InfoHub Logo

تۋريزم – بۇكىل الەمدەگى تابىسى جوعارى سالالاردىڭ ءبىرى بولىپ سانالادى. ءتۋريزىمنىڭ ەلدەگى حالىقتىڭ تۇرمىسىن جاقسارتۋداعى، ەكونوميكالىق قۋاتتى ارتتىرىپ، جۇمىسسىزدىقتى ازايتۋعا دەگەن تيگىزەتىن ۇلەسى ەرەكشە زور. قازاقستان رەسپۋبليكاسىن تابيعاتى كەرەمەت قالالار مەن قورىقتارعا تولى. مەملەكەتەمىز جەر اۋماعى بويىنشا الەم ەلدەرىنىڭ اراسىنان 9 - ورىندى الادى. سوناۋ كەڭ-بايتاق جەردىڭ بارلىعى تابيعاتقا وتە باي. قازاقستاننىڭ ءار وڭىرىندە تۋريستتەردى باۋراپ الاتىن تابيعاتى كەرەمەت جەرلەر- تاۋلار، جازىق دالالار، ورماندار، وزەندەر مەن كولدەر بار. ارحەولوگيا، تاريح جانە ساۋلەت ەسكەرتكىشتەرى قازاقستاندا كوپتەپ كەزدەسەدى. جالپى قازاقستان اۋماعىندا 12 ۇلتتىق تابيعي پارك جانە 10 قورىق بار. نەگىزىنەن، ەلىمىزدە تۋريستتىك سالا 20 – عاسىردان باستاپ پايدا بولعان. سونىمەن قاتار، قازاقستان - ەمدىك-ساۋىقتىرۋ ءتۋريزمى ءۇشىن دە وتە لايىقتى بولىپ سانالادى. ونىڭ سەبەبى تابيعي ەمدىك رەسۋرستاردى بەلسەندى قولدانۋىندا دەي الامىز. ىستىق بۇلاقتار، ەمدىك قاسيەتى بار باتپاقتار، كليمات سەكىلدى رەسۋرستار ارقىلى كەڭىنەن تانىلعان. قازاقستاندا قىمىز تەراپياسى، مينەرالدى سۋلاردى پايدالانۋ قولدانىلادى. سونىمەن بىرگە زاماناۋي قۇرىلعىلارمەن جابدىقتالعان شيپاجايلار بار. قازاقستان دۇنيە ءجۇزى تۋريستىك ۇيىمىنىڭ مۇشەلىگىنە 1993 جىلى ەنگەن بولاتىن. جالپى ءتۋريزىمنىڭ سالالارى كوپ بولىپ سانالادى. قازاقستاندا ءتۋريزمنىڭ بارلىق ءتۇرىن دامىتۋعا جاعداي تولىعىمەن قامتاماسىز ەتىلگەن. قازاقستاننىڭ ءار ءوڭىرىنىڭ اۋا رايى بىر-بىرىنەن وزگەشە بولىپ كەلەدى جانە بۇل جاعداي  قازاقستاندا جىل بويى تۋريزم شارۋاشىلىعىن جۇرگىزۋگە وتە ءتيىمدى. قازاقستان اۋماعىندا بۋراباي، باياناۋىل، مارقاكول، كاتونقاراعاي، قارقارالى، الاتاۋ، حان ءتاڭىرى باۋرايى، تۇلكىباس، شارىن شاتقالى، ساق قورعانى، ماڭعىستاۋ تۇبەگى سياقتى عاجايىپ جەرلەر دە، قوجا احمەت ياساۋي كەسەنەسى، ايشا ءبيبى، ارىستان باب كەسەنەسى سياقتى تاريحي مۇرالارى دا كوپ. شىڭعا شىققىسى كەلەتىن نەمەسە تاۋعا ورمەلەۋدى قالايتىن تۋريستتەردى قامتاماسىز ەتۋگە قازاقستاننىڭ مۇمكىندىگى مول. مادەنيەت، ءسالت-داستۇر تۇرعىسىنان، قازاق ۇلتىنىڭ باي سالت-ساناسىمەن، داستۇرىمەن، ۇلتتىق ويىندارىمەن دە قوناقتارعا كەرەمەت اسەر قالدىرۋعا بولادى. الايدا قازاقستاندا تۋريزم سالاسى لايىقتى دامۋ دەڭگەيىنە جەتە الماي وتىر. ۇكىمەت باسشىلارى ءتۋريزمدى دامىتۋدىڭ ءتۇرلى جوسپارىن جاساعانىمەن، ەلىمىزدەگى تۋريستىك ورىنداردىڭ ءبىرازىنىڭ جاعدايى اسا كەرەمەت ەمەس. سونىمەن قاتار، ەلىمىزدە ساياحاتشىلارعا تۋريستىك ورىنداردى تانىستىراتىن ماعلۇماتتار كوپ ەمەس. جالپى العاندا حالقىمىزدىڭ ازاماتتارى كوبىنەسە ىشكى ءتۋريزىمدى قولدامايدى. بارىنشا شەت ەلگە شىعىپ دەمالعاندى دۇرىس دەپ ەسەپتەيدى. مۇنىڭ ءوزى ءتۋريزىمنىڭ اسا دامىماۋىنا ۇلكەن سەبەپ بولىپ تابىلادى.

---