InfoHub Logo

دۋكاڭ — اراق جاسايتىن اۋلەت. ول بۇرىن قوي باعۋمەن ءومىر سۇرەتىن، ول كۇندە قويلاردى تاۋدىڭ جوتاسىنا ايداپ بارىپ جاياتىن. كۇندە تۇستە ول سۋلى سايدا تاماق ىشەدى، كىتاپ وقيدى. سۋلى سايدىڭ ءىشى تولعان تۇت اعاشى، تابيعاتى وتە ادەمى. دۋكاڭ ىلعي دا قالعان تاماقتاردى تۇت اعاشىنىڭ تۇبىندەگى شۇڭقىرعا تاستاي بەرەتىن. بارعان سايىن قالعان تاماقتار جينالىپ، ەكى مەتر بولادى.

ءبىر كۇنى دۋكاڭ بايقاۋسىزدا قولىنداعى اشىتقىنى تاماق قالدىعى تاستالعان شۇڭقىرعا ءتۇسىرىپ الادى، كۇندەردىڭ وتۋىمەن، اشىتقى قالعان تاماقتارمەن ارالاسىپ، اراققا اينالادى. دۋكاڭ مۇقيات تاجيىريبە جاساۋ ارقىلى دۇنيەدەگى ەڭ جاقسى اراقتى اشىتادى.

ليۋ ليڭ — جين ءداۋىرىنىڭ اتاقتى جازۋشىسى. ول شەندىلەرگە رازى بولماي، كوبىنەسە؛ دوستارىمەن بىرگە جينالىپ، اراق ىشەتىن. ول ماس بولعان سوڭ بۇكىل كيىمىن شەشىپ تاستاپ، توسەكتە جاتاتىن. بىرەۋلەر ونى مازاقتاسا، ول: «اسپان مەن جەر — مەنىڭ كيىمىم، ۇيلەر — مەنىڭ كورپەم، سەن نەگە مەنىڭ كورپەمنىڭ ىشىنە كىردىڭ؟» ول كوبىنەسە: «مەن كوپتەگەن اراقتاردى ءىشتىم، ءالى جاقسى اراقتى كورگەن جوقپىن»، — دەپ ايتادى.

ءبىر كۇنى ليۋ ليڭ دۋكاڭنىڭ سۋلى سايىنان ءوتىپ بارا جاتقاندا: «ازۋلى جولبارىس ءبىر ستاكان ىشسە، تاۋ ۇستىندە ماس بولار، ايداھار ەكى ستاكان ىشسە، سۋ تۇبىنە قۇلايدى». ۇستىندەگى: «ەگەر ءبىر ءىشىپ، ءۇش جىل ماس بولماساڭ، سەنەن اقشا المايمىن» دەگەن جازۋدى كورەدى. ليۋ ليڭ كورىپ ويلايدى: «مەن دۇنيەدەگى ەڭ جاقسى اراقتى ءىشىپ كوردىم، سول كەزدە ماس بولعان جوقپىن، بۇل قانداي اراق ەكەن؟» — دەپ تاڭدانادى. «مەن وسى اراقتى ءىشىپ كورەيىن»، — دەپ، ول كەلىپ ايتادى: «كانە، اراق الىپ كەل!». دۋكاڭ وعان 3 ستاكان اراق الىپ كەلەدى. ليۋ ليڭ سونى ىشكەندە 1-ستاكاننان سوڭ ول تازا سۋ دەنەدەن وتكەندەي تازالانادى، 2-ستاكان بال سياقتى ءدامدى بولىپ، دەنە جۇپ-جۇمساق بولادى. 3-ستاكاننان كەيىن ليۋ ليڭ باسى اينالىپ، ول ارەڭ ۇيگە ءجۇرىپ قايتادى، ەسىكتەن كىرە، «جاقسى اراق» دەپ، جەرگە قۇلايدى.

3 جىل كوزدى اشىپ جۇمعانشا ءوتىپ كەتەدى. وسى كۇنى دۋكاڭ ليۋ ليڭىڭ ۇيىنە كەلىپ، ەسىك قاعادى. ليۋ ليڭنىڭ ايەلى «نە جۇمىس بار؟» دەپ سۇرايدى. دۋكاڭ ايتادى: «ليۋ ليڭ 3 جىل بۇرىن مەنىڭ اراعىمدى ىشكەن، سول اراقتىڭ اقشاسىن ءالى بەرگەن جوق»، — دەيدى. ليۋ ليڭنىڭ ايەلى ەستي سالا رەنجىپ: «3 جىلدىڭ الدىندا سەنىڭ اراعىڭدى ىشكەن بە، ول قايتىپ كەلگەن سوڭ ءولىپ قالدى. سەن مەنىڭ كۇيەۋىمدى ءولتىردىڭ»، — دەپ دۋكاڭنىڭ وزىنە جابىسا كەتەدى.

دۋكاڭ بۇنى ەستىگەن سوڭ: «ول ولگەن جوق، ول ماس بولىپ قالدى، سەن تەزىرەك مەنى ونى كومگەن جەرگە اپار»، — دەيدى. ەكەۋى اسىعىس-ۇسىگىس كەلىپ، ونىڭ مولاسىن قازىپ قاراسا، ليۋ ليڭ تابىتتىڭ ىشىندە ەكى بەتى قىپ-قىزىل بولىپ ۇيىقتاپ جاتىر ەكەن، دۋكاڭ ونىڭ بەتىن شاپالاقتاپ وياتادى. «ليۋ ليڭ 3 جىل ماس بولدىڭ، ەندى ويان»، — دەيدى. ليۋ ليڭ كوزىن اشا سالا. «دۋكاڭ جاقسى اراق! دۋكاڭ جاقسى اراق!»— دەپ ايتادى وسىدان كەيىن دۋكاڭنىڭ اراعى 3 جىل ماس قىلدىرادى دەگەن ءسوز جۇرتتىڭ قۇلاعىنا تارايدى.

---