ايبىندى "اق بوساعا"
قازاق باسپاسىندا ءوزىنىڭ ورىنىن قالىپتاستىرىپ، ءبىرشاما وقىرماننىڭ ىستىق ىقىلاسىن الىپ ۇلگەرگەن "اق بوساعا" گازەتىنە انە-مىنە دەگەنشە ىرگەلى 30 جىل تولىپ وتىر. قازاق وتباسىلارىنىڭ بيساياسي باسىلىمى، وتباسىنا ونىڭ ىشىندە نازىك جاندىلاردىڭ ءبىلىم كوكجيەگىن كەڭەيتەتىن كىشىگىرىم مەكتەپ ەسەبىندە بولدى. گازەت العاش 1991 جىلدىڭ 7اقپانىنان باستاپ وقىرمانعا جول تارتتى. رەداكتورلىق تىزگىندى وتىز جىلدان بەرى شولپان ۇعىباي قىزى ۇستاپ كەلەدى. گازەت وتە قىزىقتى، وقۋعا جەڭىل. 2000 جىلدارداعى تيراجى شامامەن 43900 جۋىقتاعانىنان اق سۇرانىستى بىلۋگە بولادى. سول كەزەڭدەگى ايدارلارىنا نازار سالاتىن بولساق، گازەتتى باسقا قىرىنان تانىپ، ءبىراز دۇنيەگە قانىعا تۇسەمىز. «بوي جەتكەندەر بۇرىشى» ايدارىندا قىز كەلىنشەكتەردەن كەلىپ تۇسكەن وي-تولعامدار جارىق كورگەن. وسى رەتتە"قىزبەن ءجۇرۋ «مودا» ما؟"، "سەزىمىم سۋىپ بارادى"، "ماحاببات دەگەن دالباسا" سەكىلدى ماتەرالدار جارىق كورگەن. "كەلىنشەكتەرگە كەڭەس" بولىمىندە ءسان، داستارحان جايۋ ۇلگىسى تاعىدا باسقا ءتۇرلى پايدالى دا نانىمدى اقپاراتتار باسىلعان. «زامانا»، «ماحاببات. تاعدىر. مەحنات»-بۇگىنگىنىڭ اقپارى، «ادەمىلىك ەنشىمىز»، «قال قالاي قۇربى؟»، موتيۆاسيالىق، سىرلاسۋ، تانىمدىق دايەكتەر، «بالا دەسەك. . . »، «قىزىم ساعان ايتام. . . »-بالا تاربيەسىنە ارنالعان. «كىندىك شەشە»، «ابىسىنعا ايتار ناز»- انالارعا ارنالعان. «مىڭ تىج-بىج»-تىڭ اقپارات، «وردا بۇزعان وعلاندار»-تانىمال ەر ازاماتتار ومىرىنە شولۋ. ءبىر قىزىعى ءتىپتى «وڭاشا وتاۋ»، «ۇيات-اي» سەكىلدى ايدارلار كەزدەسكەن. «وڭاشا وتاۋدا» ايەل ازاماتشالار وزدەرىن تولىق تانىستىرا كەتىپ، ەكىنشى جارتىلارىن ىزدەيتىنىن جازادى، ال كوڭىلى تۇسكەن ەر ازاماتتار رەداكسياعا حابارلاسىپ ۇيالى-تەلەفون ءنومىرىن الىپ ءارى قاراي تانىستىق جالعاستىرا العان. «ۇيات-اي» ايدارىندا مازالاپ جۇرگەن، ايتۋعا قىسىلاتىن سۇراقتار جاريالانعان. سۇراق جاريا بولىپ عانا قويماي، سۇراعىنا قاراي مامان نەمەسە رەداكسيادان كەرى بايلانىسقا شىعىپ بولعان. وسىدان-اق باسىلىمنىڭ وقىرمانمەن تىعىز بايلانىستا بولعانىن، ءتىپتى ايدارلار ارنالعانىنان اڭعارۋعا بولادى. كەز-كەلگەن دۇنيەنى ەرەك قىلاتىن ول سوعان عانا ءتان ەرەكشەلىك. سول سەكىلدى ءاربىر باسپا ءوز ايدارىمەن، باعدارىمەن ەرەكشەلەنەدى. وسى رەتتە "اق بوساعانى" 30 جىلدىق مەرەيتويىمەن شىن جۇرەكتەن قۇتتىقتايمىن. ەڭبەكتەرىڭىز اقتالىپ، وركەندەپ، وسە بەرىڭىزدەر!
You Might Also Like
-
ۇلى وتان سوعىسى جىلدارىندا ءبىزدىڭ قانداستارىمىز قاتىسپاعان بىردە-بىر ۇلكەن شايقاس بولمادى. قازاق باتىرلارى ەل باسىنا كۇن تۋعاندا جانىن شۇبەرەككە تۇيگەن ناعىز جاۋىنگەر حالىق بولعان. ەردىڭ ەرى شىدايت...
-
تۋريزم – بۇكىل الەمدەگى تابىسى جوعارى سالالاردىڭ ءبىرى بولىپ سانالادى. ءتۋريزىمنىڭ ەلدەگى حالىقتىڭ تۇرمىسىن جاقسارتۋداعى، ەكونوميكالىق قۋاتتى ارتتىرىپ، جۇمىسسىزدىقتى ازايتۋعا دەگەن تيگىزەتىن ءۇل...
