InfoHub Logo

الەمدەگى ەڭ كونە اۋە تاسىمالداۋشىسى – گوللانديالىق KLM. 1919 جىلى 7 قازاندا قۇرىلعان اتالعان كومپانيا، نەگىزى قالانعاننان بەرى 100 جىلداي ۋاقىت وتسە دە، ءالى كۇنگە دەيىن جۇمىسىن جۇرگىزۋدە. ال الەمدەگى اۋەجايلاردىڭ قايسىسى ەڭ كونە بولىپ سانالادى؟ The Teleqraph باسپاسى مۇنداي اۋەجايلاردىڭ 12ء-سىن ىرىكتەپ كورىپتى، سول ءتىزىمدى نازارلارىڭىزعا ۇسىنامىز.

الەمدەگى ەڭ ەسكى اۋەجاي قاي جەردە ورنالاسقان جانە بۇگىندە كونە اۋە تاسىمالداۋشىلاردىڭ قايسىسى قىزمەت كورسەتۋىن جالعاستىرۋدا؟

اقش، ولباني حالىقارالىق اۋەجايى

قۇرىلعان جىلى: 1928
جولاۋشىلار لەگى: 2،8 ميلليون ادام (2016 جىل)

بۇل اۋەجايدىڭ نەگىزى 1909 جىلى نيۋ-يورك شتاتىنداعى ولباني قالاسىندا قالانعان. وندا امەليا ەرحارت جانە چارلز ليندبەرگ سىندى اۆياسيا پيونەرلەرى جاتتىققان. 1928 جىلى بۇل اۋەجايدى جاڭا ورىنعا كوشىرمەگەندە، ءبىزدىڭ بۇگىنگى ءتىزىمىمىزدىڭ كوشىن باستاپ تۇرار ەدى. قازىرگى تاڭدا اۋەجاي جۇمىسى جالعاسىپ كەلەدى. ونى American Airlines، United، Delta، JetBlue جانە Southwest سياقتى تاسىمالداۋشىلار پايدالانۋدا.

اقش، ميننەاپوليس/سەنت-پول حالىقارالىق اۋەجايى

قۇرىلعان جىلى: 1920
جولاۋشىلار لەگى: 37،5 ميلليون (2016 جىل)

1938 جىلى ميننەاپوليس اۋەجايىنا گوۆارد حيۋز ءوزىنىڭ دۇنيە ءجۇزىن ۇشىپ ءوتۋى كەزىندەگى رەيسىندە توقتاعان.

بۇگىندە اتالعان اۋەجاي 17 اۋەجەلىسىنە قىزمەت كورسەتۋدە جانە Delta Airlines ولاردىڭ ىشىندەگى ەڭ ءىرىسى بولىپ سانالادى. بۇل اۋەجايدىڭ ەڭ تىعىز ىشكى رەيسى – چيكاگوعا دەيىن، ال ەڭ ۇلكەن حالىقارالىق رەيس – امستەردامعا دەيىنگى رەيس.

اۋستراليا، كينگسفورد سميت اتىنداعى سيدنەي حالىقارالىق اۋەجايى

قۇرىلعان جىلى: 1920

جولاۋشىلار لەگى: 41،9 ميلليون ادام (2016 جىل)

سيدنەي اۋەجايى 1920 جىلى قۇرىلعان. ال ونداعى تۇراقتى ۇشۋلار 1924 جىلى باستالدى. سودان بەرى ول قالاداعى باستى اۋەجاي بولىپ قالعان، سونىمەن بىرگە 1920 جىلى نەگىزى قالانعان Qantas اۋەكومپانياسىنىڭ شتابى بولىپ سانالادى. چارلز كينگسفورد سميت - 1935 جىلى ميانمادا اپاتقا ۇشىراعان، العاشقى اۋستراليالىق اۆياتورلاردىڭ ءبىرى.

