InfoHub Logo

ۇلى كومپوزيتور قۇرمانعازى دەموكراتيالىق باعىتتاعى كوزقاراسى ءۇشiن ۇستالىپ اباقتىعا ايدالعالى جاتقاندا اناسى القا قوشتاسۋعا كەلەدi. اياۋلى انانى كورگەندە ارىس ازاماتتىڭ كوزiنە جاس مونشاقتارى iركiلدi.

جاۋ الدىندا جاسىعانىنا نامىستانعان ەر انا: «ۇل تۋدىم دەپ جۇرسەم، جاسىق قۇل تۋعان ەكەنمىن عوي» دەپ ۇلىنىڭ جاعىنان شاپالاقپەن تارتىپ-تارتىپ جiبەرەدi.سونداعى قۇرمانعازىنىڭ iشتەي تولعانىسى:

جاسىپ تۇرعان شاعىمدا،
قايراتتاندىرعان.
ساسىپ تۇرعان شاعىمدا،
ايباتتاندىرعان –
سەنiڭ شاپالاعىڭ،
قايران شەشەم!
كوزiمە جاس iركiلسە – سەنi اياعانىم-دى،
اڭساعانىم ەركiندiگiمدi، باياعى ءانiمدi.
تۋار، – دەپ، – قارۋ ۇستار قاشان كۇنiم.
جارالادى-اۋ جانىڭدى وسالدىعىم.
جانىدى جiگەرiمدi –
شارت ەتكەن شاپالاعىڭ.
تانىتتى بۇل ءومiردە –
كiم بولماق اتار وعىم.
جات ماعان باتپاق-ەلەس،
شارىقتار شابىتىما ەندi ەشكiم توقتا دەمەس.
قايعىرما، قايران انا، قانجار ۇل جارىپ شىعار،
قاپ ءتۇبiندە جاتپاق ەمەس.
ەسەيدiم بiر كۇندە مەن،
قۇل بولمان مiڭگiرلەگەن.
حالقىمنىڭ قامىن جەيتiن،
كۇي بولام كۇمبiرلەگەن.
وت قۇيىپ وي-ساناما،
جاندىرىپ وتكەن جاعىمدى.
ۇمىتپان ەش، جان انا،
شاپالاعىڭدى –
جاسىپ تۇرعان شاعىمدا،
قايراتتاندىرعان.
ساسىپ تۇرعان شاعىمدا،
ايباتتاندىرعان.

---