«اق بوساعا» گازەتى
«اق بوساعا» — قازاق وتباسىلارىنا ارنالعان باسىلىم. العاشقى ءنومىرى 1991 جىلى 7 اقپاندا الماتى قالاسىندا جارىق كورگەن. گازەتتىڭ جۋرناليستەرى «جۇرەكتەن شىققان ءسوز عانا جۇرەككە جەتەدى» دەگەن ۇستانىم ارقىلى وقىرمانعا تالاي قىزىقتى ماتەريال ۇسىنعان. گازەتتىڭ رەداكتورلىق تىزگىنى سوناۋ اشىلعان جىلدان وسى كۇنگە دەيىن شولپان ۇعىباي قىزىنىڭ قولىندا. «اق بوساعا» گازەتى شىنايى دا تارتىمدى ماقالالارىمەن وقىرمانداردىڭ ىقىلاسىنا يە بولعان. گازەتتە «شەر تارقاتسام دەپ ەدىم»، «سىر سۇحبات»، «شات شاڭىراق» ايدارلارى بار. گازەت بەتتەرىندە ۇنەمى وتباسىلىق ۇلتتىق قۇندىلىقتار تۋرالى ماقالالار جارىق كورىپ تۇرعان. سونىمەن قاتار، قاسيەتتى قۇراننىڭ سۇرەلەرى مەن اياتتارى جايلى دا جازىلعانى وقىرمانداردىڭ شىن ىقىلاسىنا يە بولعان. گازەت وتە قىزىقتى جانە پايدالى ماعلۇماتتارعا تولى. ادامنىڭ كوپشىلىك ورتادا ءوزىن ۇستاۋ مادەنيەتى مەن سويلەۋ ەتيكاسى تۋرالى دا كەڭەستەر جازىلادى. قىز-كەلىنشەكتەرگە ارنالعان اس ءۇي ءمازىرى، ءتاتتى-دامدى تاعامداردىڭ ءمازىرىن دە گازەت بەتتەرىنەن وقي الامىز. دارىگەرلەردىڭ دەنساۋلىققا بايلانىستى مەديسينالىق كەڭەستەرى دە «اق بوساعا» گازەتىندە قامتىلعان. سونىمەن قوسا، وقىرماندار ءوز باسىنان وتكەن قىزىقتى وقيعالارىمەن بولىسكەن. قىسقا اڭگىمەلەر جيىنتىعىن دا گازەت بەتتەرىنەن وقي الامىز. نەگىزىنەن گازەت قازاق قىزدارى مەن كەلىندەرى ءۇشىن بۇل سىرلاس سەرىك، اقىلشى دوس بولا الادى. «اق بوساعا» بەتتەرىنەن كوكەيدە جۇرگەن كوپتەگەن سۇراقتارعا جاۋاپ تابۋعا بولادى. بيىل 30 جىل تولعان باسىلىمعا شىعارماشىلىق تابىستار تىلەيمىز.
You Might Also Like
-
گادجەتتەردەن ءتۇرلى جەلىلەرگە كىرىپ، ەۋروپانىڭ ەتەگىنە ەرىپ، بىرەۋدىڭ قاڭسىعىن تاڭسىق قىلىپ جاتىرمىز. سونىڭ بىردەن ءبىر دالەلى تۋعان كۇن يەسىنىڭ بەتىنە تورتتى «بىلش» ەتكىزىپ جاپسىرۋ. كرەم...
-
ءار ۇلتتىڭ ءوز ۇلتتىق قۇندىلىقتارى بار. قازاق حالقى ءسالت-داستۇر، ىرىمدار مەن جورالعىلارعا وتە باي. اتا-بابالارىمىز سوناۋ زاماننان ۇرپاقتان-ۇرپاققا مۇرا ەتكەن سالت-جورالعىلار وسى كۇنى دە ءوز قۇندىلىقتا...
