ءمۇعالىمنىڭ ايلىعى 300 مىڭ تەڭگە بولۋى كەرەك - كاسىپوداق
قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى ءتوراعاسىنىڭ ورىنباسارى ايگۇل مۇقاشيەۆا ءمۇعالىمنىڭ ايلىعى 300 مىڭ تەڭگەدەن كەم بولماۋى كەرەك دەپ ەسەپتەيدى.
«پەداگوگتاردىڭ ايلىق اقىسىن ەسەپتەۋ ءۇشىن پايدالانىلاتىن بازالىق ينديكاتور - بازالىق لاۋازىمدىق جالاقىنى (بلج) كۇنكورىس مينيمۋمىنا اۋىستىرۋدى ۇسىنامىز. ەگەر مۇنداي وزگەرىس ەنگىزىلەتىن بولسا، ءبىزدىڭ پەداگوگتاردىڭ ايلىعى ەكى ەسەگە ارتاتىن ەدى»، - دەيدى ايگۇل مۇقاشيەۆا قازاقستاندىق ءبىلىم جانە عىلىم قىزمەتكەرلەرى كاسىپوداعىنىڭ ۇيىمداستىرۋىمەن استانادا ءوتىپ جاتقان دوڭگەلەك ۇستەلدە.
ونىڭ ايتۋىنا قاراعاندا، قازىرگى ۋاقىتتا ەلىمىزدە مۇعالىمدەردىڭ ەڭبەكاقىسى ورتاشا ەسەپپەن 102 مىڭ تەڭگە.
«ءبىزدىڭ ويىمىزشا، ءبىزدىڭ مۇعالىمدەردىڭ ايلىعى 300 مىڭ تەڭگەدەن كەم بولماۋى كەرەك. ەگەر وسىلاي ەتە الساق، ءمۇعالىم ماماندىعىنا جاستار بارار ەدى. سەبەبى، قازىرگى ۋاقىتتا ءمۇعالىمنىڭ ايلىعى از بولعاندىقتان، جاس بۋىننىڭ مەكتەپكە جۇمىسقا بارعىسى كەلمەيتىنى ەشكىمگە قۇپيا ەمەس. ال بىزگە مەكتەپتە ءدال ءقازىر كرەاتيۆتى باعدارلامالارمەن جۇمىس ىستەي الاتىن ويلى جاستار كەرەك. ەگەر مۇعالىمگە جاقسى ايلىق بەرە بىلسەك، ول بارىن سالىپ، جانىن سالىپ جۇمىس اتقاراتىن بولادى. ءبىراق، ءقازىردىڭ وزىندە تومەن ايلىققا قاراماستان، ءبىزدىڭ مۇعالىمدەر وتە جاقسى ناتيجەمەن جۇمىس اتقارۋدا»، - دەيدى ول.
You Might Also Like
-
ءوز ومىرىندە رايىمبەك ءبىرىنشى رەت ولەڭ جازعان. بۇل جاي، اناۋ-مىناۋ ولەڭ ەمەس، قىزعا ارنالعان ماحاببات جايىنداعى ولەڭ ەدى. ولەڭنىڭ تۋۋى دا، جازىلۋى دا تىپتەن كەزدەيسوق بولدى. رايىمبەك ولەڭ جازىپ جۇرگ...
