اڭشى جاقسىبايەۆ بوستەكباي تۋرالى
بۇل جاقتا جولبارىس، ارىستان، ايۋ بولماعان. ءبىراق باسقا اڭدار بولعان. بوستەكەڭ وسى وڭىرگە قاقپان قۇرىپ، اڭ اۋلاعان. ونىڭ قۇرعان قاقپانىن اڭ تۇگىلى، ادام دا بىلمەيدى. ول قاسقىر اۋلاۋدىڭ الدىندا قاقپاندى وتقا جاعىپ، قىزارتىپ قايتا سۋىتادى. ونداعى سەبەبى تەمىردىڭ ءيىسى شىقپاۋى. ونى جەرگە كومىپ، بەتىن نەشە ءتۇرلى توپىراقپەن جاۋىپ، ءىز سالىپ قويادى.
ەكىنشى ايلا. سونىڭ جانىنان شي بۇتا بولادى. سوعان دا قاقپان سالادى. وعان ارلان قاسقىر تۇسەدى. قاقپان جاتقان جەردىڭ اينالاسىن باقىلاپ، العاشقى قاقپان جاتقان جەرگە جولاماي الگى شي بۇتاعا بارىپ ساريدى، سول كەزدە ارتقى اياعى قاقپانعا تۇسەدى.
بوكەڭ ەتكە قارماق سالىپ، جوعارى تال باسىنا بايلاپ اۋلايدى. ونداعى قۇرالى قارماققا ەت تۇيرەپ، ۇنەمى قوڭىرسىپ تۇراتىن ەتىپ ەتتىڭ ۇستىڭگى جاعىنا ساسىق ەت قويادى.
ءبىر كۇندە 9-10 تۇلكى، قارساق اۋلاعان. تۇلكىنىڭ، قارساقتىڭ ىندەرىنە ءتۇتىن سالىپ، قارساق داۋسىن سالىپ اۋلاعان. سونىمەن ءبىر قىسقا 70-90 اڭ الادى ەكەن.
ەرتە كەزدە سول اۋىلدا قاقپان بولماعان جىلدارى بوكەڭ مىناداي ادىسپەنەن كيىك، قاراقۇيرىق سياقتى ادال اڭداردى العان. ءجۇنى الىنعان قاق تۋلاق وسى كۇنگى مەجەمەن ايتقاندا ۇزىندىعى 60 سم، كولدەنەڭى—40 سم. تۋلاققا پىشاقپەن ويىپ، وڭقاي جانە سولاقاي ءىزىن سالادى. ول تۋلاقتى وزەننىڭ جانىنا تاستايدى، كيىك سۋ ىشۋگە كەلگەن تۋلاققا اياعىن ءتۇسىرىپ الىپ، ودان شىعا الماي قولعا تۇسەدى ەكەن. ءسويتىپ، بوكەڭ ادال اڭداردى ءوستىپ اۋلاپ، اۋلىن قامتاماسىز ەتكەن ەكەن.
You Might Also Like
-
قاراتاۋدا ءبىر جىگىت اڭ اۋلاپ، كيىك اتىپ ءجۇرىپ، تاۋدى ارالاپ كەلە جاتسا، ءبىر القاپتا قويداي باستارىن ايقاستىرىپ اقبوكەننىڭ ۇرعاشىلارى قوساقتالىپ ءتىزىلىپ تۇر. ەكى قوشقارى ءسۇزىسىپ مۇيىزدەرى ايقاسىپ قا...
-
ءبىزدىڭ اۋىلدىڭ ادامدارى قىس ايلارىندا كەشكە قاراي مالدارىن قورالاپ، جايلاپ بولعاسىن ءبىر ۇيگە جينالىپ، سوعىمنىڭ ەتىن استىرىپ، شاي ۇستىندە قىزۋ اڭگىمەگە كىرىسەتىن. كوبىنە سويلەيتىن جاسى ۇلكەن اڭشى، ق...
