلدىز ۇعىمى بىرەن – ساران ايشىقتى، نار تۇلعالى ادامدارعا عانا تەڭەلمەسە، جۇلدىز ءسوزى استە بيىك، قاسيەتتى، كيەلى، جاتىق الەمگە ءتان سيپاتتى بىلدىرەتىندەي اسەر قالدىرادى. سوعان دالەل، تاعىلىمى مول «جۇلدىز» جۋرنالى. ەلىمىزدىڭ ەڭ كونە باس ادەبي باسىلىمى ءوز اتاۋىنا تولىقتاي لايىق، ول الاش جۇرتىنىڭ التىن قازىناعا تولى جازبالارىمەن 2000 جىلدىق تاريحتى باسىنان وتكەرىپ، كۇنى بۇگىندە ۇلتتىڭ ناعىز ءداستۇرلى بەدەرلى سيپات كەلبەتىن، كلاسسيك جازۋشىلاردىڭ قالامىنان جارىق كورگەن مۇرا – جازبالارىن شىعارىپ كەلەدى. باسىلىمنىڭ تۇراقتى اۆتور جازۋشىلارىنا قاراپ – اق، جۋرنالدىڭ سۇسىن، ونىڭ نەگىزگى ماقسات - مۇددەسىن، ايدارلارىنىڭ كەلبەتىن تانۋعا بولادى.

قاراشا حالىقتىڭ قاي كەزدە بولماسىن كوكىرەك كوزىن اشىپ، «ويانۋىنا» تۇرتكى بولعان – گازەت – جۋرنال باسىلىمدارىنىڭ قوعامدا ورنىقتى  ورىن الىپ، زەرتتەلىپ – زەردەلەنۋى، جاڭا اتاۋمەن دۇنيە ەسىگىن اشىپ، قايتا جاندانۋىنىڭ ءمانى دە، شىندىعىنا كەلسەك، تەرەڭدە جاتىر.

جۋرنالدىڭ ەگەۋرىندى تاقىرىپتارىنا قالام تارتىپ جۇرگەن كورنەكتى جازۋشى مۇحتار ءمۇعاۋيننىڭ «ەستەلىكتەر كىتابىن»، عالىم، جازۋشى تۇرسىن جۇرتبايدىڭ «عالىم ساقاباسىن»،  قۋاندىق تۇمەنبايەۆتىڭ «اتۋعا بۇيىرىلعان ادام»، «كەسەل»، «قارالى ميتينگ» جانە قۋانىش جيەنبايەۆتىڭ «قاقپاقىل» اڭگىمەلەرى، عۇسمان جاندىبايەۆتىڭ «شىڭدىق تۋرالى ەرتەگىسى»، ايان نىساناليننىڭ «جالتاقتايمىن جولايىرىقتا اڭىرىپ» اتتى ولەڭدەر جيناعى، سايلاۋ بايبوسىننىڭ «جۇسىپبەك پەن سۇلتانماحمۇت» پوەماسى قالىڭ وقىرمان نازارىنا ۇسىنىلىپ وتىر.

جۋرنالدىڭ "پروزا"، "پوەزيا"، "يسلام تاعىلىمى"، "ادەبي مۇرا"، "زەردە"، "ادەبيەتتانۋ" بولىمدەرىندە قازاق اقىن-جازۋشىلارىنىڭ شىعارماشىلىق جيىنتىعى: ونەر تۋىندىلارى،ءومىردىڭ ونەگەلى كورىنىسى،  قازاق حالقىنىڭ وزىندىك ءتول ونەرى مەن ادەبيەتىنە قاتىستى ماتەريالدار، ءارتۇرلى رۋحاني سارىندارىنداعى جاڭا شىعارمالارى جاريالانىپ تۇرادى. ءبىر عاسىرعا دەيىن قازاق ادەبيەتىنىڭ شەجىرەسىنە اينالعان "جۇلدىز"، ءوز كەزەگىندە رۋحاني مازمۇنىن ساقتاي وتىرىپ، وقىرمانىن باعا جەتپەس اسىل قازىنالى مۇرا - بىلىممەن سۋسىنداتىپ، اڭگىمە - جيناقتارىمەن ءبولىسىپ، وقىرمان قاۋىمعا ونەگەلى جۋرنال ءرولىن اتقارىپ كەلە جاتقاندىعىن تولىقتاي راستاي الامىز.

«جۇلدىز» جۋرنالى سالماقتى، تەگەۋرىندى ماسەلەلەردى قوزعاپ، جاس ۇرپاققا، وقىرمان قاۋىمعا وي تاستاپ، قازاق حالقىنىڭ ۇلتتىق قۇندىلىقتارىن دارىپتەي وتىرۋى، ءماندى – ءداندى ماتەريالدارداردىڭ جارىق كورۋى، وسى سىندى باسىلىمنىڭ قازاق ادەبيەتى سالاسىندا بار بولۋى – رۋحاني كوڭىلدى توق قىلا وتىرا، التىن قوردىڭ قورجىنىنا جايعاسادى.

ويىمدى قورىتىنداي كەلە، جۇلدىز جۋرنالى قوعامدىق ومىرگە، ساياساتقا، مادەنيەت پەن ادەبيەتكە بارىنشا ارالاسىپ، قوعام تاقىرىپتارىن تەگەۋرىندى كوتەرىپ كەلەدى. جۋرنال وزىمەن بىرگە قايتا ۇشقىن «جۇلدىزدارىمەن» قاۋىشتىرعانداي ورتاعا قوسىلدى، تۋراسىندا، ا.بايتۇرسىنوۆ، م. جۇمابايەۆ، ج.ايماۋىتوۆ، م.دۋلاتوۆ سىندى تۇلعالاردىڭ رۋحتى قولداۋىمەن قايتا جاندانىپ، وقىرماندارىن قاسيەتتى قاناتتى سوزدەر جالىنىمەن رۋحاني كۇش بەرىپ وتىر.

سۇلتان باعدات سۇلتان قىزى

جۋرناليستيكا فاكۋلتەتى

1 - كۋرس ستۋدەنتى

---