العاشقى روبوتتىڭ مارسقا قونۋ ءساتىنىڭ ۆيدەوسى جاريالاندى
امەريكانىڭ اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى (ناسا) مارسوحودتىڭ قىزىل عالامشار بەتىنە قونعان اسەرلى ۆيدەوسىن جاريالادى.
Perseverance (پەرسيەۆەرانس) روۆەرى تروسس ارقىلى ەكى مەتر بيىكتىكتەن عارىش پلاتفورماسىن تۇسىرگەن، وعان ۆيدەو جانە فوتو قۇرىلعىلار ىلىنگەن: قونۋ ءساتىن ءتۇسىرۋ ءۇشىن 7 كامەرا ورناتىلعان.
روۆەر قونا سالىسىمەن جەرگە مارستىڭ بەتىنەن سۋرەتتەر مەن باسقا دا مالىمەتتەردى جىبەرە باستاعان بولاتىن.
Perseverance روۆەرى دجەزەرو كراتەرىندەگى ەجەلگى وزەننىڭ ارناسىنان ەكى شاقىرىم بىرنەشە كۇن بۇرىن قونسا دا، «اۋىر» بەينەفايلدار ەندى عانا الىنۋدا. روبوتتىڭ قونۋ ءساتىن ۆيدەو ارقىلى باقىلاۋ – ميسسياعا جاۋاپ بەرەتىن ينجەنەرلەر ءۇشىن سۋرەتتى كورىپ قانا قويماي، بولاشاقتا باسقا دا روۆەرلەردىڭ قونۋ تەحنولوگياسىن جاقسارتۋ ءۇشىن ماڭىزدى.
ۆيدەونى ۆۆس سايتىنان كورۋگە بولادى.
ەسكە سالا كەتسەك، بەيسەنبى كۇنى كەشكە NASA عارىش اگەنتتىگى مارسقا جاڭا Perseverance (پەرسيەۆەرانس) روۆەرىن قوندىردى.
روۆەردىڭ قىزىل عالامشارداعى باستى مىندەتى – تىرشىلىك بەلگىسىن ىزدەۋ.
You Might Also Like
-
قالامگەردىڭ العاشقى اڭگىمەلەرى جەتپىسىنشى جىلداردىڭ العاشقى شاعىندا دۇنيەگە كەلگەن. «شىلدە» دەگەن اتاۋعا يە بولعان بۇل اڭگىمەلەر جيناعى مارحابات اعامىزدى زاڭعار جازۋشى رەتىندە ءدۇيىم جۇر...
-
نە ءۇشىن جەر اۋدارىلعانىمدى ايتىپ-ايتپاي نە كەرەك، ايتەۋىر، ءبىر زاماندا ءبىز، ياعني: مەن جانە ەكى جاندارى ۇشەۋىمىز، پوليسيا ۋچاستوگىنە يتشىلەپ جەتتىك-اۋ. جەتكەنىمىزدى قايتەيىك:
