قۇندى سۋرەت
ەۋروپانىڭ ءبىر قالاسىنداعى اتاقتى كوركەمونەر ورتالىعىندا كىشكەنتاي بالا ادەمى ءبىر تۋىندىنى كورەدى. كوركەمونەردىڭ بۇل تۋىندىسى وتە قىمبات ەكەنى تۇسىنىكتى. بالا سۋرەت تۇرعان ۆيترينانىڭ الدىندا سۋرەتتەن كوزىن الا الماي ۇزاق تۇرادى. اقشاسى جەتپەيتىن بولعان سوڭ، قيماي كەتەدى. قاناعات دەپ جەگەن-كيگەنىن ازايتىپ، ءبىر جىلدا ازداپ اقشا جينايدى. ءبىر جىلدان كەيىن دۇكەنگە قايتىپ كەلەدى. سۋرەتتىڭ ءالى ساتىلماعانىن كورىپ قۋانادى دا، دۇكەنگە سەنىممەن كىرىپ سۋرەتتىڭ اۆتورىنا “ءسىز سالعان سۋرەتتى اعامنىڭ تۋعان كۇنىنە العىم كەلەدى. اقشا جيناپ كەلدىم. سۋرەتتى ماعان ساتىڭىزشى”، — دەپ ءبىر ۋىس اقشاسىن سۋرەتشىنىڭ الدىنا توگەدى.
سۋرەتشى ءبىراز عانا ويلانىپ، سۋرەتتى ادەمى قاعازعا وراپ، ونى سۇراپ تۇرعان بالاعا ساتادى. بالا قۋانىشىن جاسىرا الماي، العىسىن ايتىپ، سىرتقا شىعادى. دۇكەندە بولعان باسقا سۋرەتشىلەر تاڭدانىپ: “ەسىڭ دۇرىس پا؟! Oل جۇمىسىڭ ميلليونعا كەتەر ەدى. نەگە سۋ تەگىنگە ساتتىڭ؟” — دەپ سۇراپ ەدى، سۋرەتشى: “ءيا، بۇل سۋرەتتى كوپ ادامعا ميلليونعا نە ودان دا قىمباتقا ساتا الار ەدىم. الايدا سولاردىڭ ىشىنەن بۇل سۋرەتتى ساتىپ الۋ ءۇشىن ءبىر جىل بويى جيعان اقشاسىنىڭ ءبارىن بەرە الاتىن قانشا ادام شىعار ەدى؟” — دەيدى.
You Might Also Like
-
نيشاپۋر قالاسىنا ءوز كاسىبىنىڭ شەبەرى، ونىڭ ۇستىنە جاراتىلىس-تابيعاتى كۇلدىرگى ءبىر قايىرشى كەلدى دەگەندى ءبىر قاريادان ەستىگەنىم بار. ول ءبىر وعاش قوناق ۇيگە توقتاپتى. قالا قايىرشىلارىنىڭ ءبارى سوندا ج...
-
ءسالت-داستۇر — ءار ۇلتتىڭ، حالىقتىڭ ءدىنى، سەنىمىنە،تۇرمىس-تىرشىلىگىنە، ۇلتتىق قۇرىلىم ەرەكشەلىگىنە سايكەس عاسىرلار بويى جيناقتالىپ، ءومىردىڭ ءوزى تۋعىزعان عۇرىپتاردىڭ جيى...
