InfoHub Logo

قاراتاۋدا ءبىر جىگىت اڭ اۋلاپ، كيىك اتىپ ءجۇرىپ، تاۋدى ارالاپ كەلە جاتسا، ءبىر القاپتا قويداي باستارىن ايقاستىرىپ اقبوكەننىڭ ۇرعاشىلارى قوساقتالىپ ءتىزىلىپ تۇر. ەكى قوشقارى ءسۇزىسىپ مۇيىزدەرى ايقاسىپ قالىپ، ايرىلىسا الماي ولار تۇر. ەندىگى ەكى قوشقار ولار دا ءسۇزىسىپ ءجۇر.

اڭشى جىگىت بۇلاردىڭ قىزىعىن كورەيىن دەپ، ەشقايسىسىن اتپاي، كەشكە دەيىن جاتا بەردى. كۇن باتىر، ىمىرت بولعان سوڭ ۇيىنە قايتىپ، ازاندا ەرتەرەك كەلسە، قوساق تاراماعان. ەكى قوشقار ءالى ءسۇزىسىپ ءجۇر. مۇيىزدەرى ايقاسقان ەكەۋى ءالى تۇر. اڭشى جىگىت «مۇنىڭ قىزىعىن اياعىنا دەيىن كورەيىن، نە ىستەر ەكەن» دەپ جاتا بەرەدى.

ساسكە كەزىندە سۇزىسكەن ەكى قۇلجانىڭ ءبىرى جەڭىلىپ، ءوز بەتىمەن لاعىپ، قاشىپ كەتىپ قالادى. انا جەڭگەن قوشقار ۇزىن ءبىر قوساق بولىپ تۇرعان بوكەندەردى شەتىنەن باستاپ، جاعالاتا بارلىعىن ءبىر-بىر قاشىرىپ شىعادى. سونان سوڭ ازداپ كيىكوتى شوپتەن جەپ، ءبىر جەرگە جاتىپ دەمالادى. سونان سوڭ تۇرىپ بوكەندەردى تاعى ءبىر-بىر رەت قاشىرىپ شىعادى.

كۇن كەشكىردى. قوساق ءالى تارامادى. جىگىت تاعى ۇيىنە قايتىپ، ازاندا تاڭەرتەڭ كەلەدى. قوساق ءالى قالپىندا، تاراماعان. ءالى قۇلجا كيىكوتىنان تاماقتانادى، ازداپ دەمالىپ، قاشىرا بەرەدى. ەندى ءتۇس اۋا قوساق تاراي باستادى. جىگىت اناۋ مۇيىزدەرى ايقاسقان ەكەۋىن الىپ، ۇيىنە قايتتى.

مۇنداعى اڭگىمە: كيىك وتىنىڭ بەرەتىن كۇشىن، اقبوكەننىڭ كۇشىن ءبىلدى. سول بوكەندەر يەنگە بارىپ، ءبارى ءبىر كۇندە تۋادى ەكەن.

بۇل اڭگىمەنى قاراتاۋ اڭشىلارىنان ەستىدىم.

---