«التىن بەلگى» يەگەرلەرىن پەداگوگيكالىق جوو-لارعا ەمتيحانسىز قابىلداۋ ۇسىنىلدى
«التىن بەلگى» يەگەرلەرىن پەداگوگيكالىق جوعارعى وقۋ ورىندارىنا ەمتيحانسىز قابىلداۋ ۇسىنىلىپ وتىر. بۇل تۋرالى قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى ءتوراعاسىنىڭ ورىنباسارى ايگۇل مۇقاشيەۆا استانادا «پەداگوگتار مارتەبەسى تۋرالى» زاڭ جوباسىن تالقىلاۋ جيىنىندا ايتىپ بەردى.
«وزدەرىڭىز بىلەتىندەي، زاڭنىڭ ەكى جوباسى اشىق پورتالداردا جاريالانعان بولاتىن. ءبىرىنشى جوبادا ءبىزدىڭ پەداگوگتارعا ارنالعان ايتارلىقتاي جاقسى الەۋمەتتىك پاكەت قاراستىرىلعان. مەملەكەتتىك ورگاندارمەن كەلىسىلگەن ەكىنشى جوبادا ءبىزدىڭ مۇعالىمدەرگە قاراستىرىلعان كوپتەگەن الەۋمەتتىك كەپىلدىكتەر - ماقۇلدانباي، زاڭ جوباسىنان الىنىپ قالدى»، - دەيدى ايگۇل مۇقاشيەۆا.
ونىڭ ايتۋىنشا، تالقىلاۋ بارىسىندا مۇعالىمدەر تاراپىنان ءبىرقاتار ۇسىنىستار تۇسكەن. اتاپ ايتقاندا، مەكتەپ ۇستازدارى قىزمەت ەتكەن بەلگىلى ءبىر ۋاقىتتان كەيىن زەينەتكە شىعۋ، دەنساۋلىقتى جاقسارتۋعا، ەمدەلۋگە ارنالعان جاردەماقىلاردى ەكى لاۋازىمدىق ايلىققا دەيىن ارتتىرۋ، تۇرعىن ءۇي باعدارلامالارىنا قاتىسۋ كەزىندەگى جەڭىلدىكتەر، عىلىمي اتاق ءۇشىن قوسىلاتىن اقى جانە تاعى سول سەكىلدى كەپىلدىكتەر ەنگىزۋ تۋرالى ۇسىنىستار تۇسكەن.
«ءمۇعالىم ماماندىعىنا جاستاردى كوپتەپ تارتۋ ءۇشىن پەداگوگيكالىق جوعارعى وقۋ ورىندارىنا «التىن بەلگىمەن» بىتىرگەن مەكتەپ وقۋشىلارىن باستاپقى ەمتيحانسىز وقۋعا قابىلداي الاتىنداي جەڭىلدىك جاساۋ كەرەك. سونىمەن بىرگە، ءبىز پەداگوگيكالىق ماماندىقتارعا وقىپ جاتقان ستۋدەنتتەرگە كۇنكورىس مينيمۋمى مولشەرىندە شاكىرتاقى بەكىتۋدى ۇسىنعان ەدىك. الايدا وكىنىشكە قاراي، سوڭعى زاڭ جوباسىندا بۇل نورمالار الىنىپ تاستالدى. بىزگە پەداگوگتاردان وتە كوپ قوڭىراۋلار مەن حاتتار ءتۇسىپ جاتىر. مىنە، وسى ۇسىنىستاردى تالقىلاۋ ءۇشىن بۇگىن دوڭگەلەك ۇستەلگە جينالىپ وتىرمىز»، - دەيدى ايگۇل مۇقاشيەۆا.
ايتا كەتسەك، قازاقستاندىق ءبىلىم جانە عىلىم قىزمەتكەرلەرى كاسىپوداعىنىڭ ۇيىمداستىرۋىمەن استانادا ءوتىپ جاتقان دوڭگەلەك ۇستەل جۇمىسىنا ق ر بعم وكىلدەرى، پارلامەنت دەپۋتاتتارى، جوو رەكتورلارى، عالىمدار مەن مۇعالىمدەر قاتىسۋدا.
You Might Also Like
-
ەكى ا مەن ۆ سانىن ك-عا بولگەندە بىردەي قالدىق شىعاتىن بولسا، تەك سوندا عانا ا مەن ۆ ساندارى ك مودۋلى بويىنشا سالىستىرىمدى بولادى، جانە ونى بىلاي جازامىز: ؟؟؟؟≡؟؟؟؟(؟؟؟؟؟؟؟؟؟؟؟؟...
-
كۇز ەدى. اۋىلداعى بايلانىس بولىمىنە باستىق بولىپ ەكى بالاسى بار باعيلا دەگەن جەسىر ايەل كوشىپ كەلدى. تالايدان جابىق تۇرعان پوچتا ءۇيىنىڭ ەسىگى سول كۇنى كەشكە دەيىن ايقارا اشىلىپ، شامى ءتۇن ورتاسىنا د...