سۋرەتتە - «ميسس اۋستراليا» كونكۋرسىنا قاتىسۋشىلاردىڭ ماسكوت (سيدنەيلىك اۋەجاي بۇرىن وسىلاي اتالعان) اۋەجايىنا قونعان ءساتى.

فرانسيا، پاريج-لە-بۋرجە

قۇرىلعان جىلى: 1919
جولاۋشىلار لەگى: جوق؛ اۋەجاي اتتاس اۆياسالوننىڭ الاڭى رەتىندە قولدانىلادى.

1932 جىلى ورلي اۋەجايى اشىلعانعا دەيىن، لە-بۋرجە ءپاريجدىڭ جالعىز اۋەتورابى بولدى. 1940 جىلدىڭ ماۋسىمىندا ادولف گيتلەر ءوزىنىڭ پاريجگە جاساعان ەكسكۋرسياسىن ءدال وسى اۋەجايدان باستاعان. اتالعان اۋەجايدىڭ حالىقارالىق رەيستەرى 1977 جىلى توقتاتىلسا، 1980 جىلى ىشكى رەيستەرى جابىلدى. دەگەنمەن، مۇندا ءاربىر ەكى جىل سايىن اۆياسيالىق جانە عارىشتىق اپپاراتتارعا ارنالعان اتتاس بەدەلدى كورمە وتەدى.

نيدەرلاندى، سحيپحول اۋەجايى

قۇرىلعان جىلى: 1916
جولاۋشىلار لەگى: 63،6 ميلليون ادام (2016 جىل)

كونە اۋەجايلاردىڭ ىشىندەگى ەڭ تىعىزى وسى – 1916 جىلى اسكەري بازا رەتىندە اشىلعان امستەردامدىق ستيپحول اۋەجايى. ازاماتتىق ۇشۋلار 1920 جىلى باستالدى. مۇندا التى ۇشۋ-قونۋ جولاعى (ءدال مۇنداي تىعىزدىقتاعى لوندوندىق حيتروۋ اۋەجايىنىڭ جولاعى - ەكەۋ عانا) بار. ستيپحول ءوزىنىڭ وسى كولەمىنە بايلانىستى نيدەرلاندىداعى ەڭ ءىرى الماسۋ تورابى جانە الەمدەگى ەڭ ماڭىزدى اۋەجايلاردىڭ ءبىرى بولدى.

يتاليا، ريم-چامپينو اۋەجايى

قۇرىلعان جىلى: 1916
جولاۋشىلار لەگى: 5،8 ميلليون ادام (2015 جىل)

ريم-چامپينو اۋەجايى 1916 جىلى اشىلعان. 1960 جىلى لەوناردو دا ۆينچي اتىنداعى ريم-فيۋميچينو حالىقارالىق اۋەجايى پايدا بولعاننان كەيىن چامپينو بىرنەشە ونجىلدىقتار بويى توقىراۋعا ۇشىرادى. ءبىراق، كەيىنىرەك وعان لوۋكوستەرلەر نازار اۋدارا باستادى. بۇگىندە چامپينو كوبىندە Ryanair كومپانياسىنا قىزمەت كورسەتۋدە، سونىمەن بىرگە  Wizz Airء-دىڭ بىرنەشە رەيسىنە جۇمىس جاساۋدا.

تايلاند، بانگكوك، دونمىانگ اۋەجايى

قۇرىلعان جىلى: 1914
جولاۋشىلار لەگى: 35،2 ميلليون ادام (2016 جىل)

ۆەتنامداعى سوعىس كەزىندە اقش اسكەرلەرى ءدال وسى اۋەجايدى كوماندالىق شتاب رەتىندە قولدانعان. ال بۇگىندە ول Air Asia، تايلىق Nok Air لوۋكوستەرى جانە اۋستراليالىق Scoot-قا قىزمەت كورسەتۋدە. 2011 جىلى سۋ تاسقىنىنا بايلانىستى بىرنەشە ايعا جابىلعان بۇل اۋەجاي قازىرگى تاڭدا جۇمىسىن جالعاستىرۋدا.

