InfoHub Logo

گادجەتتەردەن ءتۇرلى جەلىلەرگە كىرىپ، ەۋروپانىڭ ەتەگىنە ەرىپ، بىرەۋدىڭ قاڭسىعىن تاڭسىق قىلىپ جاتىرمىز. سونىڭ بىردەن ءبىر دالەلى تۋعان كۇن يەسىنىڭ بەتىنە تورتتى «بىلش» ەتكىزىپ جاپسىرۋ. كرەمىن ۇستىنە، ناندى دەنەگە جاپسىرىپ،  اياقپەن ەزگىلەۋ ىسىراپشىلدىق بولماي نەمەنە!؟

«ناندى قاستەرلەۋمىز كەرەك» دەگەن سوزدەر قۇر بوس، سەلدىر سوزگە اينالدى. اششى تەرمەن كەلگەن ەڭبەكتى اياققا تاپتاعانىمىز ادامدىق قۇندىلىعىمىزدان ايىرماي ما؟! قازاق «قۇداي، ماڭدايعا جازباي ەشتەڭە بولمايدى» دەيدى. بۇل ءستاليننىڭ سۇم ساياساتىنان بولەك قۇدايدىڭ بەرگەن جازاسى ما دەپ ويلايمىن. سەبەبى، بايىرعى قازاق قوناعىن قۇدايىنداي قۇرمەتتەپ،  قۇدايى قوناققا مال اتاپ، باس استىرتاتىنى راس. قالعان ازىقتىڭ ىسىراپ بولۋى، باي- باعلانداردىڭ استامشىلدىعى قۇدايدىڭ بەرگەن جازاسى ما دەرسىز.

الەمدە ەكولوگيالىق داعدارىس بولىپ، شەكتەۋلى بولىپ جاتقاندا شاشىپ، توگىلۋدىڭ كەرەگى نە؟! الەمنىڭ جاس ءارى قايىرشى مەملەكەتتەرى ازىققا ءزارۋ بولىپ وتىرعانى بەلگىلى. «جاقسى ايتپاي، جامان جوق» دەگەن اتام قازاق. اسىپ- تاسىپ، توگىپ- شاشىپ جۇرگەندە 31 جىلعى جاعداي قايتالانۋىنا كىم كەپىل؟!

زامانداستارىمنىڭ اراسىندا بىرىنەن - ءبىرى قالماي، ناندى بەتكە «جاپسىرىپ» اياققا ەزۋ باسەكەگە اينالىپ، زاماناۋي داستۇرگە اينالدى. ەلىمىزدىڭ اتقا مىنەر ازاماتتارى بۇل جاعدايعا اۋىزدىق سالماسا، ءورشي تۇسەرى انىق. قوعامداعى بۇل دەرت ادامدىق قاسيەتىمىزدى جوعالتادى. اينالامىزداعى تاعامعا دەگەن استا – توك استامشىلدىق مۇنىمەن اياقتالمادى.

قۇراندا «ىسىراپ ەتپە، ىسىراپ ەتۋشىلەر ءسوزسىز شايتانعا باۋىر بولماق» دەيدى. اشقا ازىق بولعان ناندى اياققا تاپتاپ، شىنىداي شاشىپ، تاپتاۋ رۋحاني جادىمىزدى جابىرقاتىپ، تومەندەتەنى ھاق.

ارالباي كامشات جانىبەك قىزى

ءال – فارابي اتىنداعى قازاق ۇلتتىق ۋنيۆەرسيتەتى

جۋرناليستيكا فاكۋلتەتى

---