InfoHub Logo

مەنىڭ التىن قايىرىمدى جان قۇربىم تىلەۋبەكتەگى اناربەك قىزى جۇسىپنەمەرەسى گۇلسانانىڭ بويىنداعى ەڭ ءبىر ەرەكشە ۇنايتىن قاسيەتى – ونىڭ اقكوڭىلدىلىگى مەن اسقان مەيىرىمدىلىگى. ءارقاشان كۇلىپ جۇرەتىن ول دوسقا ادال، اعايىنعا باۋىرمال، ادام بىتكەنگە قايىرىمدى قىز. ەشقاشان ەشكىمگە جوق دەمەيتىن، قولىنداعى بارىن بەرۋگە دايار، ول يماندىلىقتى ءوز ومىرىنە تۋ ەتىپ، ادامگەرشىلىكتى بەرىك ۇستانعان. مەن گۇلسانانىڭ ءاردايىم كۇلىپ جۇرەتىن كوڭىلدى مىنەزىن، ومىرشەڭدىك قاسيەتىن جوعارى باعالايمىن. اسىرەسە، جوقشىلىقتان جۇدەگەن وتباسىلارىن ۇنەمى قولپاشتاپ جۇرەدى. ايتا وتسەم، پاۆلودار قالاسىنداعى 4 بالاسىمەن قالعان جالعىزباستى اكە كاير كوشەلەكوۆكە، الماتى قالاسىندا 4 بىردەي مۇگەدەكتى  باعىپ، ىستىق-سۋىعىنا ءتوزىپ وتىرعان جىگىت دانيار گۋبايدۋللينگە، الماتى قالاسىنداعى ءبىر قىزىمەن قالعان جالعىز باستى اناعا، ءۇش كىسىنىڭ جۇرەك وتاسىنا، قوس بۇيرەگىنەن ايرىلعان جاميلا بايسەرىكوۆاعا، دەندرا ساياباعىنىڭ جانىندا كومىر، وتىن ساقتايتىن قۋىستاي جەردى پانالاپ وتىرعان وتباسىعا، 1 قىز 2 ۇلىمەن قالعان جالعىز باستى اناعا، بىرنەشە وتباسىنا قولىنان كەلگەنشە جاردەم بەرگەنىنە ءوزىم كۋا بولدىم. ال، شىمكەنت قالاسى تۇركىستان سارايىندا ەربول بايىربەكوۆ اعامىزدىڭ «سۇيگەنىڭدى باعالا» اتتى شىعارماشىلىق كەشىندە 70 بيلەت  ساتىپ الىپ، قارتتار ۇيىمەن جاسوسپىرىمدەر ۇيىنە ۇلەستىرىپ بەردى. ءوز تۋعان ولكەسى ماقتاارال اۋدانى قىرىقجىلدىق اۋىلىنداعى مەشىتكە سوڭعى ۇلگىدەگى ەسىك تەرەزە ورناتتى. گۇلسانا ەكەۋمىزدىڭ تانىستىعىمىزعا 5 جىلداي ۋاقىت بولدى. وسى ۋاقىت ىشىندە ونىڭ قاتتىلىعىن نەمەسە ادامدارعا اشۋلانىپ، كەيىگەن كەزىن كورگەن ەمەسپىن. گۇلسانا ءارقاشان اۋرۋلاردى اياپ، بالالار ۇيىندەگى بۇلدىرشىندەردى  جاقسى كورىپ جۇرەدى. ناۋقاس جاندارعا كومەك، جىلى ءسوز، ادامي قارىم-قاتىناس ەمەس پە كەرەگى؟ گۇلسانانىڭ اتاقتارى مەن ماراپات قاعازدارى كوپ-اق. ارينە، قۇربىم ماقتانعاندى جانى سۇيمەيدى، باستىسى بۇل ەمەس، «اتا اناسى كەنەتتە قازا بولىپ، تۋىستارى دالادا قالدىرعان 3 قىز، 4 ۇلدى باۋىرىنا باسىپ، 14 نەمەرەنىڭ قۋانىشىنا بولەنگەن، بۇگىندە شوبەرە ءسۇيىپ وتىرعان جاس اجە»، گۇلسانا اناربەك قىزىنىڭ جاس پەن كارىگە كومەك قولىن سوزىپ، اق قاناتتى پەرىشتەدەي ادام جانىنا جىلى سوزىمەن، مەيىرىمدى جۇرەگىمەن ومىرگە دەگەن قۇلشىنىسىن ارتتىرعان، حالىقتىڭ العىس-ساۋابىن ارقالاعان جان. قۇربىمنىڭ وسى جولدا قاناتى تالماسا ەكەن، كوڭىلدەر تارىلعان زاماندا ادامدارعا قايىرىمدى قولىن سوزا بەرسە ەكەن دەپ تىلەيمىن. 

     ەلەونورا دجۋليك
استانا قالاسى

---