گەرمانيا، برەمەن حالىقارالىق اۋەجايى

قۇرىلعان جىلى: 1913
جولاۋشىلار لەگى: 2،6 ميلليون ادام (2016 جىل)

برەمەن اۋەجايىنىڭ العاشقى كليەنتتەرىنىڭ ءبىرى، جوعارىدا اتالعان دۇنيە ءجۇزى بويىنشا ەڭ كونە اۋە تاسىمالداۋشى - گوللانديالىق KLM بولدى. 1945 جىلدان 1949 جىلعا دەيىن بۇل اۋەجاي امەريكالىق بازا رەتىندە پايدالانىلدى. بۇگىندە برەمەنگە Ryanair ۇشۋدا.

رۋمىنيا، اۋرەل ۆلايكۋ اتىنداعى بۋحارەست بەنياسا حالىقارالىق اۋەجايى

قۇرىلعان جىلى: 1912
جولاۋشىلار لەگى: 12 925 ادام (2015 جىل)

TAROM اۋە كومپانياسىنىڭ كوممۋنيستىك كەزەڭدەگى شتابى (سۋرەتتە - نيكيتا حرۋششيەۆ پەن نيكولاە چاۋشەسكۋ)، اۋرەل ۆلايكۋ اۋەجايى ەندى تەك چارتەرلىك رەيستەر مەن جەكە ۇشاقتار ءۇشىن پايدالانىلادى.

ۇلىبريتانيا، شورحەم اۋەجايى

قۇرىلعان جىلى: 1911
جولاۋشىلار لەگى: 452 ادام (2014 جىل)

ساسسەكستەگى شورحەم – بۇل بريتانياداعى ۇنەمى جۇمىس ىستەيتىن ەڭ كونە اۋەجاي. قازىرگى تاڭدا ول تەك قانا جەڭىل ۇشاقتارعا پايدالانىلۋدا. اتالعان اۋەجايدىڭ ءبىر بولىگى 1909 جىلى اۋە كەمەلەرىنىڭ ۇشىپ-قونۋى ءۇشىن قولدانىلسا، كەيىننەن ونى يپپودروم رەتىندە پايدالاندى، ودان كەيىن – اسكەري اۋرۋحانا بولدى. مۇندا تۇراقتى ۇشۋلار تەك 1930 جىلدارى عانا قايتا جاڭعىرتىلدى.

گەرمانيا، گامبۋرگ اۋەجايى

قۇرىلعان جىلى: 1911
جولاۋشىلار لەگى: 16،2 ميلليون ادام (2016 جىل)

گامبۋرگ اۋەجايىنىڭ نەگىزى 1911 جىلى قالاندى. ول 1948 جىلى باتىس بەرليندى قورشاۋ كەزىندە جۇك تاسىمالداۋ پۋنكتى رەتىندە پايدالانىلعان. سۋرەتتە – 1960 جىلعى مارلەن ديتريحتىڭ كەزدەسۋى.

الەمدەگى ەڭ كونە اۋەجاي – ول ...

اقش، مەريلەند، كوللەدج-پارك اۋەجايى

قۇرىلعان جىلى: 1909
جولاۋشىلار لەگى: جوق (تەك كوممەرسيالىق ەمەس ازاماتتىق اۆياسيا ءۇشىن)

بۇل اۋەجاي تۋرالى تەك ناعىز اۆياسيا جانكۇيەرلەرى عانا ەستىگەن بولار. مۇندا اعايىندى رايتتاردىڭ ەڭ العاشقى ۇشاقتارىنىڭ ءبىرى - Type A بيپلان سىنالدى. 1909 جىلدىڭ قازان ايىندا اتالعان ۇشاق اقش اسكەرى تاراپىنان ساتىپ الىندى.

---