كاسىبي دەنساۋلىقتى ساقتاۋ
«دەنساۋلىق - زور بايلىق» - دەمەكشى ورىندى ايتىلعان ءسوزدى جادىمىزدا ۇستايمىز. ءاربىر ادامنىڭ دەنساۋلىعى – قوعامنىڭ بايلىعى دەۋگە بولادى. وسى رەتتە حالقىمىز «دەنى ساۋدىڭ جانى ساۋ» - دەگەن ءسوزى دە تەكتەن-تەك ايتىلماعانى سونىڭ دالەلى. دەنىمىز ساۋدا ءبىزدىڭ دە كۇنىمىز جارىق. دەنساۋلىقتان اسقان باقىت تا، بايلىق تا جوق. دەنساۋلىقتى ساقتاۋ تەك تازالىقتى ساقتاۋمەن شەكتەلمەيدى. دەنساۋلىقتى ساقتاۋ ءۇشىن كۇن رەجيمىن ساقتاي وتىرىپ ءتيىمدى تاماقتانۋ، دەنە قوزعالىسى جاساپ سپورتپەن شۇعىلدانۋ، تازا اۋادا ءجيى سەرۋەندەۋ جاتادى.
كاسىبي دەنساۋلىق ۇعىمى قازىرگى ۋاقىتتا ءجيى قولدانىپ ءجۇر دەسە بولادى. كاسىپ يگەرىپ قانا قويماي، سونىمەن قاتار دەنساۋلىق ساقتالۋ قاجەت. دەنساۋلىقتى تەكسەرۋگە قاتىساتىن ءاربىر مامان، ءوز سالاسىنان دەنساۋلىق توبىن انىقتاپ، قورتىندى جازادى. وسى قورتىندىلار بويىنشا دارىگەر پەدياتر دەنساۋلىقتىڭ ەڭ سوڭعى باعاسىن بەرىپ، دەنساۋلىقتىڭ جالپى قاي توپقا جاتاتىنىن انىقتايدى.
ءار ءتۇرلى اۋرۋلاردىڭ پايدا بولۋىنا ادامنىڭ كوڭىل-كۇيى، ياعني ەموسيالىق جاعدايى اسەر ەتەدى. ول جاعىمدى نەمەسە جاعىمسىز جاعداي بولۋى مۇمكىن. مەنىڭ ويىمشا، بۇعان جۇمىستاعى ءارتۇرلى جاعدايلار دا اسەر ەتەدى. سوندىقتان، ادام بارلىق زات پەن جۇمىستى ۋاقىتىلى ىستەپ، گرافيگىنە ساي جىلجۋى كەرەك.فيزيولوگيالىق زەرتتەۋلەرگە سۇيەنسەك، ادامنىڭ كوڭىل-كۇيى ىس-ارەكەت رەاكسياسىن جانە ءوزىن-وزى ىشتەي باسقارا الۋىنا تىكەلەي اسەر ەتەدى. ادام اعزاسىنداعى بيوحيميالىق جانە فيزيولوگيالىق وزگەرىستەردى رەتتەپ وتىرادى. تۇلعانىڭ دەنساۋلىعى - الەۋمەتتىك ورتادا ءوز-وزىن باسقارۋىنا جانە ىس-ارەكەتىن باسقارا الۋىنا بايلانىستى. جان دەنساۋلىعىنىڭ باستى كوزى ول ويىن، ەموسياسىن، ءوزىن-وزى باسقارا الۋىندا دەيدى.
عالىمداردىڭ تۇجىرىمى بويىنشا، پسيحيكالىق اۋىتقۋشىلىقتاردىڭ پايدا بولۋى ومىرلىك جاعدايىنا كوپ كوڭىل بولىنۋىنەن بولادى. ونىڭ قيىندىقتارى فيزيكالىق دەنساۋلىعىنا، پسيحيكالىق اۋىتقۋشىلىعىنا، قارىم-قاتىناستاعى، جانۇيالىق جاعدايلارعا بايلانىستى پايدا بولىپ وتىرادى.
قورىتىندىلاي ايتساق، XXI عاسىر باسەكە زامانى. زياندى زاتتاردى، دەنساۋلىعىمىزعا پايداسى جوق تاعامداردى پايدالانباي، سالاۋاتتى ءومىر سالتىن ۇستانۋعا شاقىرعىم كەلەدى. قورقىت اتامىز «باس امان بولسا بورىك تابىلادى» دەگەن. سوندىقتان، دەنساۋلىقتى ساقتاۋ - ءاربىرىمىزدىڭ قولىمىزدا ەكەنىن ۇمىتپايىق!
You Might Also Like
-
قوعامداعى ءاربىر سالا ءارتۇرلى قىزمەت اتقارادى. ءارقايسىسىنىڭ العا قويعان ماقساتى، مىندەتتەرى، اتقارۋعا ءتيىس شارالارى بار. سول سىندى، جۋرناليستيكا دا سانسىز كوپ قىزمەت تۇرلەرىن ىسكە اسىرادى. جۋرناليست...
-
قازىرگى تاڭدا زامان اعىمى كوز ىلەستىرمەس جىلدامدىقپەن وزگەرىپ، ىلگەرى قاراي جىلجۋدا. كۇن ساناپ جاڭا تەحنولوگيالار، جاڭاشا كوزقاراستار ارتتا قالعان ءتۇرلى قۇندىلىقتاردى الماستىرىپ كەلەدى. ءبىرى بۇل ءوز...
