قىز بەن ۇلدى نەگە جىلاۋىق ەتىپ تاربيەلەۋدەمىز؟
5-7 سىنىپ وقۋشىلارىنىڭ پسيحولوگياسى جاس جەتكىنشەك كەزەڭدى قامتيدى. ءبىراق ءوز ۇستانىمىن قاتاڭ ايتاتىن، ءبىراق سابىرسىز بالالاردىڭ بولاشاعى شىنىندا دا الاڭداتادى. قىز بالانىڭ ۇل بالاعا قاراعاندا ەرتە جەتىلەتىنىن ەسكەرسەك، ءوز وتباسىنداعى ارەكەتتەرى تىم بەلسەندى. ال سىنىپتا تىم ۇيالشاق، ءبىراق ءوز تالاپتارىن ورىنداتقىزا الاتىن قىرسىق مىنەزدەرى دە بايقالادى. كەيبىر جەتكىنشەكتەر اتا-اناسىنىڭ سوزدەرىنەن اسىپ كەتە المايدى. وزىندىك پىكىرى قالىپتاسپاعان ۇل بالالاردىڭ پىكىر بىلدىرۋدە جاسقاناتىنىن، ەكىۇشتى پىكىردەن اسپاي، ءبىر توقتامعا كەلە الماي دال بولاتىنى دا بايقالادى. ادەتتە ولار ءوز ايتقانى ورىندالماعان كەزدە، بىردەن اشۋلانىپ، جىلاپ-سىقتاپ، "ونەر" كورسەتە سالادى.
سونىمەن، "جىلاڭقى" ءالسىز بالالار قالاي پايدا بولدى؟ جانە ولاردىڭ وسىلاي قالىپتاسۋىنا كىم كىنالى؟ بىرىنشىدەن، ءوز تالاپتارىن قاتاڭ ورناتقىسى كەلەتىن اتا-انالار كىنالى دەپ ەسەپتەيمىن. بالا مەكتەپكە بارعان شاقتان اتا-اناسى ونىڭ بولاشاقتاعى ماماندىعى، كيەتىن كيىمى، سويلەيتىن ءسوزى مەن بارىپ-كەلەتىن ۋاقىتىنا شەيىن تىزبەكتەپ وتىرادى. ياعني ول بالادا جەكە تۇلعا رەتىندەگى ىشتەگى ەگويزمدى ءوز تۋىستارى "ءولتىرىپ" تاستاعان. ىشتەن ەندى ويانىپ كەلە جاتقان دارا ويى مەن ۇستانىمى وسىلاي تۇنشىعىپ قالادى دا، ىنجىق، جىلاڭقى بالالار قالىپتاسا باستايدى. اتا-اناسىنا قايتارا الماعان رەنىشى مەن ىزاسىن وزگە ادامداردان: سىنىپتاسى، دوسى، ۇستازى، تاربيەشىسى سياقتى ادامداردان الۋعا كىرىسەدى. بۇل اششى شىندىق بولىپ تۇر. بۇل رەتتە اتا-انانىڭ ءوز بالاسىنا دەگەن قاتاڭ تالاپتارىن ورنىمەن قولدانعانى دۇرىس. ۇنەمى بالانى باقىلاۋدا ۇستاۋ، ءوز ءسوزىنىڭ شەڭبەرىنەن شىعارماۋ-بالانىڭ پسيحولوگياسىنا اسەر ەتۋدە. مەكتەپتەگى ساباق بارىسىنداعى جاعدايلاردى دا تىزبەكتەپ سۇرايتىندارى بار. بالانىڭ كوزىنشە "قويشى، سول اپايىڭدى، تۇك تە بىلمەيدى" جاتا قالىپ سوگىپ جاماندايدى. بالانىڭ بويىنداعى ۇستازعا، سىنىپتاستارىنا دەگەن قۇرمەتتى وزدەرى قولدان وشىرەدى. سوندىقتان دا الدىمىزداعى وتىرعان بالانىڭ ۇلكەننىڭ سوزىنە قۇلاي اسپايتىنى. باسىنان ءسوز اسىرمايتىن، ءوز كەمشىلىگىن سارالاي بىلمەيتىن زارجاق، مىلجىڭ، جۇيكە جۇيەسى ءالسىز بالالار قالىپتاسۋدا. ويلانايىقشى وسى تۋراسىندا....
You Might Also Like
-
ەركە قىز وتە اقىلدى، ەلگەزەك قىز. ارينە، كەيدە ەركەلەپ، بولماشى نارسەگە بۇرتيىپ وكپەلەپ قالادى. ءبىراق ونىسى ۇزاققا سوزىلمايدى. كۇنى بويى وكپەلەپ جۇرگەننىڭ نەسى جاقسى؟ ەشكىممەن ويناي دا المايسىڭ. ون...
-
"ءتورت تۇلىكتىڭ پايداسى" ءبىز بۇگىنگى قازاق ءتىلى پانىنەن وتكەن اشىق ساباقتا كوپ نارسەنى تۇسىندىك. ساباق باسىنان باستاپ قىزىققا تولى بولىپ ءوتتى. ساباقتىڭ باسىن ءبىز "كوڭىل-كۇي" ترەن...